This topic contains 51 replies, has 1 voice, and was last updated by 
-
Topic
-
Góða kvöldið,
Mig langar til að koma hér af stað þræði um fyrirspurnir og aðgerðir vegna mynkörfulána, sem eflaust margir eru að glíma við á þessum síðustu og verstu tímum.
Í kastljósinu áðan kom maður sem sagðist vera búinn að reikna það út að það borgaði sig fyrir hann að hætta að borga af verðtryggða húsnæðisláninu sínu og því datt mér í hug hvort það væri einnig skynsamlegt varðandi bílalaánin?
Í mínu tilfelli er lánið í CHF (svissneskum frönkum) 50% og JPY (Japönskum jenum) 50%. Lánsupphæð var 2.767.677 kr. til 84. mánaða. Greiðslubirgði hefur farið úr 36.138 kr. á mánuði í 88.518 kr. Í síðasta mánuði fórum við og minn lánveitandi í það að setja gjaldfallnar afborgannir afturfyrir, en mér var þá tjáð að ég gæti ekki fengið frystingu lánsins, samtímis. Þegar síðasti greiðsluseðill var gefinn út, sem ég borgaði nú um mánaðamótin stóð lánið í 5.132.119 kr.
Að mínu mati er þetta endalaus hít sem ég sé enga leið út úr, því þó að bíllinn sé í topp lagi, þá er þetta náttúrulega ekki raunhæft söluverð, Ha Ha
Hvað er ráða?
Borga og gráta í hljóði, með von um hækkandi gengi, og fara endanlega á hausinn?
Hætta að borga, og láta þá taka bílinn?
Hvað gerist þá?
Hefur einhver farið þá leið?Ég veit að margir eru að glíma við enn stærri vanda og hef ég fulla samúð með þeim.
Með von um gagnlegar og málefnalaegar umræður.
Kv. Magnús G.
-
Replies
-
Mér finnst það skipta öllu máli hvort að glasið er hálffullt eða hálftómt
Kv, Óli
Lá það ekki alltaf fyrir þegar lán eru tekin að það þurfi að borga þau aftur.
Það lá líka fyrir að þegar þessi lán voru tekin, að þá var gengið óeðlilega hátt og það hlyti að lækka aftur, þó svo að það sé í augnablikinu óeðlilega lágt.
Það liggur líka fyrir að "góðæri" þau koma og fara.
Það hefur alltaf verið þannig.
Það lá líka fyrir að þessir peningar fyrir m.a. nýjum bílunum voru að koma erlendis frá, m.a. Icesave peningar.
Nú liggur líka fyrir að þeir sem tókum EKKI þessi erlendu lán og keyptu EKKI bíla á hlutfallselega miklum lánum, að nú þurfa þeir að fara að greiða niður lánin fyrir þá sem geta ekki staðið undir þeim.
.
Sem betur fer er gengið að lagast aftur núna og vil ég óska okkur öllum til hamingju með það
.
Bjartsýnis kveðjur,
Atli Eggertsson.
.
p.s. þeir sem detta í það alla helgina, frá föstudags hádegi til mánudags morguns, þeir verða líka í bestafalli þunnir á mánudegi. Allavega mín reynsla.
Held að fólk ætti að stilla væntingunum í hóf. Það eru bara tveir dagar liðnir. Allavega algjörlega ótímabært fyrir viðskiptaráðherra að fagna þessari styrkingu, gæti fengið hana í fésið eftir helgi.
-haffi
Að ég held að það sé hægt að myntbreyta öllum þessum erlendu lánum 1x á lánstímanum.
Þannig að fyrir þá sem treysta sér til að velja réttan tíma , nú eða bara einhverja x tölu sem þeir sætta sig við þá er málið að breyta yfir í íslenskt.
Það er amk mín skoðun.
Kv. Kalli
Þá er bara spurning hvenær sé rétti tíminn. Klárlega var afleidd tímasetning til þess á þeim tíma sem þessi þráður byrjaði, eiginlega jafn slæmt eins og það var slæmt að taka gengistryggt lán á þeim tíma sem krónan var sterkust. Frá því þráðurinn byrjaði hefur gengið styrkst um hvað 19% og því lánin lækkað um 1/5 sem er auðvitað talsvert (1 millj í dæminu hans Magga). Hins vegar er gengisvísitalan ekki komin undir 200 stig og fyrir ekkert svo löngu síðan þótti það fáránlega slæmt þegar hún fór yfir 200. Þetta er því tæpast orðið eðlileg staða ennþá, ef eitthvað er til sem heitir eðlilegt þegar ísl. krónan er annars vegar. Hún gæti samt hækkað aftur og þar með krónan fallið. Kannski skynsemi í því að hugsa þetta þannig að fá mat einhvers sérfræðings á því hvað megi búast við að gengisvísitalan fari í þegar best lætur og bíða með breytingu þar til sú tala birtist. Ég veit hins vegar ekki hvaða tölu menn ættu að miða við í því sambandi.
Kv – Skúli
Satt.
Ég ætla að skoða þetta sjálfur , en reikna ekki með að myntbreyta fyrr en eftistöðvar eru komnar um eða undir listaverð á bílnum.Svo kemur bara í ljós hvernig það fer.
Kv. Kalli
í vor kom Ármann Kr þingmaður í fréttir, hann var með bílalán í erlendri mynt sem hann var ekki alveg viss með í upphafi að taka en honum var sagt að þetta væri eina vitið og ef krónan færi eitthvað á stað gæti hann breytt þessu yfir í íslenska mynt. í vor þegar krónan fór af stað fór hann og ætlaði að breyta láninu yfir i íslenka mynt og fór í fjármögnunnarfyrirtækið en þá var þetta ekki í boði, hann sagði að þegar hann tók lánið hefði honum verið sagt að hann gæti breytt því en nei það er ekki í boði núna. Þessi fyrirtæki virðast því geta hagað sér eins og þeim dettur í hug sagt eitt og svo breytast einhverjar forsendur og þá er það ekki í boði. En ef þetta er í boði núna þá þarf mikið að breytast til að það borgi sig að breyta lánunum. Mér fannst þetta sterkt í vor að það væri þingmaður sem væri að lenda í þessu en ekki bara venjulegur Jón, það væri gaman að vita hvað Ármann Kr segir í dag.
kv Lella
Það er nú gott og blessað að gengið hafi styrkst og vísitalan hafi lækkað, og stór plús er náttúrulega að verð á eldsneyti hefur snarlækkað. Spáð er jafnvel áframhaldandi lækkun, sem er mjög gott.
Ég vona að þetta hangi svona til mánaðamóta.Með þessu áframhaldi getum við kannski fjölmennt í miðjuferðina og lokið þeim gjörningi með stæl.
Vextir mættu einnig taka svona dýfu/leiðréttingu, enda eru þeir svimandi háir og í raun óréttlátir.
En ég óttast að þetta sé sýnd veiði en ekki gefin þar sem genginu er handstýrt hér á landi og allt annað gengi skráð annars staðar í heiminum. Það er líka verið að segja að kreppan sé ekki komin og komi ekki fyrr en í febrúar.
Við verðum bara að bíða og vona að allt fari á besta veg fyrir okkur neytendurna.Allavega fer daginn bráðum að lengja og hátíð að skella á.
Kv. Magnús G.
og gleðileg jól
Kv Lella
Hafið það samt í huga að á meðan stýrivextir hérlendis eru í hámarki eru þeir að lækka annars staðar t.d. í Sviss. Afborganir af erlenda láninu hjá mér urðu ekki hærri en af íslensku láni fyrr en við gengisvísitölu ca 180, en grunn vísitalan hjá mér er ca. 120. Skýringin liggur í vaxtamun hérlendis og í Japan / Sviss.
Hámark heimskunnar væri eins og einhver benti á að taka erlent lán við lága gengisvísitölu og fara svo á taugum og breyta í íslenska mynt við háa vísitölu. Öndum með nefinu.
… og gleðileg jól
You must be logged in to reply to this topic.