Miðja Íslands

Miðjuferð í vetur.

Nei ekki hefur verið farið að miðjunni í skjóli myrkurs. Heldur á að fara í vetur og setja niður 700 kg stuðlabergstein. Hugmyndin gæti verið að fara malbikið norður og fá skagfirsku félaga okkar til þess að slást í hópinn og koma steininum fyrir. Síðan væri hægt að afhjúpa steininn síðla vetrar þegar sól er kominn hærra á loft og snjóalög orðin betri. Einhvernvegin svona gæti planið verið. Svo er líka málið hver gæti dregið kerru með þetta þungum farmi, en við Þorgeir vorum að hugsa um að nota 49 tommu Fordinn hans Benna formanns. En þá þarf hann að vera kominn af búkkunum upp í Breyti. En það er víst ekkert áhlaupaverk þar sem talið er að hann sé gróinn fastur á búkkanna. Heyrði líka að Benni hefði þurft að kaupa stæðið af Aron, en kannski er það ósatt.

Ætli það eina góða í þessu sé ekki að miðjan er ekki að fara neitt… nei annars! Hún færist víst bölvuð!

Ég hallast að því að miðja formannsins sé uppi á Höfða. Eru það álög á formanninum að jeppamennska hans snúist aðallega upp í að halda verkefnastöðunni uppi á ákveðnu breytingaverkstæði! Voru það mistök hjá klúbbfélögum að Landrover eign var ekki gerð að skilyrði formennsku.
Bara að spekúlera.
Kv – Skúli

LOL já Benni Ég sæi þig alveg fyrir mér keyrandi Landrover 1988 modelið eftir að hafa verið á 500hp Ford. Það gæti….

Það er mikilvægt að þú hafir bara í huga að ég keypti jeppa alveg sérstaklega fyrir miðjuferðina. Það er því, eins og þú sérð, algerlega nauðsynlegt að ég fái að koma með.

Þetta er auðvitað svolítið kyndugt en það má ýmislegt ef maður er að líta eftir kindunum. Því er gott að hafa eina afturí til að láta hlaupa undan bílnum, raunar held ég það væri snjallt að hætta að tala um Setrið sem fjallaskála og fá það skráð sem nýbýli.
Svo á eldri róverum var auðvitað járngrindargrill þannig að það grill var hægt að nota til að grilla.
Kv – Skúli