Mótmæli

Búinn að kvitta og konan líka.
Kveðja
Snjókallinn

Góð ábending Kristján og gott hjá þér að skrá þig á listann.

Ég veit það var mikið að gera hjá fólki og kannski varð þetta útundan í allri vinnunni. Nú er verið að lagfæra þetta, ætti að vera orðið betra eftir skamma stund.

Allir eru jafnframt hvattir til að skrá sig á listann og dreifa boðskapnum til fjölskyldu og vina.

Allir að skrá sig á [url=http://www.ferdafrelsi.is:276z0yo1]ferdafrelsi.is[/url:276z0yo1].

kv. Óli

Sælir félagar.

Mér þótti áhugavert þegar ég sá fyrir nokkrum vikum skoðanakönnun (ég man bara ekki hvar hún var birt). Þar kom fram að meira en 80% þátttakenda þótti VG ganga of langt þegar kæmi að umhverfismálum (ekki bara því sem snýr að því að hefta aðgengi að landinu). Það væri gaman ef einhver man hvar þessi könnun var gerð og nákvæmari upplýsingar um þátttöku birtust. Það er magnað að hugsa til þess að ofstækisfólk skuli geta brotið svona á þjóðinni í nafni þess að "náttúran verði að njóta vafans". Þessi örflokkur fékk mikið fylgi vegna þess að kjósendur voru að refsa fyrri stjórnarflokkum, en VG liðar halda að þetta sé stuðningur við ofstæki þeirra í sk. náttúruvernd (sem ég held reyndar að sé rangnefni því ég man ekki til þess að þetta blessaða fólk hafi komið með nokkrar lausnir – bara boð og bönn eins og tíðkast í sovjet).

Hvað um það – biðst afsökunar á pólitísku röfli. Ég talaði við nokkra vini og ættingja og sagði þeim frá þessu. Fæstir vissu nokkuð um þessa hluti og eru lítið útivistarfólk, en þegar ég sagði þeim frá þeirri takmörkun á aðgengi sem á að þröngva uppá okkur sagðist fólk umsvifalaust skrifa uppá listann. Ég hvet ykkur því til að senda nokkrar línur í tölvupósti á þá sem þið þekkið og útskýrið afstöðu ykkar.

ps. Hvernig sem þetta frumvarp fer – hvet ég ykkur sem látið ykkur þessi mál varða að leggja á minnið hvaða fólk þetta er sem fer fyrir svona ofstæki. Sjálfur ætla ég að gera allt sem ég get til að tryggja að þetta fólk fái ekki laun af skattpeningum mínum sem þingmenn eftir næstu kosningar, og ekki þarnæstu eða kosningarnar þar á eftir.

-Gunnar

Sæl öll sem þetta sjáið…
ég settist niður og las frumvarpið í heild og fæ ekki séð að ummæli stjórnar 4×4 um lagafrumvarpið eigi við rök að styðjast..mér sýnist þetta hjá stjórn 4×4 bera keim af verum bara á móti og verðum erfiðir…
Þvert á móti sýnist mér þessi lög vera góð og gefi okkur leyfi til að aka um á ís og snjó sem við kannski ekki höfum haft hingað til, reglurnar um tjöldun eru að mínu mati einfaldar og skrifaðar af mannviti á ensku common sense..
úr frumvarpinu:
22. gr.
Heimild til að tjalda.
Við alfaraleið í byggð er heimilt, sbr. þó 2. málsl. 1. mgr. 19. gr., að tjalda hefðbundnum viðlegutjöldum til einnar nætur á óræktuðu landi, en leita skal leyfis landeiganda eða annars rétthafa áður en tjaldað er nærri bústöðum manna eða bæ og ætíð ef um fleiri en þrjú tjöld er að ræða eða ef tjaldað er til fleiri en einnar nætur.
Við alfaraleið í óbyggðum, hvort heldur er á eignarlandi eða þjóðlendu, er heimilt að setja niður hefðbundin viðlegutjöld.
Tjaldvagna, fellihýsi, hjólhýsi, húsbíla og annan sambærilegan búnað er einungis heimilt að nota á skipulögðum tjaldsvæðum og svæðum á óræktuðu landi sem tengjast vegum eða slóðum sem heimilt er að aka á og ekki er hætta á skemmdum á náttúrunni.
Utan alfaraleiðar, hvort heldur er á eignarlandi eða þjóðlendu, er heimilt að setja niður göngutjöld nema annað sé tekið fram í sérreglum sem kunna að gilda um viðkomandi landsvæði.
Á ræktuðu landi, sbr. 18. tölul. 5. gr., má aðeins slá upp tjöldum með leyfi eiganda þess eða rétthafa.
Þegar tjaldað er skal ætíð virða ákvæði 31. gr. um bann við akstri utan vega og gæta þess að valda ekki skemmdum á vettvangi.
………….Hvað er að þessu???
Mér sýnast þessar órökstuddu fullyrðingar stjórnar 4×4 eiga við lítil sem engin rök að styðjast og bera fremur keim af þeirri leiðilegu pólitík sem svokölluð stjórnarandstaða rekur þessa mánuðina, "verum á móti öllu og fellum þá".
Ég skora á stjórn 4×4 að birta í heild nákvæmlega hverju þeir vilja breyta ásamt rökstuðningi og ekki síst kalli strax til félagsfundar um málið.
Hve mörg ykkar hafa annars lesið frumvarpið?
Kv, Jón Þóroddur Jónsson
Félagi í 4×4 númer 35

Við mótmælum öll!
Nýverið var lagt fram á Alþingi frumvarp til laga um náttúruvernd. Nú þegar hefur málið farið í gegnum 1. umræðu og bíður afgreiðslu umhverfis- og samgöngunefndar.
Frestur til að skila inn athugasemdum er til 8. febrúar.
Þrátt fyrir ítrekaðar athugasemdir við drög að frumvarpinu frá Ferðaklúbbnum 4×4 og öðrum útivistarfélögum var lítið sem ekkert tillit tekið til þeirra af hálfu umhverfisráðuneytisins. Var því frumvarpið lagt fram nánast í óbreyttri mynd.
Alvarlegustu atriðin í frumvarpinu eru eftirfarandi:

* Almannaréttur er takmarkaður við gangandi umferð
* Mikil skerðing er á för fólks um óræktað land, óháð ferðamáta
* Ákvæði um tjöldun eru óþarflega flókin og takmarkandi
* Undanþágur til aksturs á snjó eru svo takmarkaðar að ómögulegt gæti reynst að aka
löglega
* Óþarflega mikið vald er fært frá stofnunum til ráðherra
* Mikil mismunum er á milli ólíkra ferðamáta
* Ákvæði um kortagrunn er einstaklega illa unnið þar sem einungis verða sýndir slóðar
sem heimilt er að aka eftir. Tímaramminn til að klára þennan grunn er svo þröngur að ógjörningur er að vinna verkið vel

Fólk, bæði úr Ferðaklúbbnum 4×4 sem og öðrum útivistarfélögum, tók sig saman og myndaði aðgerðarhóp til að bregðast við ólögum þessum. M.a. er hafin undarskriftasöfnun á vefnum http://www.ferdafrelsi.is þar sem frumvarpi til nýrra náttúruverndarlaga er mótmælt og þingmenn hvattir til þess að hleypa ekki frumvarpinu í gegn óbreyttu.

Ferðaklúbburinn 4×4 hvetur félagsmenn til að kynna sér frumvarpið og athugasemdir eftir bestu getu en upplýsingar um það má einnig finna á vefsíðunni http://www.ferdafrelsi.is

Stjórn Ferðaklúbbsins 4×4.

————————————————————
Tilkynning frá aðgerðarhópnum

Við viljum hvetja ykkur til að fara inn á http://www.ferdafrelsi.is, kynna ykkur málið og skrifa undir mótmælin. Þetta er alger valdníðsla af hálfu stjórnvalda og nú verður áhugafólk um útivist að standa saman til að stöðva þetta frumvarp að óbreyttu.

Við viljum ennfremur hvetja ykkur til að fá þá sem ykkur tengjast til að mótmæla þessum gjörningi með því að skrá sig. Samhliða vefsíðunni, sem nýverið var hleypt af stokkunum, munu á næstu dögum birtast greinar og mótmæli ásamt auglýsingum í fjölmiðlum til að sporna við þessari vitleysu sem engan enda virðist ætla að taka.

Með von um góðar undirtektir,

Áhugahópur um ferðafrelsi.

Sæl

Ég legg til Jón þóroddur að þú lesir lögskýringarnar með lögunum líka.

kv.
Sveinbjörn

Eftir að hafa kynnt mér frumvarpið lítillega, sé ég ekki betur en að orðatiltækið "betra heima setið en af stað farið" eigi vel við. Og jafn kaldhæðnislega og það hljómar, má kannski segja að það sé akkúrat það sem frumvarp þetta boðar. Samkvæmt þessu frumvarpi gæti vinsælasti útilegustaður framtíðar orðið "Hulduhöfði".

Það er búið að laga þetta. Þarf kannski að Refresh-a (F5 eða Ctrl-F5).

Þeir sem ekki vita af eða eiga ekki tengil á vefsíðu Ferðaklúbbsins 4×4 á Facebook þá er hann hér. http://www.facebook.com/f4x4.is Vefnefnd er að þróa þessa síðu samhliða aðalsíðu klúbbsins. Innsetning á öllu efni er eingöngu innsett af stjórnendum síðunnar. Atriði sem fylgja Facebook s.s "[u:w69whd8o]Líkar þetta[/u:w69whd8o].[u:w69whd8o] Skrifa ummæli[/u:w69whd8o] og [u:w69whd8o]Deila[/u:w69whd8o]" er öllum kleift. Ef menn vita af góðum myndum eða videoum af lífi okkar jeppamanna um fjöll og firnindi sem allir njóta og hafa gaman af er hægt að senda tengil á efnið með leyfi eiganda á vefnefnd@f4x4.is Efnið verður að vera styllt á "Puplic" (Það sem er öllum sýnilegt.) Síðan megið þið deila eða láta vini ykkar vita af vefsíðunni.

Kv. SBS.