This topic contains 13 replies, has 8 voices, and was last updated by 
-
Topic
-
Laugardaginn 14. febrúar verður farið í svokallaða „Millibílaferð“ á Langjökul.
Ferðin er tilraun á vegum Ferðaklúbbsins 4×4 og er skipulag ferðarinnar í höndum meðlima Litlunefndar. Tilgangurinn er að kanna áhugann á því að koma upp ferðum fyrir jeppa sem eru meðalmikið og mikið breyttir og er miðað við dekkjastærð 35″. Sú stærð miðast þó við þyngdarhlutfall og er ekki sjálfgefið að stærri og þyngri bílar fái að fara með þrátt fyrir að vera á 35″ dekkjum. Einnig er mögulegt að gera undanþágu fyrir mjög létta bíla á minni dekkjum en 35″. Til leiðbeiningar þá er miðað við að Patrol 35″ sé í lagi, en þyngri bílar en það ekki.
Ferðin verður farin laugardaginn 14. febrúar og er stefnan tekin á Langjökul. Ekki er búið að ákveða hvar verður farið upp og niður af jöklínum, en það verður auglýst síðar.
Þar sem um tilraun er að ræða verður fjödli bíla í ferðinni takmarkaður.</div>
Skráningarskylda er í ferðina og skráningarformið má finna hér
-
Replies
-
Flott ferð og hlakka til að fara.
Hvar getur maður séð hverjir eru skraðir.
Kveðja Elvar
Nú veit ég um tvo Suzuki jimny á 33″ sem langar að fara með, eru þeir ekki örugglega velkomnir með þar sem hlutfall þyngdar og dekkjarstærðar er mun hagstæðara en patrol á 35″?
hvað með jimny á 31 tommu 😀
Ertu með einhverja reynslu af þessum bíl í snjó Atli?
hef farið áður uppá langjökul á bílnum mínum þegar hann var á 31 tommuni en þau dekk voru frekar léleg, en ég spurði bara fyrir forvitnis sakir bíllin er núna á 27 – 28 tommuni eða sem sagt orginal stærð hér um bil, hef ekki ennþá keypt mér stærri dekk þó ég eigi felgurnar í það
Góðar viðtökur hafa verið við millibílaferðinni.
Fullt er í ferðina og búið er að loka fyrir skráningu. Þeir sem hafa skráð sig fá sendan tölvupóst fljótlega með frekari upplýsingum.
Bestu kveðjur
Vegna veðurs var ferðinni frestað
Kv. TótiG litlunefnd
Verður ekki bara farið næsta laugardag, 21. febr,?
Þessi ferð verður farin á laugardaginn kemur. Þeir sem voru skráðir um síðustu helgi ganga fyrir, verið er að kanna hvort eitthvað er laust.
Glæsilegt! Þetta verður án efa frábær ferð miðað við veðurspá, ískalt og lítill vindur
Það eru örfá pláss laus (ca 3) í þessa ferð á laugardaginn. Þeir sem hafa hug á að koma með geta sent tölvupóst á olafurmag@gmail.com með eftirfarandi upplýsingum:
Nafn þess sem er að skrá sig
Bíltegund
Bílnúmer
Dekkjastærð
GSM símanr.
Ertu með VHF talstöð?
Er gps tæki í bílnum?
TölvupóstfangVið áskiljum okkur rétt til að takmarka bíla í þessa ferð og miða við bíla á 35″ dekkjum og stærri og einnig að taka tillit til annara þátta skv. ákvörðun fararstjóra.
Kv. Óli
Það er orðið fullt í ferðina.
Mæting á Stöðina við Vesturlandsveg kl. 8:30 í fyrramálið.
kv. Óli
Frábær ferð! takk kærlega fyrir mig. Engar alvarlegar bilanir, æðislegt veður og góður félagsskapur. Svo sem ekki við öðru að búast enda Toyotur í meirihluta 😀
You must be logged in to reply to this topic.