This topic contains 15 replies, has 1 voice, and was last updated by 
-
Topic
-
Við erum minnihlutahópur í þessu landi því þjóðin hefur nánast kveðið upp dánartilkynningu yfir óbyggðum hálendisins. Samkvæmt könnun Capacent kýs meirihluti þjóðarinnar að úthluta fámennum hóp fjárfesta yfirráð yfir hálendi Íslands, þar sem þeir geta í framtíðinni innheimt gjald af okkur ef við viljum njóta víðernis sem landið okkar bíður upp á.
–
Sjá
href=“http://www.mbl.is/mm/frettir/frett.html?nid=1273701″>
–
Með svartsýnis hjali, kv. vals.
-
Replies
-
Þetta fer nú að sjálfsögðu eftir því hvernig er spurt:
Er t,d munur á þessum spurningum ?. Það er alltaf hægt að fá rétta niðurstöðu ef maður ræður útgangs punktinum, þó svo ég segi þetta með þeim fyrirvar að hafa ekki séð orðalag spurningarinnar.1 Spurning: er þú fylgandi uppbyggðum hálendisvegi yfir Kjöl——– já-nei
2 Spurning: Ert þú fylgandi uppbyggðum hálendisvegi yfir Kjöl, þar sem farið verður í gegnum friðlandið í Guðlaugstungum, og Norðurvegur kemur til með að okra á vegfarendum um alla framtíð með vegatollum vegna þess að þeir ætla ekki að skila þjóðinni til baka því sem hún á—– já-nei
3 Spurning ert þú fylgjandi uppbyggðum Kjalveg þar sem stór hætta getur skapast þegar illa búnir höfuðborgarbúar far sé að voða á smá bílum í aftaka veðrum,—– já-nei.
Held að það sé enginn vafi núna eftir að KLM er orðinn ráðherra samgöngumála, að þessi vegur verður lagður í einkaframkvæmd og á honum verður gjaldtaka. Eins og ég hef reyndar vísað til áður, þá er fróðleg umfjöllun um veðurathuganir á þessu svæði á heimasíðu Veðurstofunnar, sem Hreinn Hjartarson, veðurfræðingur og deildarstjóri á VÍ hefur tekið saman. Ég held að hvað sem fólki í 4×4 klúbbnum finnst, þá séu það valdamiklir aðilar í þjóðfélaginu tilbúnir til að koma að þessu máli, að það gildi einu þótt einhver hópur "kolvitlausra umhverfissóða" eins og ég hef stundum verið kallaður vegna áhuga míns á jeppum, hafi á móti veginum. Það eru einfaldlega of miklir hagsmunir í spilinu. Freðmýrasvæði eins og Guðlaugstungur/Álfgeirstungur/Svörtutungur hafa þar ekki mikið vægi þótt friðaðar hafi verið. Þess utan gæti þessi vegagerð tengst áformum um vatnaflutninga af vatnasvæði Vestari-Jökulsár yfir í inntökumannvirki s.k. Skatastaðavirkjunar, en sú virkjun verður væntanlega nauðsynleg vegna áforma um álver á Bakka við Húsavík.
Ég mæli með að senda karlinn KLM í þingmannaferð með stjórn… og hefja strax leit að öðrum samgönguráðherra.
Kv. stef.
Stef ég skildi þetta ekki, ef við náum kallinum með í þingmannaferð þarf ekki að skipta um Ráðherra því honum yrði einfaldlega sýnt ljósið.
Eins og Jón segir þá er hægt að forma spurningar þannig að rétt niðurstaða fæst, það er alþekkt aðferð og þar sem Capacent vann þessa könnun fyrir “Norðurveg“ alveg klárt í mínum hug að spurningarnar eru formúleraðar þannig að rétt niðurstaða fékkst. Það sem kemur mér á óvart er hversu munurinn er lítill í raun.
Þá vakna spurningar:
-Hefur einhver aðgang að þessum spurningum sem voru lagðar fyrir. eða veit einhver hvar hægt er að nálgast þær,
-Hvað kostar svona könnun ?, það væri sterkur leikur hjá 4X4 í samvinnu við Samut eða aðra að láta framkvæma könnun þar sem spurningum væri stillt “rétt“ upp.
Ég held að það væri sterkur leikur fyrri náttúruunnendur að athuga þetta því það er alveg óþolandi að fjármagnseigendur geti með klækjum eignast og nauðgað náttúruperlum landsins.
kv. vals.
Varðandi orðalag spurninga í svona könnun þá eru nokkrar viðurkenndar grunnreglur. Eitt atriðið er að orða báða möguleika í spurningunni, þ.e. ekki spyrja ertu hlynntur veglagningu yfir Kjöl – já eða nei, heldur spyrja ertu hlynntur eða andvígur . Semsagt að valið standi ekki milli þess að svara já eða nei heldur hlynntur eða andvígur. Það er vegna þess að já hefur alltaf eitthvað aðdráttarafl hjá ákveðnum hóp svarenda, það er svona tilhneiging til að vera já-maður. Önnur mikilvæg regla er að setja ekki forsendur inn í spurninguna eins og Jón gerir hér að ofan, hafa hana alveg strippaða af öllu slíku. Svarendur eiga að svara miðað við þær forsendur sem eru fyrir í hausnum á þeim, ekki miðað við forsendur sem spyrjandinn leggur inn hjá þeim. Þetta var einmitt regla sem Davíð Oddson vildi að Gallup bryti fyrir nokkrum árum í könnun varðandi ESB þar sem hann var óánægður með niðurstöðuna, þ.e. skammaðist yfir því að ekki væri sett inn í spurninguna hvort menn séu fylgjandi eða andvígir ef inngangan hefði hinar margvíslegu hörmungar í för með sér fyrir viðkomandi. Það er náttúrulega ekki mjög vísindalegt að spyrja þannig. Nú veit ég ekki hvernig var spurt þarna, en ég held að Capacent hljóti að vera nógu vant að virðingu sinni til þess að gera þetta án þess að hafa innbyggðar stýringar sem þessar í spurningunni, jafnvel þó kaupandinn hugsanlega fari fram á slíkt. Mér finnst líklegra að þetta sýni okkur einfaldlega staðreyndirnar um afstöðu þjóðarinnar til málsins á þessari stundu, semsagt við sem viljum koma í veg fyrir þessa vitleysu þurfum að herða okkur all hressilega í því að koma málstað okkar á framfæri.
Þetta þarf kannski ekki að koma neitt óskaplega mikið á óvart. Við sendum frá okkur ályktun um þetta og sama gerði Ferðafélagið og Samtök ferðaþjónustunnar. Þær fengu ekki mikla athygli þó þær birtust í einhverjum fjölmiðlum. Þar með er nánast upptalið þau tækifæri sem hafa verið til að koma sjónarmiðum okkar á framfæri. Ég fór að vísu í einhvern spjallþátt á rás 2 fyrir líklega einu og hálfu ári eða svo og fékk þar þingmanninn Kjartan Ólafsson á móti mér. Í sjálfu sér var ágætt að ræða við Kjartan, þó við séum á öndveðri skoðun var hann ekkert ósanngjarn í sínum málflutningi þarna. Þáttastjórnandinn hins vegar hafði greinilega lítinn áhuga á mótrökum í málinu, reyndar Akureyringur af lífi og sál.
Það verður því ekki sagt að það hafi verið mikill áróður gegn þessu og það birtist mjög skýrt í þessum niðurstöðum.
Kv – Skúli
1. Veistu hvar Kjalvegur er?
2. Ertu hlynt(ur) eða andvíg(ur) því að lagður verði heilsársvegur í eigu einkaaðila um Kjöl með gjaldtöku um ókomna tið? ps. já og hann liggur m.a. gegnum friðland.
-haffi
Þetta fer allt eftir því hvernig spurningin er sett fram. (ekki spurning ;)))))
Eins og menn benda á hér að ofan.
Það þarf að draga KLM með okkur á fjöll til að það skiljist um hvað málið sníst.
Það er engin spurning að, ef kjalvegur verður byggður upp, verður mikil umferð þungafluttninga.kv
Agnes karen Sig
Agnes þá verður þú að láta benna litlla gera við f–k-ð :O)
Hilsen sólarkveðjur. Kalli
Hvað meinar þú hummm….
Ertu með sólsting…..
Kv
Agnes
Góðir vegir eru góðir, ég vil malbik á kjalveg strax. Hann er hundleiðinlegur eins og hann er í dag.
jsk
Já gott mál nafni en vilt þú þá gefa mér landið undir Kjalveg og leifa mér að malbika fyrir þig veginn og leifa mér svo að rukka þig um 3000 kall þegar þig langa að renna inn á Kjöl.
Við keyrum bara gamla veginn. :$)
Hilsen. Kallisemerkominnísumarfríogaðkomastísólákanarí.
Tja, eins og sum kortinu eru þá mun nýi vegurinn fara yfir þann gamla á nokkrum stöðum.
Það er samt ekki alltaf nauðsynlegt að vera í meirihluta bara hafa [url=http://mbl.is/mm/frettir/innlent/frett.html?nid=1274062:1599epki]ákveðna aðila í sínu liði[/url:1599epki].
Grunaði alltaf að umhverfisráðuneytið væri í góðum höndum hjá henni.
Flott Ráðherra, nú er bara að skipuleggja ferð með “Ráðfrúnna“ og negla þetta fast.
kv. vals.
You must be logged in to reply to this topic.