Niðurskurður eða

Ég tek hiklaust undir það að "Setrið"er barn síns tíma. Úr því að það stendur ekki undir sér á að hætta útgáfunni. Ég myndi að minnsta kosti ekki sakna þess mikið. Nú er þetta í sjálfu sér ágætis blað, en bæði er að það sem kemur í setrinu eru menn oft búnir að lesa hér á vefnum löngu áður en þeir fá blaðið og svo hitt að það hefur verið ansi gloppótt hvort og hvenær manni berst Setrið, minnsta kosti hér á "suðurhafseyjum"!
Ég held að það mætti frekar skoða að gefa út eitt veglegt blað á ári, t.d. jólablað.

Eyjakveðja HarSv.

Sælir félagar
Það er nú einu sinni svo að þetta ágæta blað sem kemur alltaf með skilum til mín er hin ágætasta lesnig og þarf ekki að vera í neinni samkepni við síðuna okkar þó svo að forsendur fyrir útgáfuni séu breyttar og án efa mikil vinna sem liggur á bak við hjá Ritnefnd (sem hefur staðið sig með sóma)þá sé ég ekki neina ástæðu til að leggja útgáfuna niður heldur mætti horfa til þess að gefa blaðið út 3 hvern mán og nýta það með sama sniði og aðrar útgáfur samanber útivist og fá fólk til þess að skrifa greinar um ýmsa hluti svo sem búnað og breytingar á bílum skála og sögu þeira og staðsetningu ferðasögur og annað sem ekki virðist komast að hér á netinu.það er að segja nýta blaðið okkar til að koma á framfæri efni sem gott er að eiga handbært og vísa í ef þarf,þannig að blaðið öðlist sess sem handbók og ferðafélagi og mætti jafnvel gera út menn á félagsvæði deildanna til að afla efnis og skrifa greinar í blaðið,fá nefndirnar til að koma á framfæri því sem þær eru að fást við
Þetta tel ég vera góðann kost til að gera blaðið okkar að vinsælu og mikið lesnu málgangi sem gagn væri og gott að safna og grípa í ef vantar upplýsingar um skála leiðir breytingar deildir og margt fl sem að jafnaði liggur ekki fyrir á netinu og eðli málsins samkv hverfur í hinum og þessum þráðum sem detta uppfyrir og er bölvað mas að finna
Þetta tel ég að menn ættu að huga að áður en farið er að tala um að leggja útgáfuna niður sem ég er alfarið á móti
Kveðja Klakinn

Ég segi nei,,,,þetta hefur reynst mér gott náttborðsrit og þegar mig hefur vantað tæknilegar upplýsingar sem hafa byrtst áður í Sterinu. Nú þá hef ég getaf flett því upp og lesið. Það er nefnilega ýmis fróðleikur sem búið er að byrta í Setrinu í gegnum árin.

Kv

Góð hugmynd að fækka blöðunum úr 12 í 6 til að byrja með þar sem það gefur færi á að útvega meira efni í blaðið og safna auglýsingum. Væri jafnvel hægt að safna auglýsingum á ársgrundvelli þannig að sá sem kaupir fær sitt pláss og greiðir fyrir árið og fær einhvern afslátt á verðið. Tel að það muni skila sér margfallt.

Svo er vert að minnast á að ég er með bunka síðasta árs í seilingar fjarlægð frá rúminu.

Þeir sem vilja gætu þá afþakkað prentuðu útgáfuna og fengið blaðið í tölvupósti á pdf-formi, og prentað út sjálfir það sem þeir vilja – þetta gæti lækkað dreifingarkostnað, og myndi duga mörgum, þó einhverjir vilji hafa blaðið á náttborðinu, þá dugar mörgum (t.d. mér) að lesa það í tölvunni.
Tölvan er hvort sem er opin 16 tíma á dag, hvort sem er í vinnunni á daginn eða í kjöltunni á kvöldinn.

Þetta eru góðar pælingar og alltaf rétt að spá í hlutina þannig að ekkert sé heilagt heldur sé gagnsemin það sem skiptir máli. En ég hef aðeins efasemdir um útgangspunktinn hjá Ofsa Snæland um að 99% félagsmanna séu nettengdir. En svo má auðvitað finna aðrar leiðir til að koma tilkynningum á framfæri. Einu sinni voru félagsfundir alltaf auglýstir í smáauglýsingum í DV og þær auglýsingar urðu á sínum tíma til þess að ég álpaðist á fyrsta félagsfundinn. But that was then!

Kv – Skúli

Ég er ljúka mínu seinna ári í ritnefnd og já þetta hefur verið mjög gaman, þetta var mikil vinna fyrst að fá þetta til að rúlla en núna gengur þetta mjög auðveldlega fyrir sig og ekkert vandamál að fá efni í blaðið nema um tæknimál. Auglýsingarnar hafa verið vandamál auglýsendur hafa sett það fyrir sig að blaðið skuli bara vera dreift í 2000 eintökum og svo er farið að gefa út bæði Útiveru og Bilar og sport þar sem markhópurinn er dreifðari og hefur það væntanlega áhrif á að erfiðara er fyrir okkur að fá auglýsingar. Mér finnst nokkuð magnað að lesa á þessum þræði að menn vilja fara að gefa út stærra Setur, selja það i lausasölu og ég veit ekki hvað. Vitiði hvað er mikil vinna á bak við það? að gefa út 2 stór blöð á ári er örugglega helmingi meiri vinna en við erum að gera í dag. Við höfum oft farið með aukablöð og látið þau liggja frammi FRÍTT á bensínstöðum og hefa þau ekki gengið út þannig að hver ætti að fara að kaupa þau?
Ég hef ekki orðið vör við annað en félagsmenn séu mjög ánægðir með þennan snepil okkar og vilji fá það áfram. Fram kom hér í öðrum þræði um daginn að heil deild allt að því hótaði úrsögn úr félaginu afþví enginn fékk Setrið. Ég hef ekki séð eins glæsilegt blað hjá öðru áhugafélagi og legg ég til að við leggjums á eitt um að gera blaðið enn betra og þeir sem eru að auglýsa hér ókeypis á vefnum bæði hér í spjallinu, í auglýsingunum og senda okkur auglýsingapóst kaupi auglýsingar í Setrinu. Einu sinni man ég eftir að Setrið kom ekki fyrir mánudagsfund og ég hef alldrei séð færri á Loftleiðum. Eins og fram kemur á forsíðu vantar 3 aðila í næstu Ritnefnd og trúið mér þetta er bara gaman og endilega vil ég sjá inn félaga sem ekki hafa áður starfað i nefndum. Ég var félagi í öðru félagi með mun fleiri félagsmenn og starfsamann í 100% starfi þrátt fyrir að ég hafi ekki greitt félagsgjald í 5 ár fæ ég ennþá sent fréttabréf 4x á ári ljósritað A4 blað með fundarboði á forsíðu, gjarnan brandari í opnunni og dagskrá næstu mánaða aftaná, Viljum við sjá Setrið svoleiðis?
Kveðja Lella

Ég verð að segja það að mér finnst alltaf gaman að fá setrið inn um lúguna og lesa það yfir kaffibolla. þannig að fyrir mína parta allavega þætti mér það miður ef það hætti að koma út þetta flaggskip ferðaklúbbsins.

Kveðja,

Glanni.

Þetta var rætt á mánudagsfundi fyrir nokkrum árum, og menn reittu hár sitt og skegg í bræði, þegar á það var mynst að hætta að gefa Setrið út. Ekki spurning um að halda áfram með Setrið, enda alveg gæða snepill þar á ferð.

Góðar stundir

Eins og síðasti ræðumaður segir þá er blaðið jafn mikilvægt og loft í hjólbarðana

Ég sting uppá að "hleypa aðeins úr" og fá ritnefnd til að stinga uppá skynsamlegust leiðum í samráði við stjórn.

Ef blaðið er þungur kostnaður þá má reyna að rétta það við.

Elvar