Myndaalbúm

Góða kvöldið

Mér finnst þetta nú allt í lagi á meðan að plássið í myndaalbúminu klárast ekki.
Mér finnst auðvitað skemmtilegra að skoða myndir af jeppum, hvað þá í torfærum.
En ég vill helst geta farið hingað inn nokkrum sinnum á dag og fundið nýjar myndir. Mér finnst bara fínt að skoða myndir af alls kyns farartækjum, þannig að ég er ekkert á móti þessu.
Auk þess er þetta nú myndaalbúm notanda, ég vildi þá frekar láta taka út allar landslagsmyndir heldur en af sniðugum farartækjum 😉

Kveðja
Izeman

Þetta er ekki í fyrsta skipti sem þessi umræða kemur hér upp á vefnum í sambandi við myndaalbúmið. Mér finnst persónulega að einungis meðlimir í 4×4 klúbbnum eigi að fá aðgang að myndaalbúminu (sbr rottusíðuna,mountainfriends og flestar aðrar síður). Ég er persónulega orðin þreyttur á því að menn séu að selja gocart bíla, móturhjól, fólksbílatíkur og fleira á vef sem er tileinkaður jeppum og jeppamennsku. Hér á síðuna getur vafasamur einstaklingur sett inn vafasama mynd án þess að hægt sé að rekja hvaðan hún kemur. Skv. lögum, ef ekki er hægt að ná til viðkomandi, er sá sem hýsir síðuna (ferðaklúbburinn) gerður ábyrgur. Ég skora hér með að loka aðgangi að myndaalbúminu,vefspjallinu og auglýsingunum fyrir alla nema gilda limi í 4×4.

kv. refurinn

Höfundaréttur
Hvert myndaalbúm tilheyrir einum notanda vefsíðu Ferðaklúbbsins 4×4. Notendum er heimilt að setja inn myndir sem þeir eiga höfundarétt að. Eigi notendur ekki höfundarétt að myndum í albúmi þeirra skal eiganda höfundaréttarins getið í lýsingu myndarinnar og skal notandinn hafa fengið samþykki höfundarins.

Breytingar á myndum
Þegar mynd er móttekin eru framkvæmdar eftirfarandi breytingar á myndinni:

Myndin er smækkuð/stækkuð í þá stærð sem talin er æskileg til birtingar á vefnum.
Á myndina er ritað "old.f4x4.is".
Búið er til minna afrit af myndinni. Á það afrit er ekkert ritað.
Þeir sem setja inn myndir á heimasíðuna eru sjálfkrafa samþykkir þessum breytingum.

Birting á internetinu
Myndir þær sem sendar eru í myndaalbúmið eru sjálfkrafa birtar á vefsíðu Ferðaklúbbsins 4×4. Notendur gera sér grein fyrir því að Ferðaklúbburinn 4×4 eða vefstjórar vefsins eru ekki ábyrgir fyrir myndunum á nokkurn hátt þ.m.t. ólöglegri afritun þriðja aðila.

Vefstjórar vefsíðunnar áskilja sér rétt til þess að eyða hvaða mynd sem er út úr myndaalbúmum notenda án fyrirvara.

ps.. myndir settar vegna sölu körtu fyrir Jeppa þannig að
þetta á fullar rétt á sér..
Eða eru Jeppaáhugamenn ekki velkomnir á þennan vef ??

kv
Gummso

Eru menn hérna á síðunni ekkert í hekli og bróderingum?? Væri gaman að fá myndir af fleiri áhugamálum. Vill endilega hvetja menn til að halda áfram á þessari braut.

Togkveðjur, Patrolman.

Sælir.

Ég er ekki sammála því að loka eigi fyrir spjallið og auglýsingarnar, það hagnast allir á því. En það mætti skoða það að loka fyrir myndaalbúmið. Maður er að sjá allskonar hluti þar inná. Þetta er jú Jeppaklúbbur, ekki sprtbíla- eða mótorhjólaklúbbur.

Svo finnst mér að landslagmyndir eigi heima hérna þar sem að við erum að ferðasr um þetta blessaða land okkar. Það er alltaf gaman að sjá fallegar myndir teknar á jöklum.

Það væri svo spurning um að tengja myndaalbúm við auglýsingarnar þannig að fólk geti sett mynd af dótinu sem það er að selja.

Kveðja
Nonni
R-2495

Er ekki bara málið að flokka albúmuð upp. T.d. Aglýsingar, ferðir, breytingar og kannski fl.
Svo mættu þassar auglýsingar detta út eftir t.d. mánuð, bæði myndir og texti.

kv. Atli E.

ég sé svosem ekkert athugavert við að sýna myndir af dóti sem maður er að selja en 1-2 myndir að dóti eins og gogart bílum hljóta að duga alveg ágættlega en ekki 5-6 myndir humm og svo er líka að mér finnst engin ástæða til að fylla hér allt af fólksbílum,móturhjólum eða körtum en það er auðvitað bara mín skoðun.
Gambri4x4
Þ412

Mér finnst bara gersamlega út í hött að setja myndir af öðru en jeppa- og ferðatengdu efni í myndaalbúmið. Auglýsingar á GoKart og fólksbílum í mydnaalbúmi jeppaferðafélags er andfélagsleg hegðun og á ekki að líðast. Það er einmitt hegðun svona nískupúka sem eru að krækja sér í ókeypis auglýsingu á kostnað okkar hinna (í formi tíma við að vinsa gott myndefni frá ruslinu) sem gæti orðið til þess að eyðileggja sjarma þess að gera út opna jeppaferðamannasíðu.

Leitum leiða til að stöðva þennan ósóma, ég hef svo sem enga patentlausnir, nema að lokanir og hindranir eru með síðust lausnum sem hægt er að sætta sig við.

Svo er hugmyndin um fleiri landslagsmyndir úr jeppaferðum góð. Myndaseríur af breytingum er líka skemmtilegar.

Snorri Ingimarsson

Sælir félagar! Ég er hjatanlega sammála Viði Lunda (Fugla2) um að loka þessu blessaða myndaalbúmi fyrir öðrum en félögum í f4x4. Þetta myndaalbúm er búið að spengja utan af sér plássið margoft eins og þið vitið og kostar það klúbbinnn stórupphæðir á hverju ári og því þá að leyfa utankomandi fólki sem ekki borgar félagsgjöld að nota þetta? Ég er ekki að segja að félagsmenn megi ekki setja inn myndir af hlutum sem þeir eru að selja, en þær verða þá að hafa einhvern maximum líftíma t.d. mánuð. Annars þyrfti að bara að gera gangskör í því að taka til þarna.

Ég sé engin rök fyrir því að mega ekki loka þessu eins og rottusíðunni, Mountain friends og fleiri síðum. Ef fólk vill endilega birta einhverjar myndir sem ekki tengjast okkur eða okkar áhugamáli, þá getur það bara stofnað sína eigin heimasíðu, og hana nú.

Bkv.
Magnús G.
R-2136

Sælir strákar,

sé að umræðan er um lokun hluta vefsíðu 4×4.

Þetta er sniðug hugmynd, ef allir myndu logga sig inn í byrjun væri hægt að hafa lokaðar spjallrásir (t.d. bara fyrir stjórnina, hvert gengi fyrir sig ofl.)
Einnig væri hægt að hafa smáskilaboð sem félagsmenn gætu sent hvor öðrum (viðbót við mail/sms).
Enginn fengi lykilorð nema vera fullgildur limur í f4x4 og er því hvatning fyrir alla að vera í klúbbnum til að njóta góðs af ýmsum ráðum hér, finna ferðafélaga og fara í ferðir.

Auðvita er hægt að hafa opnar rásir sem allir mættu lesa ofl.

Galli er sá að fólk kannski notar síðuna minna ef það þarf alltaf að stimpla inn notendanafn og lykilorð, þarf þó ekki að vera, ekki ef innihaldið á bakvið er þeim mun meira krassandi.

Hvað segja vefstjórar um þetta?

k.v. Hannes