This topic contains 17 replies, has 1 voice, and was last updated by 
-
Topic
-
Er að fara versla mér 38 dekk undir Grand Cherokee. Hef verið soldið heitur fyrir Mickey Thompson dekkjunum. Langar að heyra álit annarra sem hafa notað svona dekk. Maður er alltaf að sjá fleiri og fleiri bíla á svona dekkjum. Þá er ég líka mikið að spá í hvort maður eigi að fá sér Baja Claw eða MTZ??? Hvað haldið þið snillingar?
kv.
Sigfús
-
Replies
-
Sæll. Ég er ný kominn á þessi dekk eftir að hafa verið GH og þar áður Mudder. Get ekki sagt að ég sé kominn með svera reynslu af þeim þar sem ég hef aðeins einu sinni komist í snjó síðan og í fyrstu ferð vilja ný dekk oft vera frekar stíf. Ég skýri með því það að mér fannst þau ekki fara að virka almennilega fyrr en í tveimur pundum en þá líka svínvirkuðu þau. Mikið grip í þeim og auðvelt að grafa sig niður ef maður gætir ekki að sér, en það er frekar kostur í mínum huga. Flutu vel og gekk vel að læðast ofan á krapa. Eina sem ég get nefnt sem mínus við þau eftir þessa einu ferð er að í hliðarhalla fann ég fyrir því að hliðarmunstrið átti til að éta út úr förum þannig að hann leitaði undan halla. En kannski verður þetta allt orðið breytt eftir 5 túra eða svo. Allavega sé ég hreint ekki eftir kaupunum. Líka mjög góð í almennum akstri, hljóðlátari en GH, kringlótt og mjúk.
Ég tók MTZ, leist einfaldlega best á munstrið. Hæfilega gróf.
Kv – Skúli
P.s. Það er rétt sem þú segir að þessum dekkjum er að fjölga mikið undir bílum, í þessum túr sem ég fór voru 11 bílar, þar af 7 á MT-MTZ.
Þessi dekk hafa komið mjög vel út þótt þau virðist stýf… vinur minn er með undir bronkoII og svínvirka þar…..
þetta eru dekk sem þú ættir að skoða….kv.
Davíð Dekkjakall
Hversu þröng eru þessi dekk upp á felgunni? Er eitthvað um affelganir?
Kveðja Þorsteinn
dekkjategundin sem var stolið svo miklu af uppi á höfða um daginn? Hafið það í huga ef ykkur býðst að kaupa notuð svona dekk. Látum ekki þessa þjófa komast upp með að hagnast á óhæfuverkum sínum.
Ég verð að játa að þessi dekk eru spennandi. Hvernig eru þau að koma út í verðsamanburði við önnur dekk eins og GH, AT, Super Swamper og svoleiðis?Kveðja,
Klemmi.
Verð er á svipuðu róli og önnur 38 tommu dekk. Ég grunnaði undir dekkjasætið með ætigrunni einhverjar 3 umferðir og lét svo líma dekkin og það dugði vel í þessum fyrsta túr þó lágt væri farið í loft. Ég gat ekki séð annað en að þau væru þokkalega til friðs ef vel er gengið frá þessu, líka í skriðgírsátökum í brattri brekku þar sem togaði hressilega í. Ég hef heyrt sögur um að þau spóli í felgunni og þess vegna lagði ég upp úr því að hafa sætið vel undirbúið og dekkin vel límd.
Þetta eru eiginlega hálfgerð vandræði hvað er orðið mikið úrval af nothæfum dekkjum. Þegar Freysi var að þróa AT dekkið var eiginlega ekkert í boði að viti annað en hoppandi Mudder og GH og svo DC ef menn lögðu ekki mikið upp úr gripi. En auðvitað á langtímareynslan eftir að koma á þessi dekk, líkt og AT.
Rétt hjá Klemez, þetta eru dekkin sem var stolið heilum farm af. Ég held þó að gaurinn hafi náðst og megnið af dekkjunum fengist aftur. En í þessum bransa er hreinlega stórvarasamt að kaupa vörur af einhverjum út í bæ, ekki síst ef það er ónotað.
Kv – Skúli
sælir
Ég nota MTZ sem sumardekk undir 44" Patrol og er mjög ánægður með þau, mjúk í akstri (microskorin), níðsterk og alveg hringlótt. Ferðafélagar mínir hafa mikið verið að keyra á þessum dekkjum (2,5-3t bílar fullhlaðnir) og eru þeir hoppandi glaðir með MTZ og Baja Claw. Einn er á ATZ en þau eru síðri í snjó skv því sem ég hef séð en eru frábær keyrsludekk. Svona fyrir alhliða notkun myndi ég mæla með MTZ en Baja Claw eru kannski full massíf fyrir svona léttan bíl.
Það tekur smá tíma að mýkja þau upp og það þarf að hleypa vel úr þeim til að byrja með eins og Skúli lýsir.
kveðja
Agnar
Eru þessi dekk e-ð ódýrari en t.d AT eða DC?
Ég ek um á dc mudder sem er framleitt af mt og er með sama belg bara annað munstur þau eru mjög hljóðlát og bælast vel undir grand ég ætlaði í mt en þá var verðið á þeim 47þ stykkið með afslætti hjá Fjallasport svo ég fór í smá ath vinnu og endaði á að kaupa hjá Artic Trucks dc mudder á 36þkr fyrir sama dekkið!!! ég borgaði 149þ fyrir ganginn microskorinn en fékk tilboð í MT 188þ þá var skurðurinn eftir DC dekkin voru á afslætti þá svo ég veit ekki um verð í dag ég er mjög ánægður með dekkin mín og hef séð MT gera mjög góða hluti líka ég var bara ekki til í að borga mismuninn fyrir sama dekkið.
Kv Gísli
ps ég skoðaði vefinn hjá Artic sjá
http://jeppar.is/?pageId=1119&itemId=DIC28553
og þar kostar dekkið 44.900 svo er 4×4 afsláttur frá því verði
hafa menn eitthvað prófað Bias dekkinn frá mickey? hvernig var 46" að koma út á malbiki.
var að spá í 18/39-15LT Baja Belted
http://www.mickeythompsontires.com/truc … BajaBelted
heilar 18 tommur að breidd, væntalega með innbyggðum akgreinaskipti en ætti að fljóta einhvern slatta?
Sælir Félagar,
Segið mér, hvar er hægt að kaupa 38" Baja Claw Radial dekk í dag.
Hver er að selja þetta.
k kv
Gunnar Ingi.
Er það ekki í Fjallasport ?
hekla er með umboðið fyrir MT
hafa 38" radial Baja Claw dekkin verið að koma út. Hafa menn eitthvað prófað þetta??
Kv, Kristján
Já, með reynslu af þeim
ég hef farið nokkra túra á svona dekkjum, fyrsti var í raun sá eini sem er eitthvað að marka þar sem hinir tveir héldu ekki tvö dekk lofti og spóluðu á felgu, en það er vegna þess að þau voru skemmd.
En allavega voru þau límd í fyrsta túr og límið hélt þar til stór brekka kom(langjökull sunnan meginn).
Allavega dreif ég mjög vel á þeim, mjúkar hliðar og fínt grip.
Það heyrist mjög lítið í þeim.. mun minna en t.d. mudder og félagar.
Kringlótt og síðan svona svakalega groddaraleg..
[img:3ptkbzi6]http://www.f4x4.is/new/files/photoalbums/5906/48319.jpg[/img:3ptkbzi6]kv gunnar.
Reyndar búinn að skera þau í tætlur núna til að auka grip í hálku sem og snjó.
Keyptirðu þess dekk notuð?? Afhverju voru þau skemmd??
Er ekki nauðsynlegt að vera með kantlás við þessi dekk eða MTZ til að þetta sé bara til friðs. Engar æfingar í gangi?? Er ekki völsun og líming og fleirra bara bráðabirgðalausn?
Einnig, hef alltaf fundist þessi dekk bælast hálf asnalega, eins og að hliðarnar séu vel stífar. Er það bara meðan dekkin eru ný eða er þetta vitleysa í mér.
Kv, Kristján
Sælir.
Ég hef ekið á Mudder og MTZ á LC 60. Mudderinn er mýkri í akstri enda meiri snertiflötur á MTZ-unni. Ég líki ekki saman flotinu í þessum dekkjum þegar maður er komin í 2 pundin. MTZ virkar einfaldlega betur þó Mudderinn sé einnig góður. Mæli því hiklaust með MTZ-unni. Hefur einnig virkað vel í hliðarhallanum. Ég er með þau á 15,5" breiðum felgum, soðnir kantar og límt. Aldrei affelgað. Við ferðafélagarnir höfum flutt þessi dekk okkar inn sjálfir og erum núna að ganga frá pöntun. Ef einhverjir vilja vera með í því þá kíkið á slóðina hér að neðan og látið okkur vita.
Þórarinn
https://old.f4x4.is/new/ads/default.aspx … lgur/27396
Hvað má og hvað má ekki?
18. apríl 2008 – 20:45 | Tryggvi R. Jónsson, 1255 póstarHér fyrr í dag birtist pistill á þessum vef sem var á þessa leið: Rafræn áskorun.
Skömmu síðar var þessi sami texti horfinn af vefsíðu F4x4 og búið að loka (án aðvörunar) á aðgang þess félagsmanns sem þetta skrifaði að vefsíðu Ferðaklúbbsins 4×4.
Undanfarið hefur Ferðaklúbburinn 4×4 fengið á sig orð fyrir að mótmæla háu eldsneytisverði og vill láta til sín kveða á því sviði og gefur sér hinn eðlilega rétt til mótmæla í orði og verki. Hví eru ekki hin sömu réttindi höfð í hávegum innan þess sama klúbbs?
Í tilkynningu frá vefnefnd sem birtist þann 10. janúar þessa árs segir:
Markmið spjallþráðanna er að hafa málefnalegar umræður þar sem virðing er borin fyrir öðrum spjallverjum. Ef menn fara út fyrir kurteisismörk mun vefnefnd veita viðvörun. Ef þeirri viðvörun verður ekki sinnt, er tímabundið lokað fyrir skrifaðgang viðkomandi að vefsíðunni. Ef viðkomandi lætur sér enn ekki segjast verður lokað fyrir aðganginn um lengri tíma.
Sé það rétt sem mér er tjáð að lokað hafi verið á skrifaðgang (OG LES-aðgang að innanfélagsmálum) þess félagsmanns sem skrifaði þann texta sem ég vísa til án aðvörunar að beiðni stjórnar er það ekki samræmi við lýðræðisleg vinnubrögð. Það er til fordæmi fyrir því að undirskriftalistar séu birtir á þessari vefsíðu.
Tel ég að vefskilmálar og þær kröfur sem gerðar eru til pistla á þessum vef eigi að vera óháðar þeim sem þá skrifa. Ef mönnum er kerfisbundið misboðið á þessum vef er hann ekki sæmandi frjálsu áhugamannafélagi.
Með bestu kveðju
Tryggvi R. Jónsson, A-898
Svara þessum þræði
Tryggvi
18. apríl 2008 – 20:54 | Benedikt Sigurgeirsson, 1485 póstarminn, vonandi ertu ekki að fatta þetta núna fyrst…
það er alveg deginum ljósara og ég ættla ekki að nefna nein nöfn því ég hef sett mér þær reglur að reina að vera ekki með einhverjar persónulegar "árásir" að það er einhver/einhverjir gersamlega búnir að drulla upp á bak á sér hér og því miður virðist vera sem svo að þá hefur engin áhuga á að skeina þeim, skil það svosem alveg mjög vel, taki til sín sem eiga!
Svara þessum þræði
Benni minn…
18. apríl 2008 – 21:00 | Tryggvi R. Jónsson, 1255 póstarNei en ég þakka þér hins vegar fyrir að beina mér inn á BMW-beinu brautina og vona að þú eigir ekki eftir að hafa mikinn skaða af 😉
Svara þessum þræði
Hvað má og hvað ekki ?
18. apríl 2008 – 21:10 | Þorbjörn Gerðar, 220 póstarÉg verð eiginlega að taka undir með Tryggva í fyrsta póstinum……
Bubbi R-3466
Svara þessum þræði
Hvað má…
18. apríl 2008 – 21:20 | Erlingur Harðarson, 518 póstarJá það má ekki pissa bak við hús… var sungið um. En, afhverju að gera okkur hina svona forvitna. Hvernig væri að birta úrdrátt úr því sem sagt var og ekki má. Að minnsta kosti um hvað málefnið fjallaði.
Kveðja:
Erlingur Harðar
PS: Tryggvi, ég get sagt þér það núna að BMW brautuin er ekki bein… hún er hundabein!
Svo ég haldi áfram þá er Toyota brautin ekki heldur bein, þetta eru nú meiri druslurnar!
Svara þessum þræði
linkurinn
18. apríl 2008 – 21:23 | Bazzi, 598 póstartryggvi er með link í upphafspóstinum þar sem eru bein skrif hennar stefaníu, en á þeirri síðu er svo linkur á rafræna áskorunn sem margir eru búnir að skrifa undir og hvet ég alla sem áhuga hafa að skoða þessa linka.
kv
Svara þessum þræði
Lokun
18. apríl 2008 – 21:39 | Erlingur Harðarson, 518 póstarNúna rétt í þessu var ég að tala við Tryggva og meðan við vorum að tala saman var netaðgangi hans lokað á vef 4×4.
Nú spyr ég vefstjórn og aðalstjórn: Hvað er í gangi hér, er ekki málfrelsi!
Ég við benda á að Tryggvi hafði ekki sagt mér um hvað fyrrnefndur þráður fjallaði um né hver ætti í hlut. Eins og þið vitið flest er Tryggvi "tölvukall" ég er líka "tölvukall" og það eru fleiri "tölvukallar" á Akureyri (t.d. Benni) og án þess að ég hafi rætt það við Benna þá er hann örugglega sammála mér að fá að vita um hveð málið fjallar.
Kveðja:
Erlingur Harðar
Sem vill fá að vita.
Svara þessum þræði
Þessi þráður hefur verið lesinn 117 sinnum.
Þær skoðanir sem hér birtast lýsa eingöngu skoðun höfundar og eru á ábyrgð hans
You must be logged in to reply to this topic.