Minna breyttir

Sælir strákar.

Ég er aldeilis yfir mig hissa á hvernig þessi þráður hefur þróast. Það sem byrjaði sem málefnaleg umræða hefur þróast í skítkast og vitleysu.

Mér sýnist sumir enn vera á þeim buxunum að það séu tóm leiðindi að vilja ekki taka lítið breytta bíla með í vetrarferðir. það er augljóst að þeir sem þannig skrifa og hugsa hafa ekki komið upp á hálendið að vetri til. Og í endan á nóvember er kominn vetur til fjalla. Eins og þið auðvitað vitið er allra veðra von á okkar fagra landi. Það getur skollið á glórulaus stórhríð fyrirvaralaust, og snjað getur gríðarlega á stuttum tíma. Við þær aðstæður er ekki nóg að vera á jeppa sem eins og "Klakinn" orðar það, "ætti að geta farið ansi langt". Það er hreinlega alls ekki nóg. Það þarf að vera á bíl sem kemst alla leið. Og það hefur reynslan sýnt að bílar á stórum dekkjum gera.

Ég gleymi trúlega aldrei ferð sem ég fór ásamt mörgum öðrum í október fyrir mörgum árum. Tilgangur ferðarinnar var að fara með dýnur í Setrið. Til stóð að koma heim á sunnudagskvöld, en þegar lagt var af stað heim skall á snælduvitlaust veður, sem var svo slæmt að við urðum að stoppa þar sem við vorum, og komumst ekki útúr bílunum í 16 tíma. Þegar veðrinu slotaði var auðvitað allt á kafi í snjó, og erfitt færi. Við komum í bæinn á þriðjudagsmorgunn, ef ég man rétt. Það var mikil mildi að allir í hópnum voru vel búnir og drifu vel.
Þetta er auðvitað ýkt dæmi, en þetta getur alltaf gerst.

Ég bauð mig í gær fram til aðstoðar við dag fyrir lítði breytta bíla, og það stendur enn. Mín hugmynd er að það það verði með stuttum fyrirvara hóað saman í leikferð, t.d. upp að Langjökli, eða á annað svæði ekki of langt frá bænum. Þar mætti prófa bíla og menn, og þá kæmi í ljós hvers bílarnir eru megnugir. En takið eftir einu. Ég sagði "til aðstoðar" en ekki að ég ætlaði að sjá um dæmið. það er í raun svosem ekkert að sjá um. Það þarf ekki annað en að einhver, t.d. Jóhannes vinur okkar, setji þráð á netið, og þeir mæti sem geta. Það er ekki ólíklegt að ég og jafnvel mínir félagara gætum eitthvað lært af þessu, og allavega deilt vitneskju okkar með öðrum. Og ekki yrði ég hissa ef að viss "dama" mætti á svæðið og miðlaði af visku sinni og fegurð.

Ég var að kíkja yfir þráðinn og las það sem Kjartan var að skrifa. Ekki gæti ég verið meira sammála. Sjálfur kynntist ég klúbbnum fyrir tilviljun í vinnuferð. Og 15 árum seinna get ég fullyrt að ég hef ekki kynnst skemmtilegra fólki, og stundað meira gefandi félagsstarf en í þessum klúbb. Þó hef ég verið jeppalaus ca. helming tímans síðan þá.
Auðvitað hafa ekki allir sömu skoðun á öllum hlutum, en skárra væri það nú.

Jæja, það nennir enginn að lesa þetta ef ég skrifa meira.

Bestu kveðjur,
Emil Borg

‘Eg tók fram að ég væri ekki ósáttur við emailð sem ég fékk,heldur því sem kom fram er ég fór að lesa ferðaplönin.
Og Emil minn ég get ekki verið meira sammála þer um þetta skítkast það er ekki við hæfi.
Hvað varðar vetur á Hálendinu þá er ég ekki alveg ókunnur því bæði er varðar leik og starf(virkjanir og börgunarsveitir)en hvað annað sem þú skrifar er ég mjög sáttur við og eins og þú eflaust hefur lesið taldi ég Hlyn hafa vit á þessu sem hann stendur fyrir og óska honum góðrar ferðar,En í öllum bænum ekki reyna að gera lítið úr okkur sem ekki höfum verið virkir,við viljum í raun það sama og þið,þó ekki séum við á stórudekkjunum

Komdu sæll minn kæri JÞJ.
Ég ætla bara að leiðrétta þig með það að ég kom ekki með þessa tilögu af því að þú sagðir þig úr félaginu eða að ég hafi farið að linast á límingum útaf því öðru nær Það snertir mig nákvæmlega ekki neitt.
Þetta er alfarið út af áhuga mínum á að sem flestir geti verið með hver eftir sinni getu. Ég er nefnilega einn af þeim sem hef verið, og er það enn, sem er ekki fær um að taka þátt í erfiðari ferðum sem ákalla á stór dekk þótt ég sé kominn á 35" dekk því að ég er á svo þungum bíl.
Ég skil þetta mjög vel og þess vegna leita ég eftir því að koma með tillögur að ferð (ferðum)sem henta mér og fleirum sem eru í sömu sporum. Það getur enginn ætlast til af neinum að hann hafi mann í spotta vegna þess að viðkomandi er ekki útbúinn í ferðina en ætlar samt, og vill ekki skilja það að hann kemst ekki vegna vanbúnaðar.
Nú held ég að menn ættu að fara að vinna í þessu af kröftum og hætta að misskilja hvorn annann hérna á vefnum það er komið nó af slíku í bili.

Hvort einhver vill vera + eða – í félaginu hlýtur að vera mál hvers og eins , en ef einhver er verulega fúll væri kanski ráð fyrir viðkomandi að skipta um legu og setja skemmtileguna í hjá sér og koma með við fyrsta tækifæti hress og skemmtilegur.
Kv. litlitrúður

á eftir efninu

Það komu engin viðbrögð við þessum pósti, átti svo sem ekki von á öðru. Ferðin var farin engu að síður, gist var í Hrafntinnuskeri og gengið á Heklu og íshellar skoðaðir í leiðinni. [url=http://klaki.net/gutti/03nov16.html:bg81rkaz]Hér eru myndir.[/url:bg81rkaz]
[img:bg81rkaz]http://klaki.net/gutti/03nov16/t/2003_1115_121510.jpg[/img:bg81rkaz]
-Einar