Mikið af gömlum ljótum jeppum

Það má nú lesa ýmislegt útúr þessu með hamarinn. T.d. ef það er rétt að þetta sé "gamall" hamar, þá gildir líklega sama um hann og marga jeppana. Semsagt að það þó þetta sé gamall hamar þá er búið að skipta þrisvar sinnum um skaft á honum og tvisvar um haus. En þetta er gamli hamarinn engu að síður.

Bara svona að spekúlera!

Kv – Skúli

Þessi Patrolman er sennilega einn þektasti jeppamaður íslandssögunnar og verður það að teljast ótrúlega góður árangur fyrir mann sem engin þekkir, engin hefur séð og er mér sagt að hann sé ekki til í þjóðskrá. Ég sel það ekki dýrara en ég keypti það.
Eingu að síður er bara gaman af þessu.

Þannig að það er spurning hvort að það sé ekki einhver hópur innan klúbbsins sem er tilbúinn að búa til sakamálaþáttinn "HVER ER PATROLMAN".
Þetta er hugmynd!!

Kv. Davíð

Raggi Begg (ekki Ragnar Bergþórsson)er hans rétta nafn. Þekki drenginn persónulega, en hann er mágur minn. Hann er bróðir konu minnar og er kvæntur móður minni. Á sínum yngri árum var hann með föðurbróður mínum en fékk gyllinæð og hætti að mestu svoleiðis veseni. Ágætisdrengur, og það sem meira er hann ýkir ekki. Það hljómar kannski undarlega en hógværðin er einn af hans aðalkostum og yndislegri mann finnur maður ekki sem ferðafélaga. Alltaf hýr og kátur, tilbúinn að leggja sig fram í að fullnægja þörm… afsakið, þörfum annarra, og ber er enginn að baki þar sem Raggi Begg er.
Hvað bílinn hans varðar, fer þar undratæki á geysistórum hjólbörðum. Aflið er gríðarlegt og verðið eftir því. Dralongardínur og púff í hverjum glugga, hraðsuðuketill í hanskahólfinu, arinn í stóru röri aftaná bílnum og svo mætti lengi telja.
Svo kann hann íslensku (meira en margur kjáninn hér).
Ég held ég selji Toylettið mitt.

…en ekkert voðalega ljótt.

Nú verð ég að taka undir með Ion (og snúa boðskapnum kannski yfir á íslensku í leiðinni).

Ég hef alltaf haldið að þessi félagsskapur snerist um ferðamennsku en ekki pissukeppni. Ef fólk hefur eitthvert óþol fyrir gömlum bílum er kannski réttara að leita eitthvert annað, til læknis t.d.?

Ég verð líka að segja að mér blöskrar oft umræðan hérna og á hversu lágu plani hún er. Það er eins og meðal notenda síðunnar séu nær óteljandi snillingar sem hafa það eitt að markmiði að koma fólki upp á afturlappirnar í tilgangslausu þrasi um toyotu vs. nissan.

Ég trúi því reyndar að þetta sé nú allt gert í gríni og með góðum vilja en það er leiðinlegt að sjá málefnalega þræði leysast upp í þessa vitleysu.

Ef einn bíll væri virkilega bestur í heimi – væri hann þá ekki sá eini sem væri framleiddur eða keyptur?

Er svona umræða og þras á einhvern hátt að endurspegla andann í félaginu? Ég hef nefninlega bara mætt á einn fund og er ennþá að reyna að ákveða hvort ég eigi að endurnýja aðildina…

…þó að typpið mitt sé orðið 12 ára gamalt og votti fyrir ryði?

Kv.
Einar.

Tek heilshugar undir með síðasta ræðumanni.
Ritskoðun hefu aldrei gefist vel, ekki einu sinni í gömlu Sovétríkjunum eða Austurlöndum fjær og nær.
Það ritfrelsi sem við vesturlandabúar búum viðrðist vera nokkuð gott, og við eigum að virða það.
En ef menn og konur eru með persónuleg skrif gagngert til þess að níða aðra manneskju, þá hefur sú manneskja (gerðarþoli) rétt á að leita réttar síns með aðstoð dúmstóla.
En það hef ég nú ekki séð hérna enn.
Þessi síða er alveg frábær vettvangur fyrir okkur jeppamenn, og aðra, til þess að koma skoðunum okkar,og vitneskju,(+þiggja hana),, á framfæri.
Þó að menn séu kotrosknir að hæla sínum bílum, og níða aðra bíla (EKKI MENN), þá er það bara hið besta mál og við þekkjum það öll úr félags og hópferðum um landið hvernig menn spjalla saman um hinar ýmsu tegumdir bíla.
Jólakveðja
Þröstur Guðlaugsson