Microskurður, gagn eða plokk?

Ég lét microskera 44" dekkin hjá mér og finn mikin mun á drifgetu dekkjanna. Græjurnar sem eru notaðar til að skera mættu þó vera þannig útfærðar að maður gæti betur stjórnað hvar maður vill skera og hvar maður vill ekki skera. Hjá mér skar vélin óþarflega nálægt hliðum kubbanna á dekkjunum og þar finnst mér að flipinn hreinlega slitni af.

Ég get nefnt tvö dæmi sem sýna muninn.
Annars vegar ferð á Snæfellsjökul þar sem hálka á jöklinum var verulega mikil alla leið upp á topp. Þá skiptust bílar í tvo hópa; þá sem komust upp og hina sem gerðu það ekki en runnu stjórnlaust út á hlið og urðu að stýra sér til baka niður brekkuna. Þeir sem voru með skorin dekk (alla leið, það er út úr ytri kantinum líka) gátu stöðvað hvar sem er og tekið af stað aftur án vandræða. Tekið skal fram að um sömu bíltegundir var að ræða og sams konar dekkjaskurð.

Hitt dæmið er af fjórum bílum (af sömu tegund). Ókum Þingvallaveg í halarófu í fljúgandi hálku á leið til Skjaldbreiðs. Tekið skal fram að við gerðum okkur ekki grein fyrir því hve hálkan var í raun mikil fyrr en við ætluðum að beygja inn á Gjábakkaveg. Þá hægði fyrsti bíll á sér og beygði inn á veginn án vandræða, hann var með skorin dekk. Næsti bíll (án skurðar) gat ekki hægt ferðina nægilega hratt og hætti við að beygja, sneri við og kom aftur. Næst kom ég (skorin dekk) og tók beygjuna án vandræða. Fjórði bíll (án skurðar) gat ekki beygt og hélt áfram og sneri svo við.

Hvað hljóðmengun varðar, skal ég ekki segja. Ég var á Dick Cepek og fannst þau frábær miðað við Mudderinn sem ég er á núna hvað minna hlóð varðar, en mér finnst rökrétt að álykta að skorin dekk séu mýkri og því hljóðlátari. Hvort greinilegur munur sé á því veit ég ekki. Dekkin hjá mér eru ekki skorin alla leið eins og ég vildi að þau væru.

Öll fólksbíladekk eru skorin (að vísu ekki alla leið), það hlýtur að vera ástæða fyrir því.

Mér skilst að það kosti kr. 5.000 að skera hvert dekk. Er það rétt??!

Að öðru leyti vildi ég að Gráni blandaði sér í þessa umræðu vegna eiginleika skurðarins. Honum ratast oft spakleg orð á munn!

bv

Ástæðan fyrir því að dekkin koma ekki skorin frá framleiðenda er að dekkin sem við erum að nota eru flest hönnuð til aksturs í drullu frekar en snjó. AT405 dekkin eru hönnuð sem snjódekk enda koma þau skorin framleiðenda (ef þau annað borð koma?).

Snjódekkin sem menn nota á fólksbílum eru skorin.

-Einar

Sælir
Ég er nú sá sem hvatti til að þessar vélar yrðu keiptar til landsins
Það er rétt að í "alvöru hálku" þá virkar ekkert nema naglar
Alvöru hálka er þá blautt glærasvell.
aftur á móti ef ísinn er þurr og örlítið hrjúfur t.d. slitinn eftir nagla, þá virkar mikróskurðurinn ágætlega og á þjöppuðum snjó virka mikroskurður betur en naglar því þjappaður snjór rispast auðveldlega af nöglum en þessar mörgu brúnir sem mikroskurðurinn gefur. veldur meira gripi.
Sjálfur var ég alltaf með 300 nagla í hverju dekki sem ég nota á veturna en nú hef ég fækkað þeim í rúmlega 100 og læt svo mikroskera sem mest.
varðandi slit þá er eina marktæka rannsóknin frá Noregi þar sem flutningabílar hjá einu fyrirtæki aka suður alla evrópu. þeir vilja meina að mikroskorin dekk endist ca 20% betur.
Sjálfur hef ég ekki orðið var við mikin mun á sliti en það er ekki að marka það eins og veturnir hafa verið snjóléttir undanfarið, en mín tilfinning er sú að dekkin endist heldur betur en óskorin.
Ekki hef ég orðið var við breytingu á hljóði.
Eitt sem kom á óvart var að dekkin fljóta síður upp í vatni t.d. í stlitrásunum á Keflavíkurveginum
Ástæðan fyrir því að dekk koma ekki míkroskorin frá framleiðanda er að dekkin sem við höfum verið að kaupa eru ekki gerð fyrir snjó heldur drullu (Mudder og Ground hawk) eða sand.
kv.
Freyr