Með mæli á VHF handstöð

Þegar ég las fyrirsögnina var ég að velta fyrir mér hvort þú ætlaðir að setja mæli á stöðina. 😀

Handstöð með útiloftneti getur verið nánast jafngóð og bílstöð sé loftnetið staðsett á góðum stað.

En að alvöru málsins, þegar maður verslar stöðvar að utan verður að gæta þess að þær séu innan þess tíðnisviðs sem við Íslendingar notum.

150-170MHz væri svona nokkurnveginn innan marka fyrir flest.

Svo verður að reikna dæmið algjörlega til enda, gera ráð fyrir flutningsgjöldum, aðflutningsgjöldum, vask og fleira.
Það er ekkert endilega víst að þú endir í miklum plús. Einnig má athuga með að versla frá Bretlandi, eða evrópu, þar sem það þarf ekki að vera dýrara þó evran sé hærri en dollarinn. Vegna verndartolla.
Þá er einnig nokkuð öruggt að enda á réttum tíðniböndum.

Svo verður að passa að þeir einir sem hafa til þess leyfi mega flytja inn og nota Amatörstöðvar, og þær stöðvar virka að öllu jöfnu ekki á því tíðnibandi sem 4×4 tíðnirnar eru á.

Commercial stöð væri því eitthvað sem þú myndir vilja leita að.
Ég persónulega er mjög hrifinn af Icom, en verð að viðurkenna að Standard Horizon stöðvar eins og HX370 eru mjög verklegar. En það segir lítið um hvort allar stöðvar frá þessum framleiðendum séu endilega góðar. Ég mæli með að leita upplýsinga um hverja stöð og lesa vel umsagnir um þær. Það er leiðinlegt að panta rándýra stöð og enda með eitthvað drasl því ekki var farið nægilega ofan í saumana um ágæti þeirra.

Ég myndi amk kanna vel verð á talstöðvum, gæði þeirra og aukabúnað áður en þú ferð að panta erlendis frá.
RSH/N1 og Hátækni eru með Yaesu, Vertex Standard og Standard Horizon.
Múlaradió er með Maxon handstöðvar,
Man ekki hvort Nesradió séu með TAIT handstöðvar (man ekki til þess að hafa séð það) en það getur vel verið, athuga það einnig.
Radíóraf hafa verið með Kenwood.

Einnig að hafa í huga að sumir selja hleðslutækin sér, en aðrir eru með þau innifalin í verðinu. Því verður að kanna þetta allt saman vel.

Gangi þér vel.

kkv, Samúel Úlfr þór
E-1851