Nissan dc

Ég er að fara út í smá breytingu á Nissan double cab 98′ en það hafa kviknað ýmsar spurningar í tilhugsuninni og mig langar að demba þeim yfir ykkur.

Fyrir einhverjar sakir situr talan 36″ föst í hausnum á mér en ég á ansi margar ástæður til að halda að sú stærð henti mér. Mér datt í hug að hækka bílinn á yfirbyggingu um 8 cm og kannski afturfjaðrirnar um 2-3 cm.

Mín fyrsta spurning er hvort ég megi eiga von á að þetta heppnist hjá mér án þess að færa afturhásinguna?

Næsta atriði er varðandi brettakanta. Ég hef séð nýlega trooper bíla breytta fyrir 38″ dekk en með kanta sem virðast engu breiðari en 35″ kantar. Augljóslega eru dekkin staðsett lengra undir bílnum og ég spyr af einskærri vanþekkingu: er þetta yfirleitt hægt á öllum bílum vegna spindla og bremsubúnaðar og tapar maður miklu í aksturseiginleikum, þ.e. beygjuradíus eða veltihættu.

Næst langar mig að vita með stýrislegingu. Ég kíkti aðeins í hesthúsið á 33″ breyttum bíl og sá þar að stýrið var bara lengt með 2 10 eða 12 mm róm sem voru reyndar 30-40 mm langar. Er þetta búnaður sem er samþykktur og í fína lagi?

Síðast en ekki síst langar mig að spyrja hvort það séu til í albúminu þokkalegar myndir af svona bílum sem er hægt að styðjast við og hvort þetta verði ekki bara hinn bærilegasti jeppi?

Kv Isan