NÁTTÚRUVERNDARLÖGIN 1. UMRÆÐA

Aldrei hélt að ég myndi hrósa Guðlaugi Þór en hann hefur greinilega sett sig vel inn í málinn. En Svandís talar um liðsmenn í náttúruvend og lætur í leiðinni svipun dynja á þeim liðsmanni.
Það verður að tefja þetta frumvarp framyfir kosningar hvernig sem það er gert.

Kv Jökull

Núna er 1. umræða búin og Náttúruverndarlögin komin til umræðu í umhverfisnefnd alþingis. Ef eitthvað á að gera í málunum, þá er það núna á meðan umræðan er í umhverfisnefnd. Þetta er málefni "ALLRA" félagsmanna

Það verður ekki undið svo létt ofanaf náttúruverndarlögunum ef þau verða samþykkt lítið breytt Sigurður. Það sjáum við nú þegar með Vatnajökulsþjóðgarð, þar sem allt er reynt til þess að svæfa vegamálin í garðinu í nefndum og rannsóknum.

Verðum að gera eitthvað, líst vel á hugmyndir Loga og Rúnars tökum ÖLL þátt í að vinda niður af þessari öfga vitleysu. Sýnum nú einu sinni að við getum staðið saman þegar verið er að brjót á okkur.

Kv Bjarki

Ég hafði miklar væntingar til Svandísar þegar hún tók við þessu ráðuneyti. Hún er mjög klár og ég vonaðist til að einhver skynsemisbragur yrði á rekstri þessa ráðuneytis. Við höfum haft ráðherra sem hafa kallað til þyrlur til að stoppa menn á þjóðvegi á Djúpavatnsleið (því hún var búin að fá veður af því að það ætti að henda henni út sem ráðherra). Við höfum líka haft ráðherra sem lét flytja menn sem vinna við að fóðra og moka undan dýrum til að veiða ísbjörn, frekar en leita til íslenskra veiðimanna sem þekkja mun á húsdýrum og villidýrum. Ég hélt því að loksins væri komin þenkjandi manneskja í ráðuneytið.

Því miður er það hinsvegar þannig að Svandís aðyllist þessa öfga náttúruverndarstefnu og rétt eins og hardcore bisness menn þá nær hún sínu fram með góðu eða íllu. Ég hef unnið að hagsmunamálum mótorhjólamanna og kynntist vinnubrögðum þessa ráðuneytis sem og umhverfisstofnunar, þau eru einu orði sagt skelfileg. Samráð er ekki stundað og hefur aldrei staðið til að gera. Hinsvegar eins og snjall pólitíkus eða biznessmaður) lætur hún að sjálfsögðu líta út sem samráð sé haft við hagsmunasamtök. Sem dæmi, þá var settur saman hópur eftirfarandi hagsmunaaðila um málefni utanvegaaksturs.

Í hópnum eru fulltrúar: 4×4, Forvarnarhúsið, Landgræðslan, Landhelgisgæslan, Landsbjörg, Landvarðafélag Íslands, Landvernd, Mótorhjóla og snjósleðaíþróttasamband Íslands, Ökukennarafélag Íslands, Ríkislögreglustjórinn, Samtök ferðaþjónustunnar, Slóðavinir, Umferðarstofa, umhverfisráðuneytið, Umhverfisstofnun og Vegagerðin.

Án þess að ég ætli að fara yfir allt sem mér mislíkaði, þá var sem dæmi sett saman minnisblað og sent ráðherra í nafni hópsins, án þess að innihald væri boðið undir meðlimina. Það var sett saman "aðgerðaáætlun gegn utanvegaakstri". Þetta plagg var kynnt sem áætlun sem unnin var í samstarfi við samtökin hér að ofan. Plaggið var ekki skrifað af hópnum og hópurinn fékk aðeins að hafa skoðun á kafla 3 – annað var okkur ekki sýnt. Í framhaldi neitaði ég fh. MSÍ sem og fleiri aðilar í vinnuhópnum að taka þetta að okkur – annaðhvort vildum við fá allt eða ekkert. Ráðuneytið lét það gott heita, sendi ekki restina af plagginu en kynnti þetta fyrir fjölmiðlum þannig að samráð hefði verið haft við hagsmunaaðila.

Þessi mál munu ekki lagast við næsta ráðherra. Rétt eins og sjallarnir voru duglegir að koma sínum mönnum að í hæstarétti, þá er búið að raða inn í UST fólki sem er á þessari línu… Ísland best í heimi ???

-G

22. , 23. og 24. grein. Tjöldun
Tjöldunarákvæðið er meingallað. Aðeins má nota tvær tegundir tjalda, „hefðbundið viðlegutjald“ og „göngutjald“. Önnur tjöld, jöklatjöld, tjaldvagna o.þ.h. má ekki nota nema á skipulögðum tjaldsvæðum. Sé rýnt í þessa grein má jafnvel lesa úr henni að ekki megi slá upp tjaldvagni á bílastæðinu heima hjá sér til þurrkunar, nema þar sé óræktarland. Reykvíkingar sem ekki hafa óræktarland hjá húsum sínum þurfa þá líklega að leita á tjalstæðið í Laugardal til þurrkunar á tjaldvagni sínum.
Vafasamt er hvernig farið er með tjöldun þegar um er að ræða t.d. þorpshátíðir, knattspyrnumót eða ættarmót heima á eigin jörð eða túni. Það má nefnilega bara tjalda á þar til gerðum tjaldstæðum.

Þetta er bara eitt af mörgu og kannski það léttvægasta. Tel sjálfur að almannaréttarákvæðin séu alvarlegust. Hvet þig til að fara inn á ferdafrelsi.is og skoða linkinn undir "samantekt" sem er þar. Það ætti að upplýsa þig um það sem við erum að gera athugasemdir við. Síðan eru þarna líka athugasemdir annara hagsmunahópa sem þú getur kynnt þér ef þú hefur tíma, nennu og áhuga til. Þú mátt ekki taka því þannig að við séum á móti frumvarpinu sem slíku, margt er gott í því en það er margt þarna mjög illa uppsett og jafnvel þannig að ekki er hægt að fara eftir því. Og kannski er jafnvel reiknað með að ekkert eigi að fara eftir því en til hvers þá að vera að semja lög um þessa hluti? Betra að vanda sig meira og semja lög sem hægt er að fara eftir og gera það í samráði við þá hagsmunahópa sem eiga svo að fara eftir þeim. Illa samin lög gera ekkert annað en að skapa enn frekari óvirðingu fyrir lögum og er það, að mínu mati að bera í bakkafullann lækinn. L.