Nískupúkar

Góðan og blessaðan daginn félagar (ef félaga skyldi kalla) Ég heiti Þorsteinn Pálsson, hef félagsnúmer R 325 og hef verið félagsmaður í þessu félagi um nokkurt skeið. Ég hef svo sem ekki starfað mikið innan félagsins en hingað til talið það bæði heiður og mér skylt að styrkja félagið með þessu árlega félagsgjaldi.
Nú er svo komið að mér er stórlega misboðið. Aldrei áður hef ég verið kallaður Nískupúki og verið þjófkenndur eins og þessir svo kölluðu félagar hafa nú gert. Jú málið snýst að sjálfsögðu um skálagjöld í Setrinu annan og þriðja janúar 2004 ég sé ekki annað en ég þurfi að biðjast afsökkunnar á að hafa vogað mér að líta þar við og taka þar gistingu í tvær nætur og er þeirri afsökun hér með komið á framfæri. Ekki Þurfa skálanemdarmenn að hafa áhyggjur af því að það gerist nokkur tíman aftur (vona að þeir taki mark á loforði slíks mans sem ég virðist vera í þeirra augum)
Lýsing á meintum glæp:
Föstudaginn 2 jan lögðum við félagarnir á stað til fjalla 14 saman á 7 bílum ekki var ferðin neitt skipulögð sérstaklega fyrirfram þó höfðu menn Klakkinn ofarlega í huga en vegna þess hve seinir við vorum á ferðinni var ákveðið að fara Kvíslarveituveg með stefnuna á Nýjadal eða Setur. Setrið varð fyrir valinu (fyrstu mistökin). Laugardagur 3 jan ákveðið að fara Klakksleið inn á Hveravelli Þegar inní Kisubotna var komið í mjög þungu færi og snjóblindu þótti ekki ráðlegt að halda lengra á þessari leið. Reynt skyldi að fara austurfyrir Kellingarfjöll þar var færið með þeim hætti að 1 km var farinn á klukkustund.
Ákveðið var að snúa við í Setrið og eiga þar huggulega stund í stað þess að vera berjast fram á nótt.( önnur mistök)
Þá eru það umrædd skálagjöld, hvar sem við höfum komið í skála síðasta rúma áratuginn hafa skálagjöld ALLTAF verið greidd og hefur engum dottið annað í hug fyrr en nú. Nú síðari árin hefur þessi greiðsla verið framkvæmd
með aðferð er nefnist millifærsla á PENINGUM og er framkvæmd í gegnum tölvukerfi bankanna. Til að þessi millifærslugjörningur sé framkvæmanlegur þurfa að liggja ákveðnar upplýsingar fyrir um reikning móttakanda. Þessar upplýsingar er ekki að finna á heimasíðu 4×4. Sendur var tölvupóstur á vefstjóra síðunnar með þessum ábendingum ekkert svar hefur borist enn þá. Fimmtudaginn 8 jan var en beðið um þessar upplýsingar en nú frá gjaldkera félagsins ekkert svar hefur borist en. Sunnudaginn 11 jan var farið að leita að símanúmerum og hringt var í síma Magna þar sem hann var efstur í röð skálanemdarmanna. Magni tjáði mér að hann væri gjaldkeri skálanemdar og lítið mál væri fyrir hann að veita mér umbeðnar upplýsingar. Gengið var frá greiðslu samstundis.
Skrif margra hér á síðunni finnst mér fyrir neðan allar hellur og ættu menn að skammast sín fyrir þessar dylgjur og óhróður en svona er þetta sumir þrífast á þessu. Það mætti kannski segja "Margur heldur mig sig"
Vænti ég og mínir ferðafélagar þess að fá að vera framvegis í friði fyrir þessum illu tungum.

Í fyrsta lagi þá eru sumir aldeilis sérlega flinkir við að finna afsakanir eftir á og mér sýnist í fljótu bragði án þess að þekkja nokkuð til viðkomandi, að þarna séu listamenn á því sviði á ferð.
Í öðru lagi, þá er ég áreiðanlega ekki einn um að hafa lent í því að hafa pantað gistingu í skálum en þegar að þeim var komið voru þeir fullir af fólki sem ekki hafði pantað. Yfirleitt er þetta fólk ekki tilbúið til sveigjanleika og ofbeldið oftast notað. Frelsið er yndislegt, jú mikið rétt, en þitt frelsi endar þar sem nefið á mér byrjar.

Ég skil félaga Jón Snæland sem kemur þessum þræði hér af stað og aðra sem hér hafa verið að tjá sig þannig að málið snúist ekki um að hengja ákveðna einstaklinga. Jón segir m.a. í upphafsþræðinum "Það getur vel verið að þessir hópar hafi greitt skálagjöld, það kemur ekki í ljós fyrr en skoðað verður í kassann í Setrinu." Úr því Þorsteinn og hans félagar hafa með mikilli eftirfylgni greitt sín skálagjöld þá er það bara hið besta mál og væntanlega vita Magni og þá aðrir skálanefndarmenn sannleikann í því máli. Á hinn bóginn hefur komið í ljós hvað eftir annað við uppgjör á rekstri skálans, að ótrúlega lítill hluti þeirra sem þarna gista hafa til að bera sömu sómatilfinningu í þessu. Allavega hafa skálanefndarmenn upplýst það á félagsfundum að það er ekkert samræmi á milli olíunotkunar og fjölda greiddra gistinótta og miðað við innkomu skálagjalda virðist vera sáralítil notkun á þessum skála. Sama á við um marga aðra skála á hálendinu og samt er maður að lenda í þessu sem ólsarinn nefnir, þ.e. að vera búinn að panta skálapláss, en koma svo að skálanum fullum.

Félagsmenn í 4×4 sem og aðrir sem reka skála á fjöllum eru einfaldlega orðnir langþreyttir á þessu vandamáli. Vissulega eru margir sem, líkt og Þorsteinn og félagar, borga alltaf samviskusamlega sín skálagjöld og þurfa því ekki að taka þessa umfjöllun neitt til sín persónulega. Hinn hópurinn sem ekki borgar virðist hins vegar vera ótrúlega stór og við því þarf 4×4 klúbburinn og aðrir að bregðast. Þær aðgerðir bitna auðvitað á öllum og öllu frelsi í ferðamennskunni, en þannig er þetta bara. Um það snýst þessi þráður.

Kv – Skúli

Lestu pistilinn hans SkúlaH (nr. 517) hér að ofan. Hann segir eiginlega allt sem segja þarf. Ef þú ert með allt þitt á hreinu, þá er það bara gott mál. Þá þarft þú ekkert að taka til þín af því sem ég eða aðrir hafa sagt. Þetta með frelstið vísaði beint til þess sem fram kom hér ofar, þar sem því var lýst hvað það væri yndislegt að geta rekið inn nefið þar sem manni sýndist, þegar manni sýndist. Annað í þínu skeyti elti ég ekki ólar við.

Nei kæri ólsari. Ég er ekki sár út í þig eða neinn annan hér, er ekkert mjög mikið í því að láta aðra særa mig. Finnst þetta bara svoldið fyndin umræða. Það er td oft búið að benda á þetta með bankaupplýsingar á síðuna, eða hafa gíróseðla eða umslög í skálunum. Þetta virðist ekki fá hljómgrunn hjá skálanefndum. Ég hef boðið fram krafta mína fyrir skálanefndina og fékk engin svör. Eins og ég segi: ég nota skálana talsvert og er alveg til í að leggja á mig eitthvað til að svo geti verið áfram. Þeir sem svindla á skálagjöldum eru ekki alveg að fatta að þeir eru að eyðileggja fyrir sjálfum sér líka. En er td búið að banna afengisneyslu í landinu þó einhver partur þjóðarinnar kunni ekki með það að fara (kannski ekki besta samlíkingin) allavega, þeir sem misnota aðstöðu sína í Setrinu er þó allavega félagsmenn, fengju varla lykil annars. Og eftir því sem hér er haldið fram, þá eru þeir æði margir sem eru þarna að nota kofann án þess að borga. Af hverju þá ekki að velta þessu út í félagsgjöldin? Eða borga lyklagjald árlega? Ein leiðin væri að rukka td 20.000 kr árlega fyrir lykil og innifalið í því væru 30 gistimiðar frá skálanefnd. Ég sem handhafi lykils gæti þá td farið 3 sinnum með 10 manna hóp með mér og væri þá búin að ná til baka lyklagjaldinu. Það eru til ótal leiðir til að leysa öll vandamál, og ekki endilega bara sú leiðin að banna og loka og læsa. Þetta er jeppaklúbbur, jeppamenskan snýst svoldið um að komast þar sem aðrir komast ekki, snýst svoldið um frelsi og óvissu. Gleymum því ekki.
Baráttukveðja
Pétur Gíslason