This topic contains 22 replies, has 1 voice, and was last updated by 
-
Topic
-
Sælir félagar allir saman, mig langaði bara til að þakka Lellu og Glanna fyrir að koma þessum mótmælum á, það var löngu kominn tími á að gera þetta og þau höfðu frumkvæðið í sér til að framkvæma hlutina, einnig langar mig til að þakka ykkur öllum sem mættuð og sýnduð stuðning, jeppakallar, trukkarar, sendibílstjórar, leigarar og annar almenningur. Nú þurfum við bara að vona að ríkisstjórnin taki við sér og geri eitthvað í málinu, að öðrum kosti verðum við bara að vera sterk og halda áfram mótmælunum. VIÐ HÆTTUM EKKI FYRR EN ÞEIR LÆKKA ÁLÖGUR Á ELDSNEYTI.
kv. Axel Sig…
Patrol með dekki framaná 😉
-
Replies
-
Það var mjög gaman að fá að taka þátt í þessu í dag, hvet til áframhaldandi aðgerða,
því eins og Geir sagði núna áðan í Kastljósi þá skulu allar hremmingar sem ríkisstjórn og fjármangseigendur standa frammi fyrir ganga yfir og bitna á almenning.
Og engar aðgerðir af hálfu ríkisstjórnar.Gunnar
Sem atvinnubílstjóri á trukk og þáttakandi i þessum svo kölluðu mótmælum i dag, þá er bara eitt sem eg get sagt. Skandall þetta var rugl, við trukkabílstjórar vorum teymdir afram á eyrunum alveg eins og bjánar, þetta er ekki aðferð sem er að virka það er nokkuð ljóst enda fóru trukkabílstjórar og héldu SÍNUM aðferðum afram með einföldum lokunum sem ekki var sagt frá fyrirfram. Það er það sem fær allt til að fara á annann fótinn, Bara fyrir mitt leiti mun eg ekki taka þátt i svona uppákomu aftur það er víst.
Við trukkamenn munum halda okkar aðferðum áfram.
kv
Já kannski vorum við teymd áfram á asnaeyrunum eins og lömb til slátrunnar, en við vorum að gera þetta í nafni F4x4 með þeim leyfum sem til þurfti, til að þetta væri löglegt og þá fer þetta svona fram.
Ég ætla að vona að þið Trukkar hafið úthald til að halda áfram þar til gengið verður að kröfum ykkar sem eru jú kröfur flestra landsmanna.
GOER og fleiri sem viljið halda áfram mótmælum þá er undirbúningur í gangi fyrir vonandi stóra aðgerð, sem verður ekki á nokkurn veg tengd F4x4 en það getur enginn bannað okkur að taka þátt í e-h sem einstaklingar svo ef þið viljið vera með þá getið þið haft samband við mig til að fá nánari upplýsingar.
Vér mótmælum allir
Kveðja Lella
sem stendur ekki fyrir þessum mótmælum, ég er bara sendiboði
Ég sem félagi í F 4×4, er stoltur af mínu félagi í dag
þetta var bara frábært, og ekki má vanmeta sam-
starf lögreglu, sem ég held að sé einsdæmi meiri-
háttar aðgerðum sem þessum. Og ekki þarf að lýsa
því fyrir neinum, að miðbærinn var gjörsamlega
einangraður, það komst enginn lönd né strönd.
Það var tilgangurinn, og honum var náð.
Þess vegna, var ég ekki sáttur við aðgerðir í
Ártúnsbrekku og fleiri stöðum, og fá lögregluna upp á móti okkur, því samstarf við hana er ómetanlegt.
En þetta er bara mín skoðun, aðrir mega hafa sínar, það er skoðana frelsi.
Baráttu kveðjur.
Binni 2016.
Ég er þeirrar skoðunar að það þurfti að gera þetta í dag með öllum leyfum og hitta forseta alþingis fyrir utan alþingi þrátt fyrir það að hann hafi komið fram eins og hálfvitinn sem hann er bara til að gera þetta formlegt, koma fram kröfum almennings formlega og það var gert í fullu samráði við lögreglu og annað en þetta var líka í eina og síðasta skiptið sem það er gert. Héðan í frá vill ég persónulega ekki sjá neitt samstarf við lögguna, sá tími er liðinn. Áframhaldandi mótmæli verða að vera alvöru mótmæli. Eina vandamálið sem ég sé í þessu er að maður á eftir að lenda í einhverjum vandræðum með að fá alltaf frí í vinnunni til að fara að mótmæla…
Samstarfið gekk nú ekki betur en það að lögreglan lokaði Kirkjustrætinu í miðjum mótmælum, en opnaði svo aftur.
Ég vil nú koma því á framfæri að það var alveg fyrirfram ljóst með hvaða hætti F4x4 ætlaði að mótmæla. Það voru fengin leyfi og það var haft samband við neyðaraðila. Það var auglýstur söfnunarstaður bíla og gangandi fólks og tímasetningar lágu fyrir. Að það yrði hópakstur úr klettagörðum niður í miðbæ að tröppum alþingis.
Markmiðið var að afhenda forsætisráðherra í versta falli fulltrúa þingsins stórt dekk sem að myndi ekki týnast í skúffunni ásamt áskorun (fallegra orð yfir kröfu) um að lækka álögur á eldsneytisverði. Og að láta þá vita að þetta sé aðeins upphafið og harðari aðgerðir muni fylgja í kjölfarið. Þannig að þetta gat ekki með nokkru móti komið trukkabílstjórum á óvart.
–
Þetta er sú leið sem að ferðaklúbburinn valdi en trukkabílstjórar hafa valið aðra leið til að mótmæla.
En það er engin ein ríkisleið til að mótmæla. Berum virðingu fyrir þeim hópum sem eru þó að þora og eru að standa í mótmælum og þeim leiðum sem þeir velja. Hvort sem að hópurinn standi saman af tveimur stúlkum kastandi eggjum, stákar með bensínlausa vespu á langholtsveginum eða F4x4 með hópakstri með leyfi. Það er ekkert unnið með því að menn fari að rífast innbyrðis og er ekki til þess fallið að auka samstöðuna nema síður sé. Og má þá segja að við séum farin að vinna vinnuna fyrir lögregluna, ríkið og alþingi en þeim þætti ekkert betra en að óeining myndi leiða til þess að mótmælin myndu deyja út eða valda úlfúð í samfélaginu.
–
Það að vera með skítkast út í annað fólk hvort sem að það er forseti alþingis, lögreglan eða annað segir bara meira um einstaklinginn sem að hefur þörf fyrir að tjá sig svona heldur en þann sem um er rætt. Það getur enginn bannað okkur að hafa skoðanir, en stundum er gott að hafa þær fyrir sig.
Snúum bökum saman…. Vér mótmælum allir.
Kv. Stefanía
Sem að þessu stóðu og höfðu hugrekki til að gera þetta, en af orðum þessa ráðamanna að þá þyrfti að fara að skoða þetta er það að það á ekki að fara að skoða þetta á næstunni eða vilji til að gera eitthvað í málunum strax eins og við viljum þeir geta hækkað allt í hvelli en ef á að lækka þá þarf það að taka óratíma og umræður og nefndarfundi sem eru svona eftir dúk og disk.
það er ein leið til að fá einhverju framgeingt það er hreinlega að loka götum og skapa öngþveiti og neita að færa sig fyrr en búið er að lækka þetta og ef trukkarar eru með þá hef ég ekki minstar áhyggjur á því að lögregla geti fjarlægt þessa bíla er búið er að drepa á og loftæma þá á öllum akreinum og ekki koma þeir krana og trailer til að fjarlæga bíla.
þetta er eina leiðin til að fá einnhverju framgeingt og fá bara þingmenn til að mætta þar sem þetta er og afgreiða málið þarna á staðnum.þeir hljóta að geta mætt þarna ekki eru þeir háðir akstur eða vinnutíma hömlum eins og vörubílstjórar.
Baráttukveðja Birgir
Góðan daginn,
þú sem keyrðir við hliðina á mér á brúnum Villis á miklubraut vilt þú hafa samband við mig en netfangið mitt er hjortur(hjá)jakinn.is.
Ég er á giltum Silverrado með hvítu pallhúsi og sérnúmerið JAKINN.
Kveðja Hjörtur og JAKINN
Og ég er glaður með þetta framtak klúbbsins og finnst mér hann meiri fyrir vikið. Ég ítreka að mér minnst framtak þeirra sem stóðu að þessu fh. klúbbsins til fyrirmyndar og ekkert út á það að setja.
Ég verð samt að segja að ég er mjög ósáttur við lögregluna og hennar þátt í málinu, þeir eru búnir að vera grenja yfir því að vörubólstjórar séu ekki að mótmæla í samráði við þá en ég held það hafi ALGJÖRLEGA KOMIÐ Í LJÓS af hverju vörubílstjórar hafa ekki og munu ekki vera í samvinnu við lögregluna.
Það tókst algjörlega að forða því að máttur þessara mótmæla blasti við ráðamönnum því fæstir áttu þess kost að komast á endastöð og voru fastir í röðinni svo langt sem út að Nýherjahúsi. Og á meðan fréttamenn töluðu um það í útvarpinu að þetta væru nú ekki svo fjölmenn mótæli (en hávær) sat ég úti í bíl við seðlabankann og sauð á mér þar ég nálgaðist austurvöll nákvæmlega ekki neitt. Ég fór því úr röðinni og niður á Austurvöll eftir öðrum leiðum til að sjá hvað margir væru þar. Að mínu mati gerði löggan lítið úr okkur með því að láta stilla þessum fjórum jeppum upp fyrir alþingi (hvað var þetta bílasíning?) Trukkarnir þarna í kring björguðu því sem bjargað var með því að liggja á flautunni og þá sérstaklega þeir sem voru í einum hnapp við Hjálpræðisherinn.
Ég get ekki séð að það hefði verið neitt mál fyrir lögguna að leggja þetta upp þannig fyrst þetta var í samráði við hana að menn keyrðu lækjargötu – Vonarstræti – Templarasund – Kirkjustræti og svo hentuga leið í burtu. Þannig hefði bílaröðin getað rúllað hægt og rólega fram hjá Alþingi og með tilheyrandi lúðrablæstri.
Það eina sem Löggan fékk út úr þessu var að það er klárt að vörubílstjórar leita ekki eftir samráði við lögguna.
Aftur vill ég ítreka að mér finnst að koma klúbbsins að þessu til fyrirmyndar.
Ég komst því miður ekki vegna vinnu….
En mikið rosalega hló ég yfir kvöldfréttunum í gær, "við villdum bara afhenda þér þetta dekk því það er svo erfitt að stinga því ofaní skúffu" !!! Snilld
Baráttukveðjur
myndir í albúmi af mótmælenda líðnum. í myndaalbúminu mínu.
það vantar alveg rosalega að geta sett inn athugasemd við myndirnar, en ég vildi segja við myndina af Benna For(d)manni…….hahahaha
hver var það sem ætlaði ekki að láta gabbast út úr húsi ?
Vér mótmælum allir
Kveðja Lella
Ég tek undir með mönnum hér að ég var fyrir vonbrigðum að lögreglan skildi einungis hleypa örfáum bílum inn á austurvöll.
lögreglan tilkynnti okkur það bara rétt áður en við lögðum af stað. Ég reyndi að fá þá ofan af þeirri ákvörðun en talaði fyrir frekar daufum eyrum.
Þetta hefði verið miklu flottara og áhrifaríkara ef þeir hefðu ekki lokað.
þetta er greinilega ekki búið enþá og það á eftir að heyrast meira í fólki sem er ekki sátt við þetta fáránlega olíuverð.
Kveðja,
Glanni
Mér er sagt að olíufélöginn ráði engu um verð á
eldsneiti, spákaupmenn eigi eldsneitið í tönkunum í
Örfirsey, og þau kaupi af þeim frá degi til dags,
sel það ekki dýrara enn ég keipti það.
Svo kemur í ljós að álögur á eldsneiti er bara ekkert svo hátt á Íslandi eftir allt saman. En wannabe trukkakarlarnir í 4×4 heimta samt meira eins og frekir krakkar.
bbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbb
Jeppa og pallbílakjánarnir, sem mótmæltu við Alþingi í gær uppskera nú ávexti eigin heimsku þegar þeir kepptust við að kaupa þessa bensígleypa sína. Auðvitað eiga þeir að borga fyrir það.
bbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbb Kannski langar olíufélögin ekki að hafa hjarðir af jeppum og trukkum sem girða af bensínstöðvarnar þeirra?
bbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbb
Það er komið nóg af þessu rugli. Þetta er ekkert nema hryðjuverk.
bbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbbb
Þetta ástand má ekki vara lengur, hér er verið að brjóta á okkur þegnum þessa lands og hljóta að vera lög í þessu landi sem bannar þetta háttalag.
Nú á lögreglan að vera farin að átta sig og vera undirbúin með aðgerð til að stöðva þetta, lögreglan á að mæta á staðinn og taka þessa menn höndum og vera með mannskap til að fjarlæga ökutæki þessara lögbrjóta og ekki afhenda trukkana nema gegn greiðslu á öllum þeim kostnaði sem af þessu hlýst.
Þetta á ekki að lýðast, ég krefst þess að lögreglan stöðvi þetta hér og nú.
Jón þetta er kannski það sem þarf í umræðuna… mér hafa fundist mótmælin vera of lágvær einmitt vegna þess að allir eru svo ánægðir með þau. Kannski þurfum við líka að fá einhverja snarbrjálaða yfir þessum aðgerðum… krydda þetta aðeins.
Bara að hafa nógu hátt og nota [url=http://www.youtube.com/watch?v=ubVf_IrwwFk:n48exgeu][b:n48exgeu]flauturnar[/b:n48exgeu][/url:n48exgeu]
Því er Ofsi svona ofsafenginn?
þessi ofsafengnu komment eru tekinn víðsvegar að vefnum, ég er bara sallý rólegur og er búinn að panta mér vetnisvél í Runnerinn
You must be logged in to reply to this topic.