Miðjuferð 4×4

Þessi frétt var á stöð 2 á föstudag eða laugardag, frekar stutt en frétt þó.
Mér fannst þetta sniðugt hjá klúbbnum að fara þessa ferð með fáa útvalda en ég er viss um að öllum þingmönnum hafi verið boðið en færri viljað koma. Það hefði reyndar átt að fara þessa ferð á öðrum tíma þegar veður er betra og meiri birtu er að fá.

[url=http://www.siv.is/:ra6qjbmk]Siv[/url:ra6qjbmk] er búin að setja inn ferðasögu og myndir.

Eftirfarandi berst klúbbnum og er birt með leyfi Kolbrúnar:

Sæl verið þið og blessuð!

Ég verð nú að senda ykkur nokkur orð til að þakka fyrir mig og þessa stórkostlegu ferð með ykkur inn að miðju.. næstum því J

Það var margt sem kom mér á óvart og margt sem ég fékk að vita um hið góða starf sem klúbburinn er að vinna.

En það sem var best var að kynnast öllu þessu góða fólki sem var með í för.

Ég er afskaplega þakklát fyrir að hafa fengið þetta tækifæri og mun leggja mikið á mig til að komast með ef fleiri tækifæri gefast.

Svo lýsi ég mig reiðubúna til að vinna með ykkur ef það er eitthvað sem þið viljið koma á framfæri við löggjafann, þó ég sé ekki í ríkisstjórn eins og er og ráði því kannski litlu um það sem gert er, þá kann það að breytast með litlum fyrirvara.. Við sjáum nú hvernig hlutirnir gerast í pólitíkinni þessa dagana. Svo er alltaf hægt að leggja fram fyrirspurnir um mál til ráðherranna eða óska eftir umræðum utan dagskrár. Það er um að gera að nota þann vettvang sem Alþingi er og koma þar á framfæri góðum hugmyndum, t.d. umskipulag á miðhálendinu, stefnumörkun í hálendisvegum eða annað það sem stjórnvöld sýsla með og er á ykkar áhugasviði.

Ég bið fyrir bestu kveðjur til ferðafélaganna með hjartans þakklæti,

Kolbrún Halldórsdóttir

Ég var að tala við Sýslumanninn á Selfossi.
Ólafur Helgi var bara mjög ánægður með ferðina í alla staði og þakkaði vel fyrir sig.
Hann fær nú alveg rós í hnappagatið frá mér fyrir vel unnin kógarastörf .
Skemmtilegur ferðafélagi og ansi fróður maður á ferð. Hann lærði mikið og sá margt
Takk fyrir mig þetta var bara mögnuð ferð og ansi lærdómsrík….

Agnes á hrós skilið ásamt stjórninni að virkja landsbyggðardeildirnar svona vel og leyfa okkur að taka þátt í þessum merka viðburði.
Þó ég tali bara fyrir mig þá er ég ánægð með starf stjórnarinnar við að gera landsbyggðardeildirnar sýnilegri. Ég veit og er sannfærð um að samstaða sé á milli landsbyggðadeildanna um það mál…
Agnes er að mér vitandi fyrsti formaðurinn sem kemur samstarfi deildanna á kortið.

Eigum við ekki bara annars félagar góðir að veita stjórn klúbbsins næði til að vinna sitt starf í friði og ró og njóta þess sem við getum. Að ferðast saman á hálendinu og njóta náttúrunnar í friði og ró ?
Vera þakklát fyrir vel unnin störf og koma frekar með friðsælar uppástungur ef við viljum breyta eða bæta eitthvað við störf stjórnarinnar.Tölum beint við stjórnarmenn og bendum þeim á… Sleppum þessum leiðindar skítköstum og hnýtingum.
Allir orðnir hundleiðir á þessum endalausu leiðindum. Leiðindin vinna nefnilega ekki með okkur í hagsmunagæslu klúbbsins, og hefur það sýnt sig
–
Þessi ferð var góð og áhrifamikil, allavegna þá sést það í póstinum frá þingmanni okkar að hún vill frekar vinna með okkur heldur en á móti.
Er þá ekki tilgangi ferðarinnar náð ???

Takk fyrir allt
Íris Mjöll