This topic contains 43 replies, has 1 voice, and was last updated by 
-
Topic
-
AnonymousMinnugur þess að myndaalbúmið fylltist um daginn fór ég að velta þessu fyrir mér. Finnst mönnum það ásættanlega að hver sem er geti sett myndir á vefinn okkar. Hér hefur maður t.d. séð myndir af fólksbílum á plani uppá höfða og í berjamó og jafnvel myndir af einhverjum gömlum óheppnum kalli sem er með hálf afmyndað andlit. Mín hugmynd er sú að þessi vefur ætti að vera fyrir meðlimi í jeppaklúbbnum 4×4 og enga aðra. Langar aðeins að koma umræðu um þetta mál af stað. Hvað finnst mönnum?
-
Replies
-
Sælir félagar
Þetta er góð umræða, auðvitað á vefurinn að vera opinn öllun til lestrar, en vistun mynda á að vera eingöngu fyrir félaga. Eins og ég sagði hérna áðan mætti hafa reynslu og prufuáskrift að vistun mynda á heimasíðunni, þegar menn hafa skráð sig fá þeir einhvern tíma frítt svona til kynningar, svo er sendur gíróseðill fyrir félagsgjaldinu og ef menn ekki greiða þá eru þeir bara ekki í félaginu og svæðinu þeirra eitt.
Þetta með "sandkassa" þráðinn er líka góð hugmynd, það er erfitt að stýra því hvar menn skrifa en það mætti þá hafa lokaðan aðgang (bara fyrir félagsmenn)að öllum þráðum nema "sandkassanum".
Hjá okkur í Eyjafjaraðrdeild er ekki hægt að skrifa á spjallið nema vera félagi, það geta allir sent inn auglýsingar en án mynda, utanfélags menn geta þá skrifað á auglýsingaþráðinn að vild.
En kannski er spjallið í Eyjafjaraðrdeildinni lífvana vegna þessa takmarkana, hver veit.mbk. Mundi
Anonymous- Umræður: 0
- Svör: 16404
Pétur, þú kallar mig nirfilssál, þetta er mjög málefnalegt. Ef þú hefðir lesið það sem ég skrifaði þá kannski sérðu að ég er sammála þeim sem vilja að aðeins félagsmenn geti sett efni inn á vefinn. Það eru svona sleggjudómar og hroki sem ég var að ýja að þegar ég nefndi að skrifin hér haldi mér frá því að ganga í klúbbinn.
Afsakaðu minn kæri….auðvitað get ég ekki kallað þig nirfilssál…þekki þig ekki neitt, enda má ekki taka þetta sem hér birtist svona harkalega nærri sér. Fannst bara svolítið undarlegur rökstuðningur að síðan hefði verið það sem fékk þig til að vilja ganga í klúbbinn, en síðan hefði síðan verið það sem stoppaði þig í að ganga í klúbbinn…nettur Ragnar Reykás segi ég…(og ekki meint á neinn móðgandi hátt sko)…vonandi sefurðu bara á þessu…og mætir svo í Mörkina og færð þér kaffi…og ábót…;))
Kveðja
Pétur Gíslason
Anonymous- Umræður: 0
- Svör: 16404
Skil vel þetta Reykás sjónarhorn 😉 auðvitað enda ég í klúbbnum, bara spurning um tíma.
Sælir félagar og takk fyrir "oftast" skemmtilegt spjall. Þessi síða fær tímann til að líða hraðar í annars tilbreytingar litlu baunalandi. Að sjálfsögðu ætti myndaalbumið að vera bara fyrir félagsmenn, en síðan annars opin fyrir alla.
Mvh hilbal
Anonymous- Umræður: 0
- Svör: 16404
Sælir "Félagar"
Ég er ekki félagi í F4x4 af þeirri einföldu ástæðu að ég hef ekki efni á að halda uppi útgerð á jeppa (minn stendur bara inní skúr þar til hagurinn vænkast). Það verður að viðurkennast að þetta er fjandi dýrt sport!!
En ég skoða þennan vef mikið og fylgist með þeim umræðum sem fara hér fram og hafa þær verið til þess að ég hef ákveðið að ganga í klúbbinn um leið og ég hef efni á þessari útgerð. Þær umræður sem hér fara fram eru í langflestum tilfellum á talsvert hærra plani heldur en þær sem fara fram á huga.is, þar eru ekki menn (strákar) með sömu reynslu og þeir sem hér skrifa. Á huga eru ungir strákar að velta upp spurningum og vangaveltum sem tekur því ekki að svara.
Ég hef lengi verið að velta því fyrir mér hversvegna ekki eru fyrningatími á auglýsingum. Ég var að auglýsa á http://www.skessuhorn.is um daginn og þar getur maður ráðið því hversu lengi auglýsingin er inni á vefnum en lengsti tíminn þar er 14 dagar. Ég minnist þess einnig þegar ég var að leita mér að dekkjum undir Sportarann fyrir ekki svo löngu síðan að ég senti um 8 manns fyrirspurn um auglýsingar á þeirra vegum og var aðeins einn sem ennþá var með vöruna til sölu.Sem utanfélags maður legg ég til að spjallið verði áfram opið öllum, myndaalbúm bara fyrir félagsmenn og auglýsingar fyrnist eftir 1-2 mánuði.
Kveðja
Lada
Anonymous- Umræður: 0
- Svör: 16404
Sælir aftur.
Núna rétt í þessu var ég að reyna skoða myndaalbúmið en það kom bara eitthvað Fatal error og bull. Er albúmið á einhverju brennivíni eða er búið að loka því fyrir utanfélagsmenn? Langaði nú bara að skoða nýjar myndir ! !
Kveðja
Lada
Anonymous- Umræður: 0
- Svör: 16404
Ekki stafar þetta af félagsaðildarskorti þínum því ég fæ sömu meldingu. Þegar plássið sprakk á sínum tíma voru uppi kenningar um að "ljótubíla-sía" orsakaði þetta. Það kemur reyndar fleirri síur til greina, þetta gæti líka verið "óráð-sían" og ef svo er þá er engin spurning um að það sé orðið tímabært að loka á vistun mynda hjá utanfélagsmönnum.
Kv – Skúli
Ef það er verið að uppfæra síðuna, t.d. okkar ágæti vefstjóri eða hin ágæta stjórn er ekki hægt að skoða síðuna á meðan.
kv.Lúther
Það er allt í lagi með Albmúið kl.17.47
kv. Kalli
"…á talsvert hærra plani heldur en þær sem fara fram á huga.is, þar eru ekki menn (strákar) með sömu reynslu og þeir sem hér skrifa. Á huga eru ungir strákar að velta upp spurningum og vangaveltum sem tekur því ekki að svara."
Lýsir þetta ekki svolitlum hroka? Á hugi.is/jeppar er öll flóran, svona eins og hér. Á hugi.is/jeppar eru m.a. reyndir jeppamenn sem hafa ferðast mikið og breytt sínum bílum sjálfir. Þar eru svo nokkrir félagar úr þessum ágæta ferðaklúbb. Auðvitað eru þar líka menn sem eru að byrja í sportinu og koma með spurningar (sem sumum finnst greinilega barnalegar) en byrjuðum við ekki allir þannig?
Hvað málefnið varðar þá held ég að það sé sanngjarnt að myndaalbúmið sé lokað (þ.e. eingöngu fyrir félagsmenn) en skynsamlegt að hafa spjallið opið fyrir alla (hætt við að það verði steindautt annars).
JHG
Ágætt að sjá að "kaupi og sel kanta" er búinn að minna á sig í kvöld og setja inn eina auglýsinguna í viðbót.
Ekki spurning að loka á að aðrir en félagar geti sett inn auglýsingar en allir getið lesið þær.
Hlynur R2208
Maður er orðin frekar þreyttur á að sjá þessa "sel og kaupi kanta" oft á dag í marga daga, Ef þetta er ekki misnotkun þá veit ég ekki hvað.
Guðni
R-3039
sammála því … þetta er misnotkun og ég skora á einhvern úr stjórninni að hafa samband við þennan mann og segja honum að svona misnotkun verði ekki liðin, hann hlýtur að geta borgað fyrir auglýsingu á síðunni í staðinn…
kv. Axel Sig…
Anonymous- Umræður: 0
- Svör: 16404
afhverju ekki að leifa öllum sem vilja að vera með "jeppamyndir" á albúminu og þá bara jeppamyndir ekki eitthvað helvítins rugl eins og [url=http://kjolur.f4x4.is/photoalbum/view.php?action=collection&albumid=569&collectionid=797&offset=0:2bizj4kq]ÞETTA[/url:2bizj4kq] kommon þetta eru 6 myndir af eitthverju dekki ef þetta er ekki sógun á diskaplássi þá er það ekkert kveðjur Örn
orn… þetta kemur nú úr hörðust átt, ég veit ekki betur en þú sért nokkuð virkur í "spammi" á auglýsingu um súkkuna þína!
Annars finnst mér mjög sanngjarnt að hafa myndaalbúm eingöngu fyrir meðlimi, þykir spjallið nú mega vera opið 😉
mbkv,
Eiður Ág
Við nánari athugun, sé ég að þú hefur hreinsað út þetta flóð af auglýsingum sem ég sá.
Batnandi manni er best að lifa.
Góðar stundir,
Eiður Ág
Anonymous- Umræður: 0
- Svör: 16404
Diskaplás……….. 14 myndir af…………. 1 hvað………
Anonymous- Umræður: 0
- Svör: 16404
ég er þó með mynd af "jeppa" en ekki dekki kommon en hvernig væri að setja skilyrði fyrir albúmsnotkun svo sem "verður að vera af jeppa eða úr jeppaferð?? bara svona smá hugmynd.. mér finnst þetta nefnilega snilldarvefur og sameinar jeppamenn/konur á einum stað þetta auðveldar okkur landsbyggðarfólkinu líka að fylgjast með hvað er að gerast í heimi jeppa og jeppamanna… því ekki er allstaðar 4x4klúbbur útá landi kveðjur Örn
Anonymous- Umræður: 0
- Svör: 16404
Það er auðvitað afstætt hvað hingað á erindi og hvað ekki. Fyrir mitt leyti finnst mér, af því að þetta er vefur jeppamanna, að hér ættu að vera myndir úr ferðum félagsmanna. Það er mitt persónulega álit. Mér finnst bæði fróðlegt og nytsamt að sjá myndir úr ferðum, t.d. frá slóðum sem ég ætla hugsanlega að fara, t.d. nokkrum dögum síðar og albest er að sjá smá texta með myndum. Einnig finnst mér allt í lagi að sjá myndir af vörum eða bílum sem eru til sölu, það er fínt fyrir hugsanlegan kaupanda vörunnar. En því er ekki að neita að innan um eru myndir sem eiga lítið erindi á vefinn einkum, eins og hér að ofan hafa verið sýnd dæmi af. Ég held að best færi á því að einskorða notkun myndavefsins við félagsmenn því hitt býður upp á misnotkun, þótt ekki vilji ég fullyrða eða alhæfa að svo sé í öllum tilvikum. Er ég ekki ógeðslega jákvæður?!
bv
You must be logged in to reply to this topic.