Nefndir

Þetta er ágæt hugmynd og er ekki bara málið að stjórnin ríði á vaðið.

Á næsta aðalfundi verður kosið í stjórn um tvo meðstjórnendur, einn varamann og formann. Meðstjórnendur og varamenn eru kosnir til tveggja ára en formaður alltaf til eins árs.

Stjórnin fundar vikulega eða á tveggja vikna fresti eftir þörfum, en milli funda er tölvupóstur mikið notaður til samskipta. Stjórnarmenn þurfa því að fylgjast vel með tölvupósti. Flest málefni klúbbsins koma eitthvað til umfjöllunar í stjórn þannig að stjórnarstörfin eru býsna fjölbreytileg. Töluverður tími fer í mál sem snúast um samskipti klúbbsins út á við, s.s. við stjórnvöld, stofnanir, önnur áhugamannafélög og ýmis fyrirtæki. Stjórnin sér líka um að undirbúa mánudagsfundina og setja upp dagskrá fyrir þá.

Til að gefa einhverja hugmynd er best að telja upp nokkur mál sem komið hafa á borð stjórnar. Sum þessara mála heyra undir einhverja af nefndunum en stjórn vinnur í sumum tilfellum með nefndunum í einstaka málum:
Samstarf við Ingvar Helgason
Funda með hinum ýmsu nefndum
Fjármál klúbbsins
Fundir með umhverfisstofu og umhverfisráðuneyti um slóðir á hálendinu.
Þátttaka í fundum um utanvegaakstur, viðbrögð við málum sem koma upp varðandi utanvegaakstur.
Fundir með ráðuneytinu um Skaftafellsþjóðgarð
Fundur með rannsóknanefnd umferðaslysa um bílabreytingar.
Undirbúa Landsfund.
Sýningar og þátttaka á sýningum (s.s. sýningin í húsnæði Benna í fyrra og Sumarið 2005)
Myndbandasamkeppnin
Þingmannaferðin
Ferðamál (nýliðaferðir og aðrar ferðir klúbbsins). Setja ferðareglur.

Þetta er nánast handahófskennd upptalning af málum sem stjórnin hefur verið að vinna í síðustu tvö árin eða svo. Get sagt við þá sem eru að velta fyrir sér að bjóða sig fram að það er oft skemmtilegt að starfa í stjórn en auðvitað tekur það tíma og menn þurfa að vera tilbúnir til að gefa tíma í þetta.

Svo er boltinn hjá nefndum.

Kv – Skúli

Sæll Snorri
Best að verða við áskoruninni og svara.
Eins og kemur fram í erindisbréfi nefndarinnar er hlutverk hennar meða annars eftirfarandi:
a)fylgjast með tækninýjungum varðandi búnað fjórhjóladrifsbifreiða,
b)ná samvinnu við viðkomandi yfirvöld um gerð reglugerða fyrir fjórhjóladrifsbifreiðir
c)Ef félagsmenn eru með gallaða vöru sem fyrirtæki neita að bæta þá gæti hún skorist í leikinn en eingöngu með stuðningi stjórnar.
Þetta ásamt ýmsu fleiru er það sem nefndinni er ætlað að gera. Þetta er ekki tæmandi listi aðeins úrdráttur á því helsta.

Hvaða nefnd ætlar að vera næst????

Kveðja
Siggi tæknó

Þrjár stöður eru lausar í skálanefnd í vor.
Skálanefndinn sér um allt viðhald á Setrinu og rekstur. Það er alltaf byrjað að fara í vorferð til að sjá hvernig skálinn kemur undan vetri og ákveðið hvað gera skal á komandi sumri.
En í sumar liggur fyrir að byggja klósett við skálann. Síðasta sumar var sett niður rotþró og allar lagnir fyrir klósettið.
Einnig er farið með 3000 til 4000 lítrar af olíu uppeftir ásamt öllu sem þarf í skálann fyrir komandi vetur.
Mér hefur fundist mjög gamann í skálanefnd og kynnst helling af félagsmönnum í gegnum vinnuferðir, sem er hæfileg vinna og svo kvöldvaka á eftir með glens og olíusögum.
Þetta er frábær leið til að kynnast nýjum félögum

Fyrir hönd Skálanefndar.

Eyþór.

Hlutverk fjarskiptanefndar er eftirfarandi:
Sjá um uppbyggingu og rekstur fjarskiptakerfis 4×4.
Kynna sér nýjungar í fjarskiptamálum og miðla til félagsmanna.
Sjá um samskipti við fjarskiptayfirvöld í samráði við stjórn.

Í fjarskiptanefnd sitja 5 menn og á aðalfundum eru ýmist kosnir 2 eða 3 menn í nefndina.

Kv.
Kjartan
# R 1589

Vefnefnd er skipuð fimm einstaklingum sem í sameiningu sjá um allt viðhald og lagfæringar á vefnum einnig sem þeirra verkefni er að setja inn efni í hina ýmsu flokka.
Einnig sjá nefndarmenn um að aðstoða notendur vefjarins við nýskráningu þegar upp koma vandamál og einnig að koma upplýsingum og glötuðu lykilorði til notenda sem hafa af einhverjum ástæðum gleymt sínu.

Mikið af þeirri vinnu sem vefnefnd sinnir er ekki mjög sýnileg, enda oft þess eðlis að unnið er í þeim kerfum sem stýra vefnum í heild sinni en þó er margt sýnilegt þegar kemur að hinu almenna viðmóti.

Hrafnkell Daníelsson
E-1819