This topic contains 31 replies, has 1 voice, and was last updated by 
-
Topic
-
Í framhaldi af umræðu um æfingaakstur fór ég að spá í því hvort eðlilegt sé að 17 ára einstaklingur hafi heimild til að keyra 44´´ jeppa? Sjálfur þykist ég hafa nokkra reynslu á akstri 44 bíla og þar að auki hef ég keyrt um á langferðabifreiðum og öðrum stærri ökutækjum. Ef við miðum saman 50 manna rútu og 44´´ Patrol þá er í flestum tilfellum auðveldara að hafa stjórn á rútunni heldur en Patrolnum. Ég tel nokkuð víst að menn hér á spjallinu geti verið sammála um það að akstur jeppa er hreint ekki auðveldur og er ég eiginlega á því að allt fyrir ofan 38´´ dekkjastærð ætti að vera meiraprófsskylt.
Í grunnbílprófi í dag er hreint ekkert kennt og svo ég tali fyrir mig breyttist aksturslag mitt eftir að ég hafði tekið meiraprófið (í það minsta um stundarsakir). Það er mitt álit að akstur stórra jeppa krefjist þess að maður hafi lært eitthvað um akstur stórra bíla!
Sennilega eru margir á móti þessu eins og þegar bílprófinu var breytt þannig að það þurfti meirapróf á stóru Fordana en ég held að það sé einfaldlega mjög rökrétt að hafa þetta þannig.
Kv. Davíð
-
Replies
-
Það eru 2 atriði sem ég gleymdi að minnast á.
Mér finnst að þegar krakkar sem eru að fá bílpróf, og eru að mæta í ökuskóla og ætla svo að fá sér Æfingarakstur borðann til að geta keyrt bílinn hjá mömmu og pabba.
Mér finnst að foreldrarnir eigi að vera skildugir til að mæta í ökuskólann með krökkunum, bara uppá að fá endurmenntun í hvernig umferðalög eru og reyna að kenna þeim rétt frá grunni.Það er alltof mikið um það að krakkarnir fá Æfingarakstursborða, fara að keyra með foreldrunum og eru þau að taka upp helling af ósiðum í umferðinni vegna þess að leiðbeinandinn hefur ekki vit fyrir því að leiðbeina.
Aldurinn vil ég fá hækkaðann, betri kennslu, fá æfingarbraut til að sjá hvernig þau bregast við hættum.
Svo er eitt sem að hefur alveg gleymst í umræðunni um ökuréttindi. Það er alveg hellingur af fólki þarna úti, sem fór aldrei í ökuskóla, hellingur sem að er ekki með ökuréttindi en keyrir samt, hálf blint og engann vegin hæft til aksturs.
Pabbi og mamma mín fóru hvorug í ökuskóla, og þeim var ekkert kennt. Pabbi mætti í ökuprófið á sínum tíma, og allt prófið var það að bakka bifreiðinni yfir plan og í stæði.
Það er hræðilegt að hugsa til þessa, að slíkir einstaklingar hafi próf.
Og mér finnst líka að það eigi að gera enn ríkari kröfur með læknisvottorð, að vera með meira en góða sjón.
það er grátlegt að vita af því og þurfa að segja frá því að ekki eru allir ökumenn sem hafa það markmið að keyra ekki á og láta ekki keyra á sig.
ég hef heyrt um það rætt meðal ónefndra bílabraskara á ýmsum aldri að ein ákveðin gata í grafarvogi sé tilvalinn í að lenda í árekstri í rétti ef maður vill fá t.d réttingu og sprautun útúr tryggingunum af því að bíllin var kominn með svo margar hagkaupsbeygglur sem annars fást ekki bættar. þessi gata hefur engar biðskyldur aðeins hægrireglur, og ótrúlega margir ökumenn kunna ekki hægriregluna. þetta hafa menn notfært sér á óheiðarlegan og stórhættulegan hátt.
Þegar svona hlutir eru í umræði detta menn alltaf í "ég" gírinn sbr. "ég kann ekki að keyra í hringtorgum á Íslandi samt….".
Að mínu viti snýst þetta ekki um hvað menn hafa komist upp með í umferðinni heldur hvernig hægt er að bæta umferðina til framtíðar. Breytingar ná oftast ekki aftur í tímann og þar af leiðandi eru allar núverandi "tímasprengjur" í umferðinni hólpnar.
Það kom fram hér fyrr að menn séu að fara í gegnum meirapróf án þess að læra nokkurn skapaðan hlut. Þegar ég fór í meirapróf vildi ég hafa eitthvað gagn af því þar sem það var ekki gefið þá að taka þetta próf og er sannarlega ekki ódýrara í dag. Þannig geri ég ráð fyrir því að það sé undir mönnum komið hvort þeir læri eitthvað eða ekki.
Að sjálfsögðu er engin krafa um það að menn taki allann pakkann til þess eins að geta keyrt bíl yfir 3,5 tonnum og það yrði ekki krafa með jeppa heldur þar af leiðandi er þetta 300.000 króna tal skot upp í loftið.
Það er vandi að aka 44" jeppa sem og öðrum bílum á stórum dekkjum. Þeir kastast til í hjólförum, hafa annann beygjuradíus og aðra bremsueiginleika. Við að taka meirapróf lærir maður ekki endilega að bregðast við því sem maður lendir í á 44" jeppa en maður lærir að hugsa stærra (allavega þegar ég tók prófið) og það er það sem málið snýst um.
Ef að ég kem að bílprófsaldrinum sjálfum tel ég 17 ára ungling ekki vera færan um að keyra stóran jeppa. Ef að við gefum okkur það að bílprófsaldurinn haldist óbreyttur væri þjóðráð að binda blessaða krakkana við fólksbíla og hafa þá þar fyrst um sinn. Það er hreint ekkert skemtilegt fyrir þau en þetta snýst ekki allt um skemtun.
Kv. Davíð
Það er ekki hægt að bæta umferðina með því að kenna fólki meiri umferðareglur sem það kann fyrir. Umferðareglur eru jú bara heilbrigð skinsemi, ef svo er ekki er eitthvað að umferðareglunum.
Anonymous- Umræður: 0
- Svör: 16404
ég get sagt það að kennslu í umferðarreglum er EKKI ábótavant, hinsvegar er kennslu í því að bregðast við í neiðartilfellum mjög ábótavant og hef ég persónulega á þessu tæpa ári sem ég hef haft "prófið" oftar en ekki bjargað mér með aðferðum sem maður hefur kunnað frá því maður var lítill forvitinn gutti sem spurði vörubílstjórann pabba sinn að öllu milli himins og jarðar sem tengdist akstri. en það er aðeins eitt sem ég lærði af ökukennaranum mínum og það er að gíra niður brekku í hálku en ekki að bremsa, meira var það nú varla sem ég lærði á þeim bænum.
Ég hef það oft á tilfinningunni að það sé talið til mannréttinda að hafa bílpróf á Íslandi en geta og hæfileikar til að aka bíl sé ekki talin nauðsynleg.
Ég nennti nú ekki að lesa alla póstana, finnst mönnum ekkert asnalegt að 17 ára unglingur geti sest upp í 400 hestafla camaro svo að við tökum nú dæmi???? hann er alveg jafn hættulegur öðrum á svoleiðis kerru eins og ef hann væri á 44" jeppa, það er ekki á færi hvers unglings að ráða við svona trillitæki, þetta er í rauninni bara galli á kerfinu… vilja menn þá ekki líka setja meirapróf á +200 hp líka?? þetta eru allt miklar pælingar og það er langt frá því að allir séu sammála.
nefni eitt skelfilegt dæmi með öflugan sportbíl í vitlausum höndum, það var í kastljósinu áðan…
held að það þurfi að ritskoða þessar blessuðu reglugerðir…
Það vantar nú ekki að margar skoðanir hafa komið fram á þessum þræði og það er bæði gagnlegt og nauðsynlegt. Það verður þó að segjast eins og er, að sumt bregður kannski ljósi á það af hverju menn brjóta lög og reglur vísvitandi og ekki orð um það meir. Það er auðvitað ekki til nein ein lausn á vandamálum sem umferðin skapar. Þarna þarf margt að koma til. Það má nefna aukna fræðslu, byrja hana fyrr og hafa markvissari, betri og meiri ökukennsla, auknar kröfur til ökukennara, æfingabrautir, þar sem fólki er kennt að bregðast við hættulegum aðstæðum, ef til vill hækkaður bílprófsaldur, ég er þó ekki nógu sannfærður um það atriði, nú og svo önnur atriði eins og það til dæmis sem bent er á hér að framan, að það þarf að kenna fólki að höndla bifreiðir með gríðarlega öflugar vélar, sem og þá bíla sem eru vandasamari en aðrir, svo sem eins og mikið breyttir jeppar. Umfram allt þarf að breyta hugarfari okkar allra. Það er ekkert sérstaklega "cool" að aka án sætisbelta, né heldur að aka á meira en 120 km hraða á vegum sem eru hannaðir þannig, að erlendis eins og t.d. í Þýskalandi yrði settur á þá 80 km hámarkshraði eins og þeir þekkja sem þar hafa ekið. Enginn er eyland og við erum ekki ein í umferðinni, við berum ábyrgð gagnvart öðrum sem á vegunum eru og þar geta komið upp aðstæður, sem gefa ökumanni á 120 km/klst. og upp úr nánast engan tíma til að bregðast við, hvað klár sem viðkomandi er.
Anonymous- Umræður: 0
- Svör: 16404
jæja alveg er þetta otrulegt þegar menn byrja að tala um tollana á pikkup bilum þeir geta blandað tollunum inní allar umræður. 3.5tonn ????????
eg veit að það eru margir jeppar yfir 3,5tonn sem folk horfir a sem minnaprófsbilar…. td patrol 44" breyttur fullur af folki oliu og öllu sem þarf til fjallaferða er komin yfir 3,5 tonn og finnst mer þá sjalfsagt að folk nai ser i meiraprof til að keyra þá margar björgunarsveitir gera nu kröfu um að bilastjorar hafi meiraprof vegna þess að það er buið að VIGTA þessa bila og þeir fara yfir 3,5 tonn.
Ég hef keyrt marga breytta bila á fjölmorgum dekkjastærðum og get sagt það með goðri tru að það getur hver sem er keyrt þessa bila herna á malbikinu og oftar enn ekki er betra að keyra þessa jeppa eftir breytingar…….. það er ekki billinn heldur ökumaðurinn sem gerir hann hættulegan skoðið slysatölur það eru ekki 17 ára krakkarnir sem eru að lenda i alvarlegustu slysunum heldur 18-19 og uppúr og fæstir þessara krakka eru a breyttum jeppum.
maður er komin með uppí kok af gömlum hrútafýlum sem vilja banna öllum allt því það se svo hættulegt enn sjalfir þykjast manna bestir held eg að menn ættu aðl lita i eigin barm og skoða hvort þeir geti lagað eitthvað hjá sjlafum ser…….. ökukennarinn minn ur meiraprofinu sagði mer að fæst fullorðið folk gæti náð boklegu bilprofi an þess að lesa vel fyrir,,,,,,,,,,, hvernig væri þá að ALLIR taki bilprof á 1-2 ara fresti??????? þá myndi heyrast eitthvað i mönnum
kv mikki
Þetta snýst náttúrulega ekki beinlínis um mælda þyngd, heldur leifða heildarþyngd.
Fatta reyndar ekki hvernig Patrol á 44" dekkjum getur átt 476 kg (68 kg fyrir hvern farþega) eftir upp í 3500 kg en það er sjálfsagt til skýring á því.
Fullhlaðinn svoleiðis bíll er vitaskuld meira en það þýðir ekki að það þurfi meirapróf á hann, heldur er hann ólöglegur á götunni, burtséð frá því hvaða ökuréttindi bílstjórinn er með eða ekki. Um leið og bíllinn fer yfir skráða heildarþyngd er hann ólöglegur og það vita flestir hvað gerist ef maður lendir í óhappi á ólöglegum bíl – maður er F**ked.Kv.
Einar Elí
Þyngdarseðla og aðrar pælingar tengdar þyngd Patrol skal ekki ræða á opinberum vetvangi!!
–
En svona til að spara okkur vinnuna með bílprófin þá eru hinir regluglöðu frændur okkar, Norðmenn, með reglugerðir sem takmarka réttindi ungra ökumanna. Við getum bara gert þær reglur að okkar eins og venjulega.
You must be logged in to reply to this topic.