Neyðarfjarskipti og radíóamatörar

Sælir. Þetta er nefnilega málið að æfa sig í að nota stöðvarnar. Ég er búinn að fara í gegnum allan pakkann nema Tetra og þó að margir geri nú lítið úr CB inu þá var um tíma svo mikil dekkun á því að nánast alltaf náðist í einhvern ef eitthvað var að . Ég til dæmis svaraði einu sinni kalli frá slysstað við Kjósarskarð og hringdi í sjúkralið á Selfossi . Það var gott samband innan úr Veiðivötnum til Vestmannaeyja og Keflavíkur og víðar. Margir sem nánast aldrei nota talstöðvarnar kunna svo ekki á þær þegar á reynir. Með Kveðju Olgeir

Eflaust lítið um CB stöðvar í notkun núna en sammála Olgeiri að það mátti bjarga sér ágætlega með þessu hér áður fyrr. Þetta byggðist auðvitað á því að einhverjir væru að hlusta og nota þetta.

Þessu tengt. Fyrir nokkrum árum var ég við rannsóknar og eftirlitsstörf um borð í japönsku túnfiskveiðiskipi djúpt suður af landinu. Reglulega allan sólarhringinn þá glumdi mors um allt skip. Þessu var útvarpað um skipið og var nokkuð þreytandi á að hlusta. Mér skildist að menn væru í stöðugu sambandi við útgerðina heima í Japan með þessu.

Vikulega fékk maður 15 mín. samtal heim gegnum gervihnattasíma. Loftskeytamaðurinn stóð yfir allan tímann með skeiðklukkuna. Reyndar datt Immarsat gervihnattasambandið út suma daga sem gat verið óþægilegt því það hringdi eins og eðlilegt samband væri.

Reyndar gat loftskeytamaðurinn pluggað manni í samband við önnur túnfiskveiðiskip í mörg hundruð km. fjarlægð gegnum langbylgju. Tekið skal fram að ég náði mjög litlu sambandi við þessa japani enda kunnu þeir ekki staf í ensku og ég ekki staf í japönsku né morsi. Vissi sjaldnast hvað var að gerast.

Hef það eftir fróðum manni að morsið sé það sem menn geta treyst á ef öll önnur kerfi hrynja. Það er a.m.k. enn notað af túnfiskveiðiflota japana sem fer hringinn kringum hnöttinn árlega. Kannski þetta komi hér með kreppunni enda ódýrt og öruggt.

Kv. Árni Alf.

Ljómandi góður þráður, og þarft umræðuefni.

Hamfarir á Íslandi, og nágrannalöndum er eitthvað sem ég tel að þurfi alltaf að hugsa útí, og að vera reiðubúinn undir. Við þurfum ekki að horfa lengra en til komandi sólgosatímabils (solar maximum) til að sjá að það gætu verið miklar hörmungar í uppsiglingu. Ég ætla ekki að fara að vera með heimsendaspár, en í tengslum við neyðarfjarskipti þurfum við alltaf að horfa til "þess versta mögulega sem getur gerst". Ólíklegt er að þessar aðstæður skapist en betra er að vera undirbúinn en í algjöru "fokki" þegar til kemur.

Setjum upp lítið dæmi. Sólgos valda slíkum truflunum í GPS kerfinu að klukkurnar í GSM og TETRA sendum verða rangar, þar sem þetta kerfi byggist uppá mjög nákvæmari klukku til að geta starfað eðlilega þá fer allt úr skorðum við þetta. Hvaða fjarskiptakerfi gagnast til að koma nauðsynlegum skilaboðum og neyðarskilaboðum til skila? VHF kerfið!

Sama má segja verði hér alvarlegt eldgos í grend við höfuðborgarsvæðið. Þarna gæti hæglega GSM og TETRA kerfið dottið út. Þó að TETRA hafi verið að sanna sig sem afbragðs viðbragðskerfi í hamförum (smbr. suðurlandsskjálftann þar sem GSM og landlínan hrundi á hliðina)

Það hefur komið fyrir að TETRA hefur verið gáttað í gegnum VHF kerfi til að fúnkera eðlilega við neyðarstörf.
Þó að TETRA og GSM séu ágætis kerfi per se þá standast þau ekki þá kröfur sem gera þarf til ALVÖRU neyðarfjarskipta í einhverjum meiriháttar hamförum.
Með skynsemi og smá þjálfun og fræðslu/vitund félagsmanna getur VHF kerfið okkar þjónað mikilvægum þjónustum í hamförum, og þar geta allir félagsmenn leikið hlutverk í að koma skilaboðum til skila.

Þess má þó geta að uppbygging fjarskiptakerfis björgunarsveitanna er mjög fullkomin einnig, og mun koma til með að spila stóran þátt í neyðarfjarskiptum komi til þeirra aðstæðna.

Það er í raun alveg spurning hvort ekki eigi að koma á fót einhverskonar nefnd eða hóp þar sem farið verður yfir þessi mál.

En að öðru, Morse er án efa eitt besta samskiptaform yfir langar vegalengdir og hægt er að nota Morse allstaðar, án efa einn besti samskiptaháttur í neyð sem mögulegur er, og hvet ég alla félagsmenn sem áhuga hafa á neyðarfjarskiptum og að vera vel til búnir þegar hlutirnir fara á versta veg að leggja sig fram við að læra morse.

Til er fjöldinn allur að forritum til að læra Morse, meðal þess má nefna JustLearnMorse eftir frænda okkar í Noregi. Þetta forrit er kjörið til að þjálfa morse kunnáttu! Einnig er til forrit eftir G4FON sem er mjög ágætt til að þjálfa kunnáttuna.

Ég hvet alla sem hafa áhuga á fjarskiptum að skella sér á komandi námskeið til Radíóamatörs og ef einhverjar spurningar vakna endilega hafið samband við mig í síma 848-2317 eða á samuel hjá ulfr.net og ekki vera hræddir við að skella ykkur í prófið, þetta er minna mál en margur heldur og alls ekki bara fyrir einhverja rafmagnsverkfræðinga eða rafeindavirkja. Þetta geta allir lært!

kkv, Samúel – TF2SUT

Námskeiðið er í gangi núna…. byrjaði í byrjun mars