NMT hættir

http://www.satphonestore.com/servprod/iridium/

er ekki bara málið að grípa svona eða svipað með sér þegar menn eru að þvælast erlendis svon "gsm" sem allir eru með.
efast um að tollurinn sé að skoða "hvernig síma þú ert með"

irridium hljómar ekki illa. verðið á mínutunni ekki heldur. en mánaðargjaldið er of hátt fyrir okkur hobbykallana, nokkrir þúsundkallar á mánuði.

Og er með nótu fyrir ferðinni og sakar klúbbinn um fjárplógstarfsemi

Er ekki hægt að ræða þessi mál öðruvísi en með einhverjum fíflaskap.

Þetta er háalvarlegt mál sem vert er að ræða með opnum huga og skoða hvað hægt er að gera í stöðunni.
E.t.v. getur klúbburinn okkar tekið við NMT kerfinu og rekið það rétt eins og VHF kerfið. Það þarf kannski stuðning stjórnvalda til að þetta sé kleift en ekki er öll nótt úti varðandi þessi mál.

Síminn hefur keypt töluvert af notuðum símstöðvum í Finnlandi og Svíþjóð og því ekki að skoða hvaða möguleika við höfum varðandi Nordisk Mobil Telefon.

Bendi einnig á samstarf við sjómenn og björgunarsveitir.

Kveðja.
Elli

Það er eins og mig minni er fyrsta bílasímakerfið sem var undanfari nmt var lagt niður þá var þeim símum mörgum hverjum breytt í talstöðvar, Hvort það var vegna þess að það kerfi byggði á vhf veit ég ekki en ættli það sé hægt með nmt og ef svo er er þá ekki hægt að reka nmt sem talstöðvarkerfi og á þann hátt nýta endurvarpana. eða hreinlega efla vhf kerfið og gera samning við eitthverja aðila um hlustun.

En mér er til efs að sjómenn og aðrir sem eru mjög háðir nmt láti þetta ganga yfir sig þegjandi og iridium er það dýrt í tali að telst varla vera kostur á við nmt.nema gsm kerfið verði eflt svo að það virki á við nmt eða hvort eitthvað sé í farvatninu sem leysir þetta mál

Klakinn

Það er nú bara eðlilegt að NMT kerfið standi ekki undir sér eins og notkunin er orðin lítil. Það gerir hinsvegar ekki okkur ómögulegt að reka það á núllinu ef að skilningur væri fyrir hendi hjá stjórnvöldum að leggja einhvern viðhaldspening i þetta kerfi.

Við þurfum ekki framlegð af rekstrinum. Við þurfum öryggi sem ég trúi að óreyndu að hægt sé að bera á borð yfirvalda og fá jákvæðar undirtektir.

Eftir því sem ég veit best er ekki verið að framleiða varahluti eða annan búnað í NMT kerfið. Hinsvegar er til gríðalega mikið af varahlutum í Scandinaviu víðsvegar, og hafa frændur vorir haldið í þá hluti vegna þess að þeir eru ófáanlegir annars.

Svo er eitt, við þurfum ekki endurvarpstöðvar (ath. fleirtala) nálægt þéttbýli, til að anna traffík.

Kveðjur.
Elli.

Ég hef ekki prófað Irridium svo ég hef ekki reynslu af þeim en hvernig er með Globalstar, náum við sambandi við það kerfi hér á Fróni. Símarnir frá þeim eru mun ódýrari og mánaðargjöldin um 3500 kr. miðað við núverandi stöðu dollars (innifaldar 150 mínútur á mánuði) ?
Sjá meðfylgjandi dreifnikort
[img:bizw0ltx]http://store.satellitephonestore.com/images/InitialSet/GLB_CoverageMap.jpg[/img:bizw0ltx]
Miðað við þetta kort þá erum við á einhverjum skilum …

Ég hef notað Globalstar gerfihnattakerfið í nokkur ár hér á Íslandi. Reynsla mín af því er ágæt en eins og segir hér að ofan, þá erum við á mörkum þess að vera í góðu sambandi. Síminn verður að hafa gott "útsýni" til að ná sambandi. Stöku sinnum hef ég orðið var við að samband dettur út í nokkrar mínútur þrátt fyrir góða staðsetningu.

Þetta kerfi er stafrænt alla leið og hljóðgæði pottþétt. Ég nota Ericsson R290 síma sem hefur reynst mjög vel. Hann er líka GSM sími og það eina sem þarf raunverulega að gera er að stinga sínu veljulega SIM korti í símann (hef bara prófað SIM kort frá Símanum) og maður er kominn í samband. Það er ekki rétt að Globalstar rukki mánaðargjöld. Maður borgar bara fyrir notkun og mínútan er núna rétt um kr. 90. Og það getur verið mun ódýrara að nota þennan síma í útlandinu en venjulegan GSM síma, þar sem alltaf er rukkað sama mínútugjaldið.

Þessi sími hefur reynst mér ómetanlegt öryggistæki á fjöllum.

Siggi Gríms.

Þakka þér fyrir svarið Siggi. Þetta er áhugavert, telurður að hann sé nothæfur í jeppaferðalög hérlendis, t.a.m. næst aldrei samband í djúpum dölum eða er þetta tilfallandi?
Ég hef misskilið einhverja mínútupakka sem boðið er upp á á verslunum á netinu sem mánaðargjöld. Hver rukkar fyrir notkun hér á Íslandi og hvernig?
Símarnir í Globalstarkerfinu eru klárlega mun ódýrari skv. því sem ég finn á netinu. Sjá t.d. [url=http://www.satellitephonestore.com/satellite-phone-services.php:15mtrb8s]hér[/url:15mtrb8s]. Þarna er hægt að fá Globalstar SAT-550 Portable Satellite Phone fyrir 325$….
kveðja
Agnar

Já, þetta kerfi er mjög vel nothæft í jeppa- og vélsleðaferðir hér. Ef menn fá sér útiloftnet á jeppann þá ætti að vera samband víðast hvar. Ég hef svosem náð sambandi á ótrúlegustu stöðum t.d. í Skeggjabrekkudal (innaf Ólafsfirði) þar sem hann er umgirtur um 1000 metra háum fjöllum. En það kemur fyrir að ekki næst samband og þá gjarnan í nokkrar mínútur í senn.

Ég hef alltaf litið svo á að gerfihnattasími sé eingöngu öryggistæki. Hann kemur aldrei í staðinn fyrir NMT – til þess er mínútugjaldið of hátt. Þess vegna er ég sannfærður um að áframhaldandi uppbygging á VHF kerfi klúbbsins sé skynsamlegur kostur. Frekari fjölgun endurvarpa og jafnvel samtenging þeirra er eitthvað sem ætti að skoðast mjög vandlega.

Með góða VHF stöð og gerfihnattasíma með í för ættu menn að vera nokkuð öruggir að komast í samband á fjöllum.

Hvað varðar rukkun á Globalstarnotkun þá gæti málið ekki verið einfaldara. Síminn og Globalstar eru einfaldlega með reikisamning sín á milli þannig að gerfihnattanotkunin kemur einfaldlega fram sem útlandasímtal á GSM símareikningnum.

Siggi Gríms.