Millikassi úr SJ410/13

Ég er í smá vesen.

Ég er með Suzuki Jimny sem er með millikassa úr SJ410/13 með nýjum hlutföllum. Kassinn byrjaði að leka örlítið hjá mér fljótlega eftir að hann var settur í. Ekkert alvarlegt.

Svo lenti bíllinn í svolitlu vatnaveseni og var hálfpartinn drekkt bara. Ég tappaði af kassanum og hafði hann þá fyllst smá af vatni. Setti nýja olíu á og allt í góðu.

Svo fljótlega fer kassinn að leka meira en áður, eiginlega of mikið. Þannig að ég tek það ráð að taka hann úr og skoða hann.

Þá sé ég að næstum því ALLIR boltarnir á kassanum eru lausir. Núna er ég nokkuð viss um að maðurinn sem setti kassann saman fyrir mig herti þetta nú alveg, því þessu var ekki bara tyllt, það var örlítið búið að herða þetta. En sumir alveg laflausir.

Núna kemur gullna spurningin, geta boltar á svona kassa víbrað þannig að þeir losni? Getur verið eitthvað skakkt átak á þessu ?

Endilega komið með alla ykkar visku inn í þetta því ég hef ekki græna glóru hvers vegna þetta hefur getað losnað.