This topic contains 21 replies, has 1 voice, and was last updated by 
-
Topic
-
Hvernig er það er ekki hægt að setja myndir inn á vefinn á öðrum stöðum en hér á 4×4 ?
Hvaða staðir koma til greina með slíkt – þetta er óþolandi ástand á þessum vef og ég nenni ekki að bíða dögum saman eftir því að vefstjórinn vakni upp af værum blundi og komi þessu í lag….
Benni
-
Replies
-
Það er eitthvað sem þið ættuð að hugsa um því þetta tekur tíma að laga og ekki fær hann borgað fyrir þessa vinnu! Það eru páskar og því ætti hann(vefstjórinn) eins og allir aðrir að fá að vera í fríi því það deyr enginn þótt þú setjir ekki myndirnar þínar inn í dag!
Mér finnst hann standa sig ágætlega miðað við allt það álag sem við leggjum á þennan vef með endalausum skrifum og myndaáfyllingum!
Sýnið aumingja manninum smá tillitsemi þótt hann taki sér frí eins og þú og allir aðrir eiga rétt á!
kv, Ásgeir
Anonymous- Umræður: 0
- Svör: 16404
ég verð að taka í sama streng og síðasti ræðumaður, Hr. Ásgeiri, eins og sagt er "Give him a break"
Síðasta mynd fór inn um miðnættið síðasta miðvikudag – og mér er slétt sama hvort menn vinna hlutina í sjálfboðavinnu eða ekki, ef þeir taka þá að sér eiga þeir að sinna þeim.
Ég vinn mjög mikið í sjálfboðavinnu – og hef m.a. haldið úti nokkrum vefjum í slíkri vinnu og veit því allt um það hversu mikil vinna þetta er….
Hitt er svo allt annað mál að mér finnst að klúbburinn geti vel borgað fyrir þessa þjónustu og komið henni á nothæfan server þannig að þetta sé sæmilega stöðugt.
En ég var hins vegar með póstinum að spyrja um aðrar síður þar sem hægt er að setja inn myndir og koma sér upp sínu eigin myndaalbúmi- veit einhver um slíkt ?
BM
Hugi.is
Það eru t.d. þó nokkrir íslendingar sem eru með myndir á http://www.pbase.com (sjá t.d. [HTML_END_DOCUMENT][url=http://www.pbase.com/world/iceland] )
Það kostar reyndar vissulega eitthvað, ég er ekki alveg klár hvað mikið – ég fór þarna inn meðan þetta var frítt og var svo ánægður að ég borgaði eitthvað smotterí, þó það væri ekki skylda þá – bara æskilegt.
Ég virðist vera að njóta þess núna, því ég hef ekki þurft að borga aftur í þau 3-4 ár sem ég hef verið þarna, og er ég þó kominn með 350 Mbyte þarna inn
Arnór[/url]
Ég klúðraði þessu greinilega eitthvað:
[url=http://www.pbase.com/world/iceland:2klo8zxj]http://www.pbase.com/world/iceland[/url:2klo8zxj]
Menn skildu ekki gleyma því að félagatal í 4X4 hefur örugglega aukist fyrir tilstuðlan þessara síðu, því hún er mjög skemmtileg og nytsöm. Ef félagar eru farnir að spyrja um aðrar síður til að koma myndum sínum inn svo að aðrir ferðafélagar geti notið þeirra þá held ég að ráðamenn klúbbsins ættu að hugsa málið upp á nýtt. Þegar maður skoðar spjallið síðustu daga eru félagar að vísa í hina og þessa síðu sem þeir hafa sett inn myndir af ferðum sem félagar í 4X4 hafa staðið að, þetta eru klárlega merki um upphafið að endirnum, allavega gæti umferðin á vefnum minkað.
Ég er alls ekki að gera lítið úr því óeigingjarna starfi sem ráðamenn klubbsins leggja í hann og eiga þeir skilið þökk fyrir en enhver sagði að fjárhagsstaða klúbbsins væri sterk eins og er, og væri því ráð að eyða smá sneið af fjárhagnum til að auka uppitíma vefsins. í versta falli að upplýsa óbreitta félagsmenn um stöðuna þannig að við þyrftum ekki að vera eilíft að ergja okkur á hvort hægt væri að setja myndir inn eða ekki.
kv. vals.
Anonymous- Umræður: 0
- Svör: 16404
Hmm afhverju bíður þú þig ekki fram í að sjá um vefinn fyrst þú er svona klár. Eða býrð þér til eigin síðu þar sem þú setur inn myndirnar þínar.
Ágúst
Það er alveg á mörkunum að ég nenni að svara svona barnalegum skætingi en…Var ég að lýsa því yfir að ég væri eitthvað voðalega klár……
En annars snýst þetta bara um tíma – ég ligg ekki á liði mínu með að vinna fyrir þennan klúbb eða aðra sem ég starfa fyrir, en ég tek heldur ekki að mér hluti nema að geta sinnt þeim og hafa nægan tíma til þess….
En annars er ekkert að þessum vef hérna þegar hann er uppi – þannig að kannski er þetta bara spurning um að koma þessu á öruggari server.
En annars fann ég ágætis svæði(pbase) til að setja myndirnar mínar á – takk fyrir ábendinguna Arnór.
BM
Ef menn þurfa mjög mikið að koma inn myndum geta þeir sent mér mail á [url=mailto:aron@icemoto.com]aron@icemoto.com[/url] með myndum og nafni sendanda og ég skal setja þær á netið. ATH! Takmarkað pláss … Sendið mér sem fyrst þá. Læt vita hér á korknum þegar ég set inn myndir.
Slóðin á myndirnar (ef einhverjar verða sendar til mín) verður http://4×4.icemoto.com ATH! ekki www.
[url=http://4×4.icemoto.com:hop3olct]Myndir[/url:hop3olct]
Á þessum tengli eru nokkrar myndir frá dagsrúnt á Langjökul 9.04.2004
Ef þú vilt setja þínar myndir þarna inn á sendu mér þær þá í e-maili á e-mailið [url=mailto:aron@icemoto.com]aron@icemoto.com[/url] ásamt nafni og jafnvel notendaheiti hér á f4x4.is
Set allar myndir inn…
Anonymous- Umræður: 0
- Svör: 16404
Það var frábært framtak hjá vefstjóra að setja upp þetta vefspjall, myndaalbúmið og auglýsingarnar og það hefur örugglega dregið jeppamenn verulega að þessum félagsskap. Það er auðvitað slæmt mál þegar eitthvað af þessu virkar ekki, en magnið af myndum þarna er orðið gífurlegt og maður má hafa sig allan við að kíkja þarna inn ef maður ætlar að komast yfir að fylgjast með þessu. Nú veit ég svosem ekki hvað vandamálið er núna, en ég væri ekkert hissa ef þetta er að sprengja aftur utan af sér serverinn.
Annars verður að segjast eins og er að það er misgaman að skoða myndasöfnin. Endalausar myndir af bílum í snjó frá mismunandi sjónarhornum geta verið ágætar en verða lítt spennandi til lengdar. Það lyftir myndum verulega upp ef það er eitthvað líf með, fólk á myndunum eða flott útsýni. Eins ræður það oft úrslitum hjá mér um hvort ég nenni að skoða myndasafn hvort einhver texti sé með sem segir eitthvað um það sem er á myndunum, hvar myndirnar séu teknar og af hverju. Þess vegna hvet ég menn til að leggja meiri áherslu á gæði en magn og gefa sér tíma til að bulla einhverja myndatexta með.
Með aðra vefi, þá eru margir jeppamenn eða klúbbar og klíkur með sínar heimasíður. Það þarf ekkert að drepa þennan vef, en eykur bara fjölbreytnina. Það mætti hins vegar linka á þá vefi hérna þannig að það sé auðvelt að fara á milli.
Kv – Skúli
Veit einhver hvað kostar að fá pláss fyrir myndir á pbase.com,eða á öðrum vefum fyrir myndir.
kveðja
Jóhannes
Sælir
Ég er að setja myndir inn á
http://www.heimska.com
það er nóg pláss og mikið
að myndum sem eiga
eftir að fara þar inn
Sæll Benni, getur verið að þú sért bara ósáttur við síðustu myndina sem fór inn í albúmið 😉
Tek annars undir það að síðan þarf að vera í lagi. Þessi síða er orðin talsvert stærri vettvangur en opin hús í mörkinni þannig að það er alveg þess virði að við eyðum í hana einhverju púðri, það skilar sér allt til baka.kveðja
þorsteinn
Það væri voða gaman ef eitthver hérna er með myndir úr ferðinni þá sérstaklega þegar Kóarinn ók yfir Krossá væri voða gott að fá þær sendar á emailið mitt laugi@simnet.is.
Annars verð ég að taka undir með Hmm það er óþolandi þegar myndasafnið klikkar svona og er óvirkt í marga daga,ég þekki það eftir að hafa starfað með honum í Litludeildinni að hann hefur tíma og klárar það sem hann tekur að sér.betri og hjálpfúsari ferðafélaga er varla hægt að hugsa sér.
Kveðja Klakinn
Ég tek undir að það er mjög gaman að skoða myndaalbúmið hérna á vefnum og þá sérstaklega þegar settir hafa verið inn góðir skýringatextar með.
Ég hef talvert verið að setja inn myndir af ferðum sem ég hef farið í og er fyrir löngu búinn að fylla mitt albúm, er reyndar búinn að fjarlægja mikið af myndum úr ferðum aftur til að koma nýjum fyrir, sem er bagalegt þar sem ég hef oft á tíðum eytt töluverðum tíma í að byggja upp ferðasöguna, bæði í máli og myndum.
Þrátt fyrir margar tilraunir hefur vefstjóri ekki veitt mér meira pláss og reyndar bara alls ekki svarað mér. Ég er því búinn að vera að hugleiða í langan tíma að koma öllum mínum myndum fyrir annars staðar á netinu þrátt fyrir að það sé að mínu mati mun lakari kostur þar sem best er að allar ferðamyndir séu á einum stað og að ég er mjög ánægður með formið á albúminu!
Vonandi fer nú að rætast eitthvað úr þessum málum hjá klúbbnum því að ég kynntist klúbbnum í gegnum vefsíðuna og þá var myndaalbúmið mikið skoðað
kveðja
Agnar
Ég er alveg sammála Benna og öðrum sem eru ósáttir við að það sé ekki hægt að stóla á þetta myndaalbúm.
Einnig að benni slær ekki feilpúst yfir þeim verkefnum sem hann tekur að sér,og ekki er hann að fá greitt fyrir þaug,
frekar en umsjónarmaður vefsins.Mæli ég með því að þeir sem sjá um þetta albúm fari nú að klára dæmið í eitt skipti fyrir öll,svo að þessi umræða poppi ekki upp á 2-3 mánaða fresti með þeirri óánægju sem hún dregur á eftir sér,sem meðlimi F4x4 vil ég geta nýtt það sem ég er búinn að borga fyrir.
kveðja
Jóhannes
R-3257
Ekki skal dulu á það dregið að höfundur/ar eigi heiður skilið fyrir góða uppsetningu á þessari heimasíðu en hún hefur ekkert breyst í of langann tíma, því að svona lifandi heimasíða þarf og verður alltaf að vera í endurskoðun. Það einfaldasta er að útbúa auglýsingadálkinn betur þannig að seljendur geti sett myndir af söluvöru þar inn sem myndi síðan eyðast út eftir tiltekinn tíma. Ég er sammála mörgum hér að hin mesta skemmtun er af að skoða myndir af landslagi með eða án jeppa og með góðum skýringartexta en mér leiðis ekkert meira en fletta (opna) í gegnum albúm af gömlum Subaroum sem einhver er að reyna selja.
Ég vil allavega fara fram á að þeir sem til vandamálsins þekkja upplýsi okkur hina um vandamálið og hver framtíðaráætlun klúbbsins er varðandi þennan sameiningarkraft sem þessi heimasíða er.
Það er allavega staðreynd að ég gerðist félagi í þessum klúbb fyrir tilstuðlan þessara síðu, ég hef sótt mánudags fundi eins oft og ég get, farið nokkrum sinnum í mörkina, tók þátt í síðustu 1.000 bílaferð sem farin var á Skjalbreið. Áður en ég uppgötvaði þessa heimasíðu vissi ég ekki af tilurð þessa félagsskapar.
kv. vals.
R-3117Es. ég hef ekki fengið Setrið sent heim síðan fyrir áramót ???
Sælir félagar
Það er margt satt og rétt sem komið hefur fram hér að ofan, og ég er þeirrar skoðunar að menn verði að vanda sig þegar menn setja inn myndir á þessa frábæru heimasíðu okkar.
Það er einfaldlega alltof mikið af gömlum bílum og öðru dóti sem er til sölu og það tekur of mikið pláss.
Einnig finnst mér alltof algengt að það séu settar inn myndir þar sem varla sést hvað er á, hvernig er þetta þetta með okkur höfum við engan metnað??Nei við eigum að vanda okkur við þetta því þá verður heimasíðan enn meira lifandi og skemmtilegri.
Svo má líka velta því fyrir sér hvort að albúmin ættu að vera fyrir félagsmenn eingöngu?
Með myndakveðju
Austmann
You must be logged in to reply to this topic.