Myndaalbúm

Vildi bæta við að Harður diskur sem tekur 160 gb (slatti af myndum) kostar 13000. Það er nú ekki svo mikið. Ætti að duga myndaalbúminu í nokkra daga.

hvað eru annars mörg gb af myndum í albúminu?

kv. hannes

ég er ekki að mæla með því að síðunni eða einhverjum hluta hennar verði lokað síður en svo en það hlítur að vera hægt að gera eitthvað í þessu málum.
Gambri4x4
Þ412

Það þarf ekki að loka síðunni, heldur binda innsendingar við skráða notendur. Skráðir notendur væru þeir sem hefðu greitt félagsgjöld – öðrum væri fullkomlega frjálst að "vafra" á vefsíðunni.

Varðandi verð á hörðum diskum að þá er yfirleitt mun dýrara að kaupa diska í netþjóna – þar er almennt notaður búnaður sem krefst sérstakra diska .. með tilheyrandi kostnaði.

Það er góð hugmynd að hreinsa til í auglýsingabálkunum með því að þær hefðu ákveðin lífdaga – ef ílla gengur að selja þá geta menn einfaldlega endurnýjað auglýsinguna – sem er almennt betra fyrir viðkomandi því hún ýtist þá ofar í dagsetningaröðina 😀

Eins þykir mér ekkert óeðlilegt við að ritstýra myndefnum – en þar þarf að stíga gætilega til jarðar og ekki henda út allri vitleysunni, nefni til að mynda myndasafnið hjá Patrolman.

kv.

Sigurður M. R3196

Það er ekki spurning um að síðan verði opinn öllum þeim sem vilja vafra um hana, hinsvegar, varðandi myndaalbúm, vefspjall og auglýsingar, þætti mér eðlilegt að aðeins meðlimir í klúbbnum hefðu aðgang að því.

kv.

Ég hef sagt það áður og segi enn, að bara félagar í 4×4 eiga að geta sett inn myndir. Spjallið og auglýsingar geta verið opin fyrir alla og eins eiga allir að geta skoðað myndirnar. Ég tel að mikil meirihluti félaga í 4×4 sé á því að bara félagar í 4×4 geti sett inn myndir, og núna þegar ný netnefnd er að fæðast, er best að hamra á þessum málum.

Hlynur

Alveg sammála Hlyn og þeim sem vilja loka á myndaalbúmið,að aðeins þeir sem eru búnir að borga félagsgjald og eru félagar geti nýtt sér myndaalbúm.
Þetta er óþolandi að sjá skellinöðrur eða álíka óþarfa inná jeppa síðu,hvar endar þetta? kannski með myndum af matarhátíðinni????????

Kveðja Jóhannes

Sælir félagar og væntanlegir félagar.
Hef verið að renna yfir umræðuna hér að ofan og við fyrstu sýn virðist úrræðið ekki vera að loka hinu og loka þessu. Maður hefur jú rekist á eitt og annað sem ella hefði farið framhjá manni ef lok lok og læs væri lausnarorðið. Hinsvegar fannst mér tillaga Atla E. hér að framan athygliverð, þ.e. að skipta albúminu í skilgreinda flokka, aulýsingar, ferðir, breytingar o.sv.fr.
Þá mætti hugsa sér að ná samkomulagi um að sumir flokkar hefðu takmarkaðan líftíma á síðunni, s.s. auglýsingar og efni sem ekki tengist jeppum beint, hver sem lendingin yrði á því.
Allavega mætti hugsa sér að fleiri yrðu sáttir með þessu fyrirkomulagi, þ.e.a.s. ef ekki er um of flókna aðgerð að ræða.

Friðrik H. Friðriksson
R-186

Sælir félagar

Ég er þeirrar skoðunnar að ekki megi fara af stað með einhverju gerræði og offorsi í málum sem þessu.
En við sem setjum myndir og auglýsingar hér inn ættum að sjá sóma okkar í því að taka það út aftur þegar það hefur þjónað sínum tilgangi, sérstaklega á þetta við um aglýsingar og myndir tengdar þeim.

kv
Austmann

Hlynur var á benda á að það væri verið að stofna intenet, nefd. Hvað er að frétta af henni, Þá hverjir eru í henni.
Hvenær á hún að koma með niðurstöður ofl, ofl. Því nú er mál að linni og brettar verði upp ermar og komið skikki í þessa heimasíðu. Það á ekki að taka 1-2 ár að hefja þetta verk eða hvað.
Jón Snæland.