This topic contains 7 replies, has 1 voice, and was last updated by 
-
Topic
-
Það er skrítið vandamál með miðstöðina hjá mér, sem þeir hjá Toyota hafa ekki svar við – allavega ekki í gegnum síma, þessvegna datt mér í hug að prófa hér. Þetta er ’97 módel af 90 Cruiser.
Það lýsir sér þannig að miðstöðin frammí blæs ekki heitu, heldur volgu en það er misvolgt eftir því hvar hún blæs. Miðstöðin afturí blæs bara köldu.
Ég er búinn að prófa/athuga þetta:
– nóg kælivatn er á bílnum
– lokinn fyrir heita vatnið inná miðstöðvarelementið virkar fínt
– framrás og bakrás kælivatns í miðstöðina eru heit
– blása létt í gegnum miðstöðvarelementið, ekkert virtist stíflað
– hreinsa kælikerfið með vatnskassahreinsi
– hringja í Toyota, sem bentu mér á að tékka hvort nóg vatn væri á bílnum, og skoða síðan miðstöðina sjálfa og hvort hún væri að blása rétt í gegnum sig. Ég er ekki búinn að því. Koma síðan með hann til þeirra ef þetta virkar ekki.Hafið þið einhverjar tillögur kæru félagar?
Kv. Pálmi
-
Replies
-
Sæll Pálmi.
Er nokkur smuga að mótorinn sé að blása framhjá elimentinu? Þetta hefur komið fyrir hjá mér í corollu, hæpið, en það eina sem mér dettur í hug..
Kveðja, Hjölli.
Sælir.
Ég á við nákvæmlega sama vandamál að stríða.
Búinn að prófa allt, Skola út, vatnslás, nægt vatn, loki í fínu lagi, opnast og lokast eðlilega, búinn að færa hann meira að segja niður, tappa af lofti (var reyndar aðeins skárri eftir það)
Miðstöðin afturí er það eina sem heldur lífi á fólki í bílnum,
En alltaf kemur ilvolgt úr mistöðinni frammí sérstaklega til hliðana (á hliðarrúðunar) hvergi annarstaðar.
Eina sem Toyota segir er að skipta um element og það kostar heila hendi og mikið mál að skipta því út :SEn það væri gaman ef eitthver á gullkorn til þess laga þetta þá væri ég (og konan sérstaklega) afskaplega ánægður
mbk
Dagbjartur
Sæll .
Eftir að hafa fullvissað þig um að blásarinn er að blása rétta leið þá skaltu aftengja miðstöðina (vatnslögnina) , aftengdu elementið , báðar slöngurnar .
Látu renna heitt vatn úr krananum í gegn og láttu renna á góðum dampi í gegn . vonandi kemur óhreint út um hinn endann . Kveiktu nú á miðstöðinni og gáðu hvort hún hitnar með heita kranavatninu .
Ef ekki , þá er líklega stýfla sem hindrar .
Henni nærðu úr með að nota stýflulosunarefni sem þú notar ef stýflast hjá þér vaskinn . Þetta þarftu að gera varlega .
Þetta efni inniheldur sterkann sóda . Blandaðu þetta 50% með köldu vatni og settu trekkt á aðra miðstöðvarslönguna og festu hina upp, þannig að ekki renni úr henni . helltu Ca 1 liter af blöndunni í elementið . Láttu þetta gramsa í hálfa til eina mínútu , ekki lengur . Það virkar betur að blása nett í slönguna sem er bundin upp til að koma smá hreifingu á sódann í elementinu .
Mæli ekki með að drekka mikið af þessu gumsi
Settu nú aftur heitt vatn á eftir sódablöndunni og skolaðu vel og lengi á eftir . Ef allt er eins og bendir til , áttu að fá mikið magn af drullu út . Þetta má endurtaka ef þurfa þykir .
Þetta er allavega þess virði að prófa þetta , ekki sýst ef Toyota elementin eru á útlimaverði
Gott að hafa aðstoðarmann eða konu við hendina . Þessi vökvi er skaðlegur fyrir húð og augu og ber því að nota einnota hanska eða eitthvað svipað .
‘Eg hef gert þetta oft með frábærum árangri .
Gangi þér vel .Kveðja V.
Veik von ??? . Ef er búið að boddýhækka bílinn 2" + er möguleiki að kælivatnið nái ekki að fylla elementið , því þá er orðin óhagstæð hæð á elementinu miðað við hæð kælivatns á vél og vatnskassa .
Lausnin er kannski bara lítil vatnsdæla eins og er notuð í rútum með elementin í hitastokkum í þaki , þeas. ef ekki er stífla í elementinu .
Spurning að hafa framendan hærrra , keyra upp á smá kant eða haug og bíða smá stund , vita hvort það breytir einhverju .Kv V.
Það er eins hjá mér og Dagbjarti að alltaf kemur ilvolgt úr mistöðinni frammí sérstaklega til hliðanna.
Bíllinn hjá mér er hækkaður um 10cm á boddý, þessvegna er hugsanlegt að lofttappi í kerfinu gæti verið vandamálið.Ég er búinn að taka slöngurnar af og láta vatn renna í gegnum elementið (ekki undir þrýstingi). Eftir það keyrði ég í bakka þannig að framendinn stóð beint uppí loftið (svona ca.) til að lofttæma en það virtist ekki gera neitt.
Það er spurning um að prófa þetta með sóda-stíflulosunarefnið. Ef það virkar ekki að fara þá í að skoða að setja auka-vatnsdælu. Mér finnst reyndar skrítið að þurfa að fara í svoleiðis æfingar – en skoða það síðar.
Ég vil svo þakka ykkur fyrir góð ráð – ég átti ekki von á að fá svona góð viðbrögð :o)
Kv. Pálmi
Ég er einmitt í svipuðum vandamálum með miðstöðina í Cherokee. Það kemur kalt niður en volgt upp. Ég svosem á eftir að skoða það eitthvað nánar. Ég reyni eitthvað af þessu.
Kveðja
Þengill
í því sama með cherokee. lét hreinsa kerfið og hann var eins og nýr á eftir.
trausti og traktorinn
You must be logged in to reply to this topic.