This topic contains 12 replies, has 1 voice, and was last updated by 
-
Topic
-
Sælir félagar!
Hvernig væri það nú að við díselfólkið sýnum samstöðu í þessu máli? Það vill alltaf verða þannig að Íslendingar tala og tala um að vilja mótmæla þessu og mótmæla hinu og gugna svo alltaf þegar á hólminn er komið.
Breytum þessu,gerum eins og frakkarnir, mótmælum þannig að tekið verði eftir því….
Söfnum saman lágmark 500 jeppum á degi hverjum og leggjum þeim einhversstaðar þar sem þeir verða fyrir, stoppum umferðina við austurvöll, stoppum umferð inná bensínstöðvar, eða eitthvað annað róttækt sem mönnum dettur íhug.
En það er nokkuð ljóst að það þarf eitthvað að gera í þessu. Það er bara verið að ríða okkur í rassgatið með þessu, ósmurt í þokkabót og bensínfólkinu líka ef bensíngjöldin hækka.
Þetta þýðir að í raun geta ALLIR meðlimir klúbbsins mótmælt þessu og þar af leiðandi stjórn þess.
Þetta hækkar rekstrarkostnað á ALLA jeppamennsku sama hvort um sé að ræða hobbý eða atvinnustarfssemi.
Þetta hækkar flutningskostnað, á landi allaveganna og skilar það sér einungis í verðlagið sem við þurfum öll að borga og þá er þetta orðinn svolítið meiri hækkun en um er rætt.
GERUM EITTHVAÐ RÓTTÆKT
Kveðja ósáttur Íslendingur
Sigurður Friðriksson
-
Replies
-
Olíuverð heldur áfram að lækka
Verð á hráolíu hélt áfram að lækka á heimsmarkaði í dag eftir að bandarísk stjórnvöld birtu tölur, sem sýndu að birgðir af hráolíu og gasolíu hafa aukist. Verð á hráolíufati lækkaði um 1,64 dali á markaði í New York og fór niður í 50,22 dali. Hefur verðið ekki verið lægra í þrjá mánuði en það er samt um 35% hærra en það var fyrir ári.
Tekið upp af síðu mbl.isjá að sjálfsögðu eigum við að mótmæla einsog Frakkarnir gera, það ber árangur.
Hilsen
Kalli
Eldsneytisverð á Íslandi er með því hæsta sem þekkist í heiminum og samt eru stjórnvöld enn að hækka skattlagningu, bæði á bensín og díselolíuna.
Ég er alveg til í smá rúntkeyrslu við Alþingi og stjórnarráð með tilheyrandi aðvörunarflauti ef einhver er til í að skipuleggja aðgerðir þannig að erindið komist vel til skila.
Ég vil enn og aftur endurtaka að skattpíningin á bæði við dísel og bensín þannig að við eigum allir sama erindið við Herra Skattmann hvort sem við brennum gasi eða grúti.Wolf
Í fyrra voru jeppamenn í Bretlandi búnir að skipuleggja aðgerðir í þessa veru til að mótmæla reglugerð sem hefði lokað fjölda leiða sem þeir nota í sinni jeppamennsku, þessu sem tjallinn kallar Greenlaining. Þessar aðgerðir voru hins vegar blásnar af á þeim forsendum að menn töldu að þær myndu almennt ekki auka stuðning við málstað jeppaeiganda heldur þvert á móti auka andúð almennings og þar með þyngja róðurinn í hagsmunabaráttu þeirra.
Ég er svosem ekkert að fullyrða að þessi rök eigi við hér eða í þessu tilfelli. Flestir landsmenn ættu að hafa samúð með baráttu gegn skattpíningu ríkisins á eldsneytisnotkun. Það þarf samt að spá í á hverjum aðgerðir bitna, lenda ekki í svona kennaradílemmu.
Kv – Skúli
Ef menn lesa [url=http://www.f4x4.is/new/forum/default.aspx?file=ferdir%2f4925:3cv8y81a]þennan þráð[/url:3cv8y81a], þá fer ekki á milli mála að þegar þingmenn samþykktu olígjaldið, þá var það í þeirri trú að olían yrði ódýrari en 95 oktana bensín. Það má líka sjá þar að fjármálaráðherra veit upp á sig skömmina, upphæð olígjaldsins var samþykkt á fölskum forsendum.
Í þessari stöðu liggur beint við að hafa samband við þingmenn, sérstaklega þingmenn sem láta sig umhverfismál varða, og vekja athygli þeirra á því hvernig málum er komið. Ég hvet félagsmenn til að gera þetta hvern í sínu lagi, en það er líka eðlilegt að forsvarsmenn félagsins geri það.-Einar
Hvernig er það…??….Ætla menn ekkert að taka sig saman og mótmæla þessu?….Það var talað um að dísel olían muni kosta 112 krónur…
Eigum við að láta þetta ske án þess að gera nokkuð???
Ég meina….Ég get ekki mótmælt þessu einn…það er eins og að pissa í skóinn sinn til að hlýja sér….
Gefur EKKERT…
GERUM EITTHVAÐ.
Kveðja..
Sigurður Friðriksson
Í morgunþætti stöðvar 2 fullyrti fjármálaráðherra að díselbílar verði ódýrari en bensínbílar í framtíðinni. Þetta væri markaðslögmálið að verki, magninnkaup á díselbílum muni lækka verð og væri því eðlilegt að díselverðið væri hærra en bensínverð.
!! Hvaða hagfræði er nú þetta??
Ekki er nokkur möguleki að smíða díselvél ódýrari en jafn karftmikil bensínvél og venjulega hækkar aukin eftirspurn verð.Ég held að ráðherran ætti nú að skoða skólabækurnar aftur.
Ferðakveðja Dagur
að ein af ástæðum þess að dieselverð yrði hærra en bensínverð væri að taka þyrfti gjald af einkabílnum til að standa undir niðurgreiðslu dieselolíu á flutningabílum.
kveðja Elli
Það mætti nú bæta því við að íslendingar kaupa ekkert í miklu magni erlendis frá, við erum ör þjóð sem skiptum ekki miklu máli markaðslega séð. Þó gæti okkar ágæti ráðherra kannski náð niður verði á dísel bílum ef við sættums öll á að kaupa einu og sömu tegundina , þá fengi hann kannski magna afslátt.
karlinn er nú ekki öruggari með eiginn tillögur en svo að hann er búinn að lýsa því yfir að þessar reglur verði jafnvel endurskoðaðar í haust, sennilega hefur hann ekki meiri trú á þeim en það og þar má segja að sé ljós í myrkrinu.
Rökleysa ráðherra er algjör og ótrúlegt að þessi maður sé fjármálaráðherra en sannar kannski að í bananalýðveldum lýðst svona framkoma við almúgann.
-Elli.
þessir útbrunnu-ráðherrar okkar lækka ekki verðið á dísel né bensíni á næstu misserum,frekar er ég alveg viss að þetta verð sé reyndar fyrirfram ákveðið og það hafi allatíð átt að fara yfir bensín verðið.
Ef við lýtum yfir farinn veg þá er alltaf fundin ein leið í viðbót til að fá meira í Ríkiskassann,það hreinlega skiptir ekki máli hvað hlutirnir eru nefndir Geir vinur vors og blóma eða þannig sko,finnur alltaf smá skattaprósentu hér eða þar til að leggja ofan á verðin og kallar þetta svo einhverjum nöfnum og lofar svo lækkun,en sú lækkun kemur svo á 3 eða fjórða hluta Ársins 2007-2008 þegar það er komið nóg í kassann.Vér mótmælum.
Þetta virðist vera einhver anskotans lenska hjá ráðherradótinu. Það er aldrei hægt að gera nokkurn hlut af einhverju viti eða klára það á almennilegan hátt þrátt fyrir her svokallaðra sérfræðinga sem koma að þessum málum. Þessir sérfræðingar eru þó ekkert annað en möppurdýr sem aldrei hafa komið nálægt þeim hlutum sem þeir fjalla um, aðeins lært þetta af bókum.
Allt er þetta gagnslaust drasl sem fær morðfjár í laun á hverjum mánuði. Svona drasl á að fara á haugana.
You must be logged in to reply to this topic.