This topic contains 18 replies, has 1 voice, and was last updated by 
-
Topic
-
Sælir félagar, ég er að leita að merki f/ utanvegaakstur bannaður, er það til eða er hægt að nálgast það,,,
veit einhver,,,,,,!kv.Ö-1235/ ASig.
-
Replies
-
Ef þú ert að meina hvort það sé til samkvæmt umferðarlögum eða reglugerð um umferðarmerki þá er svarið að það er ekki til enda er akstur utan vega bannaður skv. náttúruverndarlögum en ekki umferðarlögum.
En það er örugglega hægt að fá merki búið til hjá skiltagerð.
Sælir félagar, ég er aðeins að leita lógó fyrir þetta já eða merkið,
verður notað til að minna á að utanvegaakstur sé bannaður.
semsagt notað í góðum tilgangi.kv. ö-1235/ASig.
Anonymous- Umræður: 0
- Svör: 16404
Sælir.
Við þurfum að sjálfsögðu ekkert merki fyrir aftan eyra eða fyrir framan nef hvort við ökum utan vegar eða ekki.
Við hreyfum alls ekki við gróinni jörð með okkar farartækjum.Kær kveðja SBS ps. Öðru máli gegnir um freðna jörð og snjóakstur.
Hvernig væri nú að hætta að fjalla um "utanvegaakstur" sem eitthvað hrikalega neikvætt og slæmt ?
Stórir hlutar af landinu eru þannig að akstur utan vega skemmir ekki neitt og ætti að heyra undir sjálfsagða landnotkun.Hins vegar eru landspjöll og óþarfa ónæði af völdum umferðar, hvort sem er af völdum vélknúinna ökutækja, manna, eða dýra sem menn sitja ofaná, nokkuð sem við viljum halda í lágmarki. F4x4 hefur lagt þar gífurlega mikið af mörkun undanfarna áratugi.
Ofstækisöfl sem virðast berjast gegn því að aðrir en þeir sem eru fullfrískir og á besta aldri geti notið óyggðanna, hafa hins vegar tekið rangnefnið "utanvegaakstur" upp sem orsakavald allra landspjalla.
Fullt af velviljuðu fólki sem þó þekkir illa til, lepur þetta ólánsorð upp hvert eftir öðru í þekkingarleysi sínu, okkur jeppaferðamönnum til stórskaða.
Það sem við getum gert að er að útskýra alltaf þegar tækifæri gefst muninn á "landspjöllum vegna umferðar utanvega" og "utanvegaakstri".
Á meðan lögin eru eins og þau eru er ekki gerður greinarmunur á akstri utan vega hvort hann valdi landsspjöllum eða ekki. Hann er bannaður. Náttúran er látin njóta vafans. Síðast innlegg finnst mér vera afturför í málflutningi klúbbsins eins og ég hef skilið hann á síðustu 20 árum.
Það er mikið til í þessu sem Snorri er að benda á Óli. Núna er allur akstur utan vega og slóða bannaður og ólöglegur, en það á bara ekki alltaf við, og menn ættu að forðast einstrengislegar reglur.
Eitt lítið dæmi.
Á veturnar og þegar lítið er í ám í Þórsmörk, þá fara touristabílastjórar á jeppum mjög gjarnar yfir Markarfljót og yfir í Fljótshlíð. Þetta er klárlega utanvegaakstur og ólöglegur. Allir hljóta þó að vera sammála um að ekki er nein hætta á nátturuspjöllum og þetta skaðar landi ekki á nokkurn hátt, þótt það megi kalla þetta utanvegaakstur. Þetta er bara eitt lítið dæmi um oftúlkun á utanvegaakstri.
Góðar stundir
Ég lít svo á að lög sem banna "akstur utan vega" séu ólög og slys að þau séu til eins og þau eru.
Eins og Hlynur bendir á er útilokað að framfylgja þeim og slík lög eru ekki góð.Annað sem ég er að gagnrýna er að umræðan og lögin snúist bara um "akstur" en ekki alla umferð.
Í þeim tilvikum sem spjöll eru unnin skiptir engu hvort þau eru af völdum vinnuvéla, gönguskóa, hesthófa eða hjólbarða.
Því er rangt að klifa sífellt á einum þessara þátta (hjólbarða) og til þess eins fallið að sverta ímynd jeppaferðamanna.Tek fram að ég skrifa hér sem einstaklingur enda ekki í forsvari fyrir F4x4.
Það má alltaf deila um hvort lögin eru góð eða ekki en á meðan þau gilda er bara ein lagaregla.
Hún er hins vegar ekki án undantekninga og það eru undantekningarnar sem gera túlkanir flóknar. Í reglugerð eru nefnilega gerðar undantekningar fyrir verktaka, bændur, rafmangsveitur og fleiri. Slíkar undantekningar hafa leitt til þess að maður á krossara var sýknaður af ákæru fyrir akstur utan vega þar sem hann bar fyrir sig að hafa verið í smalamennsku.
En þótt reglan sé einstrengingsleg, eins og þið segið, þá hefur verið ómögulegt að framfylgja henni svo að þið getið rétt ímyndað ykkur hvernig færi ef túlkun reglunnar væri háð mati hverju sinn.
Verð að segja að ég er nokkuð sammála Óla Hallgríms í þessu. Það verður ekki litið framhjá því að það er víða hægt að finna skemmdir af völdum utanvegaaksturs, en það er ekkert víst að þegar utanvegaaksturinn fór fram hafi það verið svo skýrt að hann muni valda skemmdum. Hjólför eftir jeppa á mjóum dekkjum (eða torfæruhjól sem eru kannski stóra vandamálið núna) sem sjást kannski lítið í upphafi geta myndað vatnsrás sem með tímanum grefur sig og verður bara ljótara og ljótara með hverju ári. Eru allir jeppaeigendur sem aka um landið í stakk búnir til að meta hugsanleg áhrif af akstri sínum? Ég held ekki þó ég sé nokkuð viss um að bæði Hlynur og Snorri hafi þokkalega góða innsýn í þetta og viti hvað mögulega geti valdið skemmdum og hvað ekki. Þess vegna þurfa lögin að vera skýr. Hins vegar er alveg rétt sem Hlynur segir að ef þessum lögum er framfylgt með orðhengilshætti lokast ýmsir möguleikar og akstur yfir Markarfljót er ágætt dæmi um það. Akstur á áraurum eins og þar er veldur klárlega ekki skemmdum, ég veit ekki hvort hægt sé að leysa þetta með einhverju undanþáguákvæði eða hvernig sé hægt að taka á því. Með orðhengilshætti væri raunar hægt að leggja þetta þannig út að bannað sé að fara yfir ár þar sem fært er hverju sinni heldur verði að fylgja ákveðinni línu jafnvel þó hættuminni leið sé rétt hjá. Ég hreinlega lít svo á að það að leita sér að vaði sé ekki utanvegaakstur og væri til í að koma fyrir dóm og verja það, en raunverulegan utanvegaakstur er ekki hægt að samþykkja.
Snorri, reglugerðin um takmarkanir á umferð í náttúrunni inniheldur ýmislegt fleira en reglur um akstur, meðal annars grasmótoraumferð. Ég hef séð stóð grasmótora breyta grasi vöxnum dal inni á hálendinu í svað þannig að það er full ástæða til að hafa líka skýrar reglur um slíka umferð og reyndar hefur mér sýnst að hestamenn hafi tekið talsvert til í sínum hóp, LH er ágætlega meðvitað um þetta. Hættan á skemmdum af völdum þeirra er talsvert annars eðlis en jeppanna. Hófar með járnskeifu stíga ekki beint létt til jarðar og tæta upp grassvörðinn ef hann er veikur fyrir. Á hinn bóginn er ekki þessi hætta á myndun vatnsrása af þeirra hálfu.
Kv – Skúli
Rétt er að við verðum að lifa með þeim lögum sem gilda. Ég hefði þó kosið að sjá lög sem gæfu svigrúm til löglegrar umferðar utanvega þar sem engin landspjöll geta orðið. Tek þó fram að ég styð ekki landspjöll af völdum umferðar utanvega og hef barist gegn þeim með öllum mætti allt frá stofnun F4x4.
Nú er í gangi mikil vinna við skipulag á hálendinu og mikil umræða í gangi, stundum heldur öfgakennd gegn okkur. Í þeirri umræðu nota menn almennt misleiðandi orðalag um landspjöll af völdum umferðar utanvega, eins og t.d. "akstur utanvega".
Þetta orðalag er villandi fyrir þá fjölmögu sem vilja bæta umhverfis sitt en þekkja ekki nægilega til á hálendinu. Búið er að innprenta ranglega hjá þessu annars velviljandi fólki að akstur utanvega sé undirrót alls sem aflaga fer á hálendinu.
Ég legg því til að menn temji sér frekar að tala um hlutina eins og þeir eru, það er "landspjöll af völdum umferðar", frekar en taka eina gerð umferðar út eins og um eina sökudólginn sé að ræða.
[quote:3infh0g2]Sælir félagar, ég er að leita að merki f/ utanvegaakstur bannaður, er það til eða er hægt að nálgast það,,,
veit einhver,,,,,,!kv.Ö-1235/ ASig.[/quote:3infh0g2]
Sæll Albert
Ég hef ekki fundið neitt ákveðið merki sem segir að utanvegaakstur sé bannaður. Þekki ekki að slíkt sé til.
En það eru til skilti sem Ferðaklúbburinn hefur sett nafn sitt við. Annarsvegar er til fræðsluskilti , stærðarinnar bákn sem við kvittum undir ásamt fleirum. Hinsvegar er smáskilti sem Ferðaklúbburinn 4×4 og Mótórhjólafólk hefur staðið fyrir.
Svo er auðvitað til umferðamerki sem segir allur akstur bannaður, en þú ert væntanlega ekki að leita að því.
Set inn pdf. sem sýnir myndir af skiltunum.Kveðja Didda í umhverfisnefnd
[attachment=0:3infh0g2]Skilti og 4×4.pdf[/attachment:3infh0g2]
Sæl Didda og aðrir félagar, nei þetta er ekki alveg að hitta í mark,,
en tilfellið er að ég er að opna bílaleigu og þarf að hafa eitthvað nettara merki já eða betur grípandi,
jú þetta verður mest erlendir gestir sem munu versla við okkur, þannig þessvegna vildi ég hafa eitthvað
nettara merki eða logo.
en samt þúsund þakkir,,,,,,,, veit ekki um strákana en vonandi eru þeir hættir að rífast við þessa spurningu mína.já þessi slóð að mbl.is, gét ekki opnað þetta,,,,,,!
kv.ASig/ö-1235
Hér eru linkar á efni fá samráðshópi um utanvegaakstur.
Ég er viss um að þú megir nota þetta, en þetta er gert í samráði við bílaleigur.
Þú getur lika haft samand við Ásgeir hjá UST asgeirb@umhverfisstofnun.is varðand prentað efni ofl.kveðja Dagur
[url:k282gzux]http://sites.google.com/a/ust.is/utanvegaakstur/baeklingur/Utanvegaakstur2009.pdf?attredirects=0&d=1[/url:k282gzux]
[url:k282gzux]http://sites.google.com/a/ust.is/utanvegaakstur/styrispjald–bilaleigur/St%C3%BDrispjaldme%C3%B0UVAfr%C3%A6%C3%B0slu.jpg?attredirects=0&d=1[/url:k282gzux]
Sæll Agnar
Fyrri bæklingurinn sem Dagur bendir á er góður og ritaður á 4 tungumálum (Ísl, ensk, fransk, þýsk). UST hefur verið að afhenda og dreifa þessum bækling – síðast þegar ég vissi var ekki mikið eftir af þeim.Stýrispjaldið er auðvitað ómissandi í bílaleigubíla… er flott. Á vef vegagerðarinnar stendur m.a. um upplýsingaspjöldin …Útbúin hafa verið upplýsingaspjöld vegna séríslenskra umferðarmerkja sem sérstaklega eru ætluð bílaleigum. Kynnt eru merkin „malbik endar“ „einbreið brú“ „blindhæð“ og fleiri tákn sem ekki eru almennt notuð í Evrópu. Spjaldið er á ensku, frönsku og þýsku. Því er komið fyrir á stýri bílaleigubíla sem bíða eftir næsta leigutaka þannig að það blasir við þeim sem sest undir stýri. Spjaldið er gefið út í tveimur mismunandi útgáfum þar sem bakhliðin er mismunandi fyrir fólksbíla og fjórhjóladrifsbíla. Bakhliðin sýnir Íslandskort með tilmælum frá bílaleigum um hvar á hálendinu sé ekki æskilegt að aka fólksbílum annarsvegar og venjulegum jeppum hinsvegar.Það er Sjóvá, Samtök ferðaþjónustunnar SAF og Vegagerðinsem standa að útgáfu spjaldsins. Stærstu bílaleigufyrirtækineiga að hafa fengið spjöldin send frá Sjóvá en minni fyrirtæki geta nálgast þau hjá Vegagerðinni.
Annað mál er, að ég næ heldur ekki í greinina á mbl. – eftir uppgefinni slóð – en þegar ég googla lykilorð þá fæ ég greinina hans Skúla ….á sömu slóð og ég setti inn í fyrra viðhengi. hahaha tær snild
kveðja Didda
læt greinina fylgja en ég sótti hana á mbl og vistaði á pdf.[attachment=0:1klw9sgt]Fréttaskýring frá Skúla.pdf[/attachment:1klw9sgt]
[quote="gulur":14ao06pf]Sælir félagar, ég er að leita að merki f/ utanvegaakstur bannaður, er það til eða er hægt að nálgast það,,,
veit einhver,,,,,,!kv.Ö-1235/ ASig.[/quote:14ao06pf]
Sæll Gulur
Það er ekkert mál að búa til svona merki handa þér.
viltu fá þetta á skilti þá ?
bjallaðu bara á mig
MerkiVerk – Bjarki 8204133
Takk fyrir félagar,,,,
búin að skoða þessi mál aðeins, held að við skoðum þetta hjá honum Bjarka í Merkiverk betur,,,,,,
verð í bandi við þig Bjarki, takk fyrir.kv.ASig/ö-1235.
Ekki er þetta utanvegarakstur þetta er eftir göngufólk ekki tala um það[attachment=0:3oqx6jj9]DSC00068-filtered.jpg[/attachment:3oqx6jj9]
Ég rak einmitt augun í það sama þegar ég fór þessa leið. Þetta er eins og rýtingur í augun á manni og spurning hvort ekki þurfi að vernda fimmvörðuháls fyrir ágangi göngumanna.
http://picasaweb.google.com/stefgud/200 … 0752485794
Reyndar vil ég ekki gera upp á milli ferðahópa og fljótt á litið gæti maður haldið að þetta væru för eftir mótorhjólamenn en þetta er eftir stóð af eins hestafla grasmótorum.
http://picasaweb.google.com/stefgud/200 … 4480149506
Og smá samanburður á hóffari og strigaskóm nr. 39.
http://picasaweb.google.com/stefgud/200 … 0014850290
You must be logged in to reply to this topic.