This topic contains 4 replies, has 1 voice, and was last updated by 
-
Topic
-
Eftirfarandi kemur frá ÍRA:
—
Nú stendur til að halda námskeið til amatörprófs eftir áramót. Áhugasamir skrái sig með því að senda tölvupóst á ira@ira.is. Vefur síðasta námskeiðs er á http://iranamskeid.blogspot.com/. Áhugavert gæti verið að skoða hann.
—Margir F4x4 félagar mættu á námskeiðið sem haldið var í byrjun síðasta árs.
-
Replies
-
Sæll
Hvenær eru þessi námskeið haldin ? Kvöld/helgar ?
Og veistu hvað þetta tekur langan tíma og hvað þetta kostar.
Langar að skella mér á þetta – svona úr því að maður hefur fullt af tíma til að eiga eigið líf eftir 4×4….
Kveðja
Benni
Heyrðu þetta er eitt kvöld í viku, 2-3 klst í senn, 15 kvöld með prófunum tveimur í restina (eitt úr rafmagnsfræði og annað úr reglugerð). C.a. helmingur voru dæmatímar sem þeir sem eru vanir að vinna með útreikninga á rásum geta alveg sleppt, en ágæt upprifjun t.d. á eðlisfræði úr framhaldsskóla ef þarf.
Mig minnir að námskeiðið hafi kostað 10.000kr, innifalið var eins árs gjald í ÍRA og námskeiðsgögn (haugur af góðu efni).
Þetta er nú líka kennt í nágrenni við þig í VRII, fínn kvöldgöngutúr og bara afskaplega fróðlegt og skemmtilegt efni.
Takk fyrir þetta Tryggvi
Hvet alla sem hafa tök á að skella sér í "amatörinn".
Sérstaklega Benna sem lifir góðu framhaldslífi, HF loftnet er einmitt það sem hann vantar á toppinn og það verður frábært að fá svona aktífa ferðamenn "í loftið" á 3,633 Mhz.
Námskeiðið kostar sama sem ekki neitt í samanburði við það sem það gefur, 10.000 kr.fyrir 14 kvöld og próf. Enda er öll kennsla unnin á sjálfboðavinnu af mjög fróðum og færum kennurum.
Námskeiðið er mjög viðráðanlegt fyrir alla sem hafa einhverja grunnþekkingu í rafmagnsfræðum, þeir sem ekki hafa grunnþekkinguna þurfa aðeins meiri heimavinnu en flestallir hafa þetta þó í gegn.
Námskeiðið hefur þann kost að hægt er að reyna aftur og aftur þangað til réttindunum er náð.
Hvers vegna skipta þessi réttindi svona miklu máli fyrir "alvöru" jeppaferðamenn?
Jú við búum í strjálbýlu landi sem erfitt eða útilokað er að dekka að fullu með hefðbundum farsímakerfum, Tetra eða VHF kerfum. HF fjarskipti henta vel til að stoppa í götin og spara sér þannig hrikalegt mánaðargjald á Iridium gerfihnattasíma (tæpar 3.000 á mánuði) sem hefur hingað til verið eina leiðin til að vera alltaf í sambandi.
Besta leiðin fyrir jeppaferðamenn til að koma sér upp HF fjarskiptum ágóðu verði og með góðri hlustun er að gerast radíoamatörar.
Síðastliðið vor tóku tæplega 30 manns þessi réttindi, flestir félagsmenn í f4x4.
Snorri Ingimarsson
R16 og TF3IK
You must be logged in to reply to this topic.