NMT -> GSM 3G L

Ef til væri einfalt svar við þessu, þá værum við búnir að birta það.

Erum annars að skoða hver er nýjasta stefna símafyrirtækjanna í uppbyggingu langdrægu GSM kerfanna. Hún hefur breyst mikið og það hefur áhrif á búnað sem við getum ráðlagt mönnum að kaupa.

Þó eru hér nokkrir punktar:

Hafið GSM síma frá bæði Símanum og Vodafone meðferðis. Jafn fáránlegt og það hljómar, þá eru ekki reikisamningar á milli þeirra á hálendinu. Sumsstaðar nást bæði kerfin, sumsstaðar bara annað og víða hvorugt. Reyndar dugar að ná öðru kerfinu til að geta hringt í 112.

Í fjölmiðlum mæla menn með útiloftnetum fyrir GSM.Reynið að fá GSM síma sem eru með tengi fyrir útiloftnet. Slíkir símar verða sífellt sjaldgæfari og ég veit ekki um neinn slíkan sem fæst nú. Til eru fasttengdir GSM símar sem hafa gott tengi fyrir útiloftnet og hafa sterkari senda en þeir styðja ekki 900Mhz 3G sem Síminn byggir upp.

Þetta er því ekki einfalt og fátt í boði.

Ég er ennþá með NMT og reyndar HF líka.

Snorri.
R16

Ég talaði við símann um daginn og var ég fyrir vonbrigðum með svörin frá þeim enda var lítið um svör að fá og eða hvort eitthvað stæði okkur til boða í staðin fyrir NMT .Held að það væri ráð að fjarskiptanefnd tæki málið að sér og deyldi síðan upplýsingum til okkar.Annars klikkar ssb ekki og kannski best að halda sig við þetta gamla góða :))
KV:Matti

Snorri

Hvaða möguleika eigum við sem ekki erum með radio amatör réttindi á að ná í HF stöð ?

Ég hef ekki haft tíma til að fara á þetta námskeið hjá IRA og sé ekki fram á að hafa hann á næstunni allavega – enda finnst mér þetta allt of langt hjá þeim.

En ég væri hins vegar alveg til í að skella svona stöð í bílinn hjá mér.

Benni

[quote="Jóhann":2sj2xprp]Sælir
hefur einhver skoðað gsm símana sem verið er að setja í bátana þeir er farnir að draga út undir 50 mílur veit ekki hvort það er einhver möguleiki og hvort þeir eru á einhverju skikkanlegu verði, en þetta er í einhvers lags kassa sem er fasttengdur og er með stóru loftneti svipað og vhf held að þeir séu 3g allavega eru þeir tengdir þannig og nethraðinn er svipaður og í þráðlausu sambandi heima þegar sambandið er gott.[/quote:2sj2xprp]

Það er örugglega svipað og var sett upp í sveitinni hjá Pabba, lítill kassi sem tengist í útilofnet, síðan er hægt að tengjast þráðlaust og með snúru við þetta box með tölvu til að komast á netið, og einning er hægt að tengja venjulegan síma við það, þó það sé ekki virkt hjá honum.

Sæll Dabbi
Veistu einhver verð á svona búnaði og hvernig þetta er í áskrift ? (fyrirfram greitt eða eftirá?)

3G langdrægt er komið upp og beinast sendarnir út á sjó samkv auglýsingu frá Radiómiðun sem er söluaðili fyrir þessa Huwi rátera virkar þetta aðeins fyrir 3G langdrægt sjósenda og 3g gsm senda. Ætlunin var að setja álíka kerfi upp sem þjónaði fastalandinu en það var ekki búið að kaupa þá senda fyrir kreppu, hinir voru komnir til landsins.

Í 3G sjó samband er greitt sérstaklega fyrir talsíma notkun en fast gjald með inniföldu gagnamagni það ódýrasta 5000 á mánuði fyrir 5gíg og alveg uppúr, eftir þörfum.
Mín reynsla er það næst símasamband víðast þar sem NMT náðist áður en netið er víða niðri upp við ströndina.

Að sögn þeirra sem eru að selja Huwi ráterana verður land kerfið, ef og þegar það verður sett upp, ekki á sömu tíðni og sjósendarnir.

Áreiðanlegar heimildir herma að nokkrir sumarbústaðir séu komnir með 3g sjó rátara og virki bara vel. Held þessi búnaður henti ekki vel fyrir hinn almenna jeppamann !!
kv

Ég er með svona Huwei græju í hjólhýsinu hjá mér og hef verið með lengi – fékk þetta sem tilraunatæki frá símanum.

Þetta bara svínvirkar og ég gæti vel trúað því að ég endi á að setja svoa fast í jeppann.

Benni

Eins og fram hefur komið mun Síminn hætta rekstri NMT kerfisins fyrsta september næstkomandi en kerfið hefur í áratugi þjónað öryggishlutverki bæði til sjós og lands. Til þess að leysa NMT kerfið af hólmi hefur Síminn undanfarin missieri unnið að uppbyggingu langdrægs 3G farsímakerfis og eru sendarnir almennt staðsettir á háum fjöllum.
Sendarnir eru lokaðir öðrum en þeim sem hafa Sjóáskrift, þ.e. hafa sérstök SIM kort sem veita aðgang að langdræga 3G kerfinu. Sjóáskriftin veitir einnig aðgang að öllum almennum 3G sendum í landi.

• Nýja langdræga 3G fjarskiptakerfið opnar fyrir möguleika á háhraða nettengingu
• Langdrægasta farsímakerfið: 100-150 km við bestu aðstæður
• Fullkomin stafræn talgæði
• Gagnaflutningshraði allt að 7,2Mbits
• Verðskrá aðlöguð að þörfum viðskiptavina, mismunandi hraði og innifalið gagnamagn

Búnaður
Til þess að ná bestu nýtingunni mælir Síminn eindregið notuð séu útiloftnet og búnaður sem styður 3G á 900 MHz tíðnisviði.

Síminn býður, í samstarfi við Radíómiðun og samstarfsfyrirtæki um allt land, allan þann búnað sem er nauðsynlegur. Hjá Radíómiðun eru sérfræðingar sem veita notendum faglega ráðgjöf um val á búnaði og frágangi hans mikilvægt er að vandað sé til alls frágangs svo eiginleikar kerfisins njóti sín sem best.
Frekari upplýsingar:
Sími 511-1010 / 5111013
t-póstur: radiomidun@radiomidun.is

Hvernig á maður að skilja þetta kort, getur maður notað gemsann sinn á öllu þessu svæði.

http://www.siminn.is/einstaklingar/adst … rfi/kort3/

Ég er smá vantrúaður á það.

Þarna stendur "Hér má sjá þá staði á Íslandi þar sem þú getur treyst því að vera í öruggu símasambandi hjá okkur"

Hver er munurinn á því að vera með 3G routerinn og GSM síma með útiloftneti?

Hver hefur verið reynsla manna hérna af TAL… skv vefsíðu þeirra nota þeir bæði dreifikerfi símans og vodafone…. reyndar ekki 3G… var bara að spá hvort maður myndi þá sleppa við að vera með tvo síma með sitthvoru sim kortinu… og í leiðinni sleppt því að versla beint við símann en mig líkar þjónustan þar frekar illa…