This topic contains 14 replies, has 1 voice, and was last updated by 
-
Topic
-
Eftir að vera búinn að vera virkur neytandi í þessum samfélagi hefur ekki farið frammhjá neinum allar þessa hækkanir og blabla.
Síðasta dæmi var að ég þurfti að kaupa dekk, seljandinn er allavega búinn að hækka verðið 2 sinnum um ansi marga 5 þúsund kalla og síðasti gámur kom þegar allt gekk eins og í sögu. Sem er ekkert annað en hræsni en auðvitað eru allir að nota tækifærið og hækka meðan það er hægt,. Öll viljum við jú græða og það verður ekki gert nema svindla og græða á náunganum. Og er ekkert við þessu að gera.
Og að Ferðaklúbburinn 4×4 skuli hafa skrifað nafn sitt við mótmæli um of háar álögur á eldsneyti eða hverjar kröfurnar eru að mínu mati mestu mistök sem klúbburinn hefur gert. Jeppafólk á nú ekki það auðvelt uppdráttar. Annar hver íslendingur sem hefur ekki áhuga á þessari vitleysu vill koma okkur öllum í burtu. Og hvað gerir þetta annað en að kveikja undir þeim málstað. Að eitthvað hobbýfólk sé að væla undan eldsneytisverði sem það notar til að komast á fjöll og firnindi, menga og gera spólför útum allt.
Fólk er misskilið og fólk misskilur, ekkert búið að breytast við það. Þó að við tönglumst á einhevrju sem okkur þykir rétt er meirihlutinn sem hlustar að misskilja allt saman, bæði af því þau vilja misskilja og óafvitandi. Eina sem ég heyri þegar ég er að vinna einhversstaðar, hleyp út í búð eða sjoppu eða er að borða á veitingastað þá er verið að tala um mótmælin. Og síðan Ferðklaúbbinn og að þeir vilji eiga ísland og hálendið. Hvað hobbýkallar séu að rífa kjaft, að það séu bara vitleysingar í þessum að klúbb. Að mótmælin sem voru daginn eftir mótmælin sem Ferðaklúbburinn stóð fyrir var klúbburinn bendlaður við og ennþá meira rætt um að þetta væru bara vitleysingar og geta bara verið heima hjá sér. Fólk skilur bara hlutina eins og það vill. Þó að við segjumst vera tala fyrir almúgann, þó við segjumst vera berjast fyrir að einhverjar gufur séu að spóla utan vega, þótt við segjumst hitt og þetta þá er bara meirihlutinn sem er að hlusta bara ekkert að hlusta og ef hann er að hlusta þá er hann að misskjilja.
Að mínu mati hefði klúbburinn ekkert átt að skipta sér af þessum mótmælum.
Kv, Kristján
Ps, þetta er mínar skoðanir og mér er frjálst að hafa mínar skoðanir, þær þurfa ekki endilega að vera réttar eða endurspegla annara mann álit.
-
Replies
-
Þetta eru skemmtilegar pælingar og margt til í þessu. Eftir stendur að megnið af félagsmönnum (a.m.k. þeir sem mæta á fundi og þeir sem taka þátt í könnunum á vefnum) vildu þetta. Áskorun til stjórnar var lögð fram á félagsfundi og bara einn af þeim sem voru þar var á móti. Lýðræði er auðvitað meingallað kerfi og efni í enn lengri og meiri pælingar en eldsneytisverð.
Aðkoma F4x4 að þessu máli hefðu getað komið miklu verr út fyrir klúbbinn, að mínu mati bara ágætis PR vinna sem var unnin en það er s.s. eðli activisma og mótmæla að það eru ekki allir sammála, enda væru það léleg mótmæli ef allir væru sáttir. Það er auðvitað alltaf auðvelt að vera vitur eftir á og besservisser á kantinum. Það verða alltaf einhverjir sem fussa og sveia sama hver mótmælir. Ef FÍB hefði gert það þá hefði svipaður hópur risið upp eins og við það að við gerum eitthvað (með lítillega öðrum rökum, ekki minni bíll heldur hjóla frekar!).
Eftir stendur að nú er orðið ljóst að Trukkamenn eru að draga fram sín mál, hvíld og aðstöðuna meðal annars, sem við hinn almenni bílaþræll landsins á ekki mikla beina samleið með. Hvar stöndum við almenningur þá? Er samsæri bílaumboðanna og umhverfissinna að heppnast að eina sem við getum gert er að kaupa minni bíla og um leið endurnýja í "nýrri, sparneytnari og umhverfisvænni bíla" svo umboðin græði meira? Það eru líka margir sem eru sárir yfir svikunum sem þeir upplifðu við breytinguna á skattlagningu díselsins, það hefur ábyggilega talsverð áhrif líka.
Af hverju koma engar beinar kröfur fram? Jú við viljum lækka okkar kostnað (hvort sem við keyrum lítinn eða stóran bíl, bensín eða dísel) og við höfum ákveðið að Ríkisvaldið sé rétti staðurinn til að sækja þá lækkun. Á að fella niður olíugjald? flutningsjöfnunarsjóð? færa eldsneyti milli VSK flokka eða fella VSK tímabundið niður ef heimsmarkaðsverð fer yfir eitthvað ákveðið mark?
Ég er ekki tilbúinn til að afskrifa þessa aðkomu F4x4 að mótmælum vegna eldsneytisverðs sem mistök, hvort það verði síðan einhver árangur af þessu öllu er svo annað og óskylt mál. Mér þykir aðkoma þeirra Lellu og Glanna hafa verið með ágætum, ég get a.m.k. ekki sagt að ég hefði sjálfur gert betur. Það þarf kjark til að gera svona og auðvitað er alltaf einhver áhætta en ef maður tekur aldrei áhættu þá er næsta víst að manni verður lítið eða ekkert ágengt. Aðalmálið er samt að gefast ekki upp um leið og fer að blása á móti.
Mótmælin á Austurvelli fóru mjög vel fram og aðkoma þerra sem voru í forustu í mótmælunum voru til fyrirmyndar, og fóru hvergi úr böndunum.
Annar vinkill á þessu máli, er kannski sá að óeðlilegt er talið að jeppamenn á stórum jeppatrukkum mótmæli háu eldsneytisverði. Einungis það að það er talið óeðlilegt er athyglisvert í sjálfumsér. Það er svona svipuð röksemdarfærsla og að halda því fram að enginn megi mótmæla okurvöxtum bankanna nema að hafa orðið gjaldþrota, eða enginn mætti mótmæla háu matarverði nema einstæðar mæður með fimm börn á fram færi sínu og eitt með misþroska og annað með platfót.
Rót vandans liggur ekki eingöngu í þessu háa eldsneytisverði akkúrat þessa stundina. Heldur held ég að málið sé miklu víðtækara og raunin sé að það er verið að mótmæla fleiru. T,d vita þeir sem að mótmælunum stóðu, að olíufurstarnir voru ekki dæmdir fyrir mesta rán íslandssögunnar í olíusamráðinu og dómstólar dæmdur einungis verkfærið, ehf.
Svona svipað og dæma gervihönd fyrir glæp en láta þann sem ber höndina sleppa enda framdi gervihöndin glæpinn.
Við vitum líka að hluti eldsneytisgjalda fer ekki í vegaframkvæmdir og við búum við oft á tíðum við lélega vegi, þó svo að ég sé nokkuð sáttur við lélega vegi, þá er almenningur á annarri skoðun. Er ábyggilega ekki sammála mér í því að það mætti fjarlæga nokkrar brýr mín vegna og spara vegheflanna.
Þetta er kannski marg þætta mál og eru margir jeppamenn ekki búnir að gleyma yfirlýsingum ráðamann þegar þungaskatturinn var afnuminn með sverum loforðum um ódýrari dísel en bensín í framtíðinni. Þannig að málið er vafalaust flóknara en sýnist í fyrstu.
Svo er það hin hliðin á teningnum, það er hvort klúbburinn eigi að hasla sér völl sem alvöru hagsmunaklúbbur jeppamanna og útivistarfólks eða vera sameiningar tákn jeppasportista, sem einskonar skemmtiklúbbur. Oft erum við þannig og partístemmingin alsráðandi og eru þá grillferðir og ferðalög það eina sem við hugsum um, en svo getum við líka verið grjóthörð í hagsmunarbarátunni, en það er ekki alltaf. Við vorum hörð í þungaskattsmálinun. En svo snerist blaðið við þegar kaupfélagið hans Benna fer af stað. Sem einstaklingar innan klúbbsins njóta góðs af, þó á kostnað þeirra fyrirtækja sem styrkja klúbbinn. Þar hefðu kannski félagsmenn átt að njóta frekar vafans fram yfir jeppatengd fyrirtæki. Þannig að það er ekki auðrataður millivegurinn fyrir þá sem stjórna klúbbnum eða nefndum og er þeim vafalaust vorkunn að taka ákvarðanir sem flestum líkar. En ég er þó inn á þeirri línu að það séu félagsmenn sem ganga fyrir og klúbburinn á að berjast fyrir þá fyrst og fremst, þó svo að einhverjar keilur falli í leiðinni.
Því held ég eftir á að mótmælinn hafi verið rétt ákvörðun fyrir klúbbinn, þrátt fyrir að ýmsir hafi náð að snúa út úr tilganginum.
Mótmælin voru ekki mistök að mínu mati, því að þau hepnuðust vel, þó að árangurinn komi kannski ekki strax í ljós. Við létum allavega í okkur heyra það er meira en FÍB gerir fyrir sína félagsmenn, enda handónýtur félagsskapur þar á ferðinni.
–
Kröfur okkar voru "Lækkið álögur strax" en með því er meint fleira en eldsneytisverð, því skammtíma bifreiðagjöld Jóns Baldvins og fleiri skattar eru þar líka.
–
Kannski sá olíufélögin hættuna sem svona mótmæli geta gert og lækkuðu þau því í snarhasti, aðallega til að kaupa sér frið fyrir skæruhernaði á þau.
–
Ef ekki er annað þá er þetta allavega gott PR- starf. En þetta vakti umræðu og síðan hefur verið komið til mín og ég fengið stuðningsyfirlýsingar frá nokkrum fólksbílaeigendum.
–
Mér finnst þessi mótmæli því hið besta mál og vona að þau standi sem lengst.Mótmæla-kveðjur
Magnús G.
R-2136
En ef við náum fram einhverjum lækkunum á eldsneyti hér á landi að þá verðum við hetjur… maður er annaðhvort hetja eða … skúrkur. Ég er algjörlega fylgjandi því að klúbburinn hafi staðið í mótmælaaðgerðum þar sem það var samþykkt á félagsfundi og einnig kom fram vilji manna á könnun hér á síðunni ofl ofl… en það er eins og það búi lítill Ragnar Reykás í mörgum hér í klúbbnum og þeir snúast alveg 180° oft í mörgum málefnum. Fyrir þá sem eru á móti þessu segi ég. Við hljótum að gera fundið leið fyrir ykkur til að borga sama verðið og er í dag fyrir eldsneytislítrann eftir að við náum fram lækkun… þá verðið þið ábyggilega ánægðir… ekki satt??? eða nei… sumir verða aldrei ánægðir, svona Steingrímur J sindrom…
.
Áfram mótmæli.
Smá pæling
Auðvitað á klúbburinn ekkert að vera leggja nafn sitt við mótmæli um lækkun álaga á eldsneyti. Enda er ekkert venjulegt fólk í klúbbnum. Það heldur ekki heimili af því að það er alltaf á fjöllum alla daga á sínum stóra jeppa sem að eyðir öllum 60 lítrunum á hundraðið, eftir því sem að ég heyrði í útvarpinu um daginn. Og börnin eru í fjarkennslu í gegnum þetta fína 3G pungsamband símans að læra abc sitt eða var það cdma eða tetra eða ssb…..
–
Auðvitað eigum við að horfa hljóð á, á meðan að eldsneystiverð fer upp í [b:36c64xez]200 kr. literinn[/b:36c64xez] þar með er líka búið að leysa vandamál eins og yfirfulla skála í kerlingafjöllum. Kostnað við rekstur rafstöðvar í Setrinu. Og Þetta leysir líka það offramboð sem að hefur verið á þátttakendum í t.d. stikuferðum og landgræðsluferðum.
–
Ég tek undir með því sem að Runólfur (FIB) og svo Sturla Bö. sögðu: einhverstaðar verðum við að fá peninga til vegaframkvæmda og reka SJÚKRAHúS o.fl.. Runólfur sagði að það væri bara ekkert svigrúm til að lækka eldsneytisverðið.
Það væri ráð fyrir hann að rifja upp prósentureikning. En Það er svona hlutfalla reikningur sem að reiknar hlutfall af grunntölu og eftir því sem grunntalan (eldsneytisverðið) hækkar meira, því hærri verður hlutfallstalan (VSK) sem að ríkið fær. Við sjáum dæmi. ef að líterinn kostar 100 kr þá fær ríkið tæpar 20 kr í sinn vasa. Hins vegar ef að líterinn kostar 150 kr þá fær ríkið tæpar 30 kr.. Ríkið er bara nú þegar að græða gríðarlega fjármuni umfram sem að það gerði t.d. fyrir ári síðan. Hvað skildi ríkið fá ef að líterinn kostar 200 kr.??? þetta var einmitt það svigrúm sem að ég vildi nýta.
–
En það blasir líka við að við erum að fara út í gríðarlegar framkvæmdir við vegi… nei ekki breikka þá, heldur að byggja náðhús og bílaplön á 50 km fresti svo að trukkabílstjórar geti átt löglega náðuga stund á 4 tíma fresti. Og einhvers staðar þurfum við að ná í þá peninga.
Svo ég segi bara "á með álögur" ég borga.
–
Mér finnst einmitt F4x4 vera hagsmunafélag sem á að mótmæla hækkun á eldsneytisverði (ekki gerir FÍB það, hagsmunafélag ríkisins) en ég sé ekki fyrir mér að f4x4 myndi mótmæla háu áfengisverði eða matarverði. Eða jú kannski OH verðinu. ;->
F4x4 fyrir fólkið.
–
kv. stef…. ekki sú skarpasta
Gaman að þessu 😉
Kv, Kristján
Sem finnst að hækka eigi olíuverð og lækka bensínið
Mér finnst að það eigi að lækka bensínverð á kostnað allra þeirra sem nota dísel. Já og gefa Jóhannesi í bónus Kjalveg í jólagjöf.
obbosííí það er blessuð blíðan.. ég ætlaði að skrifa eitthvað voða sniðugt hér en fattaði síðan að ég var að misskilja allt í kleinu. Og megi svo guð blessa Bandaríkin.
Fyrir mitt leiti finnst mér óþolandi allt þetta "cloak & dagger" hjá ríkistjórn okkar. Af hverju borga bifreiðaeigendur háar upphæðir í skatta sem ekki eru settar í vegaframkvæmdir ofl. sem réttlætir það á sá hópur greiði þetta mikið?
Hvernig getur þessi ríkistjórn okkar boðað "frekari skattalækkanir" þegar hún hefur ekki efni á að koma á móts við okkur með því að lækka álögur á bensíni?
Ég hef alls ekkert á móti því að borga skatt sem nota á til að bæta heilsukerfið okkar, byggja vegi og hjólastígi, setja upp aðstöðu fyrir trukkara svo þeir geti hvílt sig á leiðum landsins, styrkt menntakerfið, bætt laun kennara, lögreglu, slökkviliðsmanna og svo mætti lengi lengi telja.
Ef að bæta á t.d. heilsukerfið þá að taka þá skatta af öllum, ekki bara þeim sem keyra bíla. Ef að bæta á vegi þá á að skatta þá sem nota þá. Þetta er afar einfalt að koma jafnvægi á.
Annað er það að ríkistjórn okkar fer illa með peninga. Bruðl ríkir út um allt, af hverju eigum við að sitja uppi með það að missa tekjur vegna himinhás bensínverðs og neyðast til að selja jeppan til að kaupa okkur Yaris þegar Alþingismenn eru keyrðir um í lúxusbifreiðum sem ríkisjóður borgar allan rekstur af?
samkvæmt VG erum við að eyða 1500 Milljónum í varnar samninga til að verja landið á friðartímum, þess skal getið að samningur við USA er þess hljóðandi að ef að á okkur er ráðist þá koma þeir með stígvélið og sparka fyrir okkur. Er ekki hægt að gera eitthvað gáfulegra fyrir þennan pening?
Vanhæfir embættismenn sitja á þingi og allra helst í seðlabankanum. Forkastaleg siðblinda ríkir meðal þessa einstaklinga og skilaboðin sem send eru í samfélagið með viðbrögðum við þessum mótmælum eru einföld: "Fokk jú, ég geri það sem ég vil" Gefið hefur verið út að það eigi ekkert að gera við kröfum okkar, mótmæli verða ekki liðin og segir það allt sem segja þarf, lýðræði er þýðingarlaust hugtak þar sem ráðamenn þessa lands ætla að gera allt sem þeir geta til þess að halda landsmönnum í gíslingu eins og gert hefur verið síðastliðna áratugi. Ef þér finnst þetta ekki vera rétt hjá mér þá bið ég þig um að telja upp vandamál sem þér finnst hvíla á samfélaginu og ekkert virðist vera að þokast í rétta átt, ef þú getur talið þau á báðum höndum þá ertu sælli einstaklingur en ég. Ég skal hjálpa þér að byrja: kvótakerfið, landsbyggðarflótti, innflytjendastefna, misvægi í dómskerfi, umsvif auðmanna og tengsl við ríkistjórn…. og fleira og fleira.
Það þarf að taka til í skattkerfinu okkar og koma einhverju helvítis skipulagi á þetta. Réttast væri að ryðjst inn á alþingi í þúsundum og skilja eftir skýr skilaboð: Við ætlum ekki að sitja undir bullinu í ykkur sekúndu lengur! Ég má ekki mótmæla en Árni Johnsen er náðaður og settur aftur á þing!
Eitthvað er ekki rétt…
Þarna hitti einhver naglann á höfuðið…
Það hefur svo sannalega komið í ljós að fólk skilur hlutina eins og þeim sýnist , alls ekki til hagsbóta fyrir okkur. Stór mistök að mótmæla í nafni klúbbsins.
Kveðja
Elli
A830
[url=http://www.visir.is/article/20080413/FRETTIR01/911542289/-1/SKODANI03:1lpnu8lq][b:1lpnu8lq]Þetta er með ólíkindum[/b:1lpnu8lq][/url:1lpnu8lq]
Hér keppast menn við að segja að skv. reglugerð megi ekki keyra á steinolíu. Og Stefán Ásgrímsson, ritstjóri blaðs og vefs Félags íslenskra bifreiðaeigenda ([b:1lpnu8lq]FÍB[/b:1lpnu8lq]), segir að um klárt lögbrot sé að ræða í því efni. "Dísilvélar ganga á matarolíu, lýsi og alls kyns olíu, og vissulega gengur það tæknilega séð að fylla þær af steinolíu, en ef menn nota aðra olíu en þá sem er leyfileg eru þeir farnir að brjóta lögin. Það er ekki vegaskattur á steinolíu, og olíugjaldið er vegaskatturinn, þannig að menn eru ekki að borga leigu fyrir nota vegina. Að sjálfsögðu eru skiptar skoðanir á því hvað mönnum finnst um vegagjöldin og hvort of lítið af þeim fari í vegina, en maður lagar ekki svona hluti með því að brjóta lögin. Lýðræðislega séð er það mjög slæmt mál," segir Stefán.
–
Ég segi hvar eru þessir menn sem eiga að vera að berjast fyrir hagsmunum bíleigenda. Það væri gaman að sjá starfslýsingu þeirra hvort að standi í henni "muna svo þú ert að vernda hagsmuni ríkisins".
Af hverju talar hann ekki um það að hinn almenni bíleigandi hefur ekki lengur efni á því að kaupa díesel olíu og það þurfi að fara að koma til móts við þá og lækka álögur.
Hvar eru FIB menn að berjast fyrir því að þurfa ekki að borga vegagjöld af eldsneyti fyrir slátturvélar, báta, hekkklippur, vélsleða, snjóbíla og öll þau tæki sem að koma ekki til með að slíta vegum.
Kv. Stef…
sem auglýsir eftir hagsmunafélagi bíleigenda. Þeir sem leita eftir hagsmunafélagi ríkisins geta fundið það í Borgartúni.
Ég held þér verði að fara að láta í sér herast ef þetta eiga ekki að verða steingeld samtök.
Takk fyrir að taka þátt
Helmingur útsöluverðs á bílaeldsneyti eru skattar í ríkissjjóð. Eldsneytisverð hækkar stöðugt á heimsmarkaði og gengi krónunnar veikist. Telur þú að ríkið ætti að koma til móts við almenning og atvinnuvegina í landinu með því að lækka eldsneytisskattana?Val % Atkvæði
Já
86.9% 774
Nei
11.4% 102
Veit ekki
1.7% 15Samtals: 891 atkvæði [url=http://www.fib.is/:3qkgoceu][b:3qkgoceu]FÍB[/b:3qkgoceu][/url:3qkgoceu]
Er einhver hér með lögfræðilegu hliðina á þessu á hreinu, s.s. hvar kemur fram að ekki megi nota steinolíu? Ég hef fundið ákvæði þar sem talað er um refsingar fyrir notkun á litaðri olíu sérstaklega, en hitt hef ég ekki fundið. Það má þó vel vera að það sé fyrir hendi. En miðað við þessa sýn á málið, þ.e. olíugjaldið sé leiga fyrir notkun á vegakerfinu, þá hlýtur að vera löglegt eða allavega réttmætt að nota steinolíu á fjöllum.
Á hinn bóginn er klárt mál að það er löglegt það sem einn ágætur Akureyringur gerir sem er að nota matarolíu. Það liggur í því að það er umhverfisvænn orkugjafi og bílar sem nota slíka orkugjafa eru undanþegnir þungaskatti.
Kv – Skúli
You must be logged in to reply to this topic.