Máttleysi í hilux!!

Sæll Bjarmi

Viltu prófa máttlausari Hilux 2,4 bensín sem blotnaði hressilega ??? Þér líður örugglega betur á eftir og verður í skýjunum með díselinn þinn : ) Kíkt í heimsókn.

p.s. Var ekkert ferðast um páskana ?

besta leiðin er að kaupa 5L í P.Samuelsyni fer eftir árgerð vélarinnar sem þú ert með hvað það kostar mikið en þú ættir að sleppa með 700.000 ert þá kominn með 2986cc vél sem þú slakar niður og plöggar í samband

Sæll Bjarmi!!….

Heyrðu…ég færi ekki að fá mér nýja vél í Toyota fyrir 700.000:- ……Það er ódýrara að fá sér túrbó og kælir við þessa sem þú ert með þó svo að þú þurfir að taka vélina upp og setja sterkari hluti í hana um leið….

Ef þú ert í alvöru að spá í Túrbó intercooler…og ert til í að setja smá pening í það til að fá hlutina til að virka …þá myndi ég tala við Ísleif hjá TÚRBÓ EHF, hann er snillingur þegar kemur að þessu með túrbó í jeppa og aðra bíla…..og hann veit hvað hann er að gera.

Það eru því miður ekki allir sem vita það þó svo að þeir vilji halda því fram.

Kv
Snake

vandin er að henda ekki bara hvaða blásara sem er við þetta þá fer allt til fjandans á svon 25-50 þ km!!

Málið er að það má ekki blása of mikið inn á þetta gamladót þar sem það er með þokkalega há þjöppu fyrir.

Menn hafa verið að setja litlar túrbínur við þett og svo ventil sem hleipir framhjá í ca 7-8 pundum.

þá færðu aflið strax inn þar sem l´til túrbína kemur fyrr in en stærri á móti má hún ekki blása of mikið því vélin þolir það ílla.

Velja skinsamlega túrbínu í upphafi sem ódyrt er að fá í!!

Ég myndi tala við þá í Í Erlingson Tranarvogi eða rinhverstaðar þar, þeir hafa verið á kafi í þessu.

E.Har

Sæl Soffía.

Heyrðu, þeir eru alveg loppnir Patrol mennirnir – ég er alveg bit. Maður hélt að það kæmu nú einhver viðbrögð frá þeim sjálfum þegar maður smellir svona svívirðu í loftið, en þeir eru alveg dauðir karla greyin, það heyrist ekkert frá þeim. Eru þeir nú búnir að gera ykkur "íshúsfókið" að málsvara sínum???

Svona tegundarstælar geta verið ótrúlega skemmtilegir (í góðu að sjálfsögðu), en félagar í vesturlandsdeildinni eru stöðugt með tegundaáróður. Þeir voru svo höfðinglegir að bjóða mér í mat á Skógum sl. föstudag, en ég var lítið spenntur í fyrstu. Eftir að hafa hringt í mig nokkrum sinnum og látið ýmsar athugasemdir um Toyið mitt fjúka (svo sem hvort ég treysti mér ekki einbíla yfir Hellisheiðina…, allt væri óhætt þar sem þeir vissu af patrol sem kæmi síðar og hann væri búinn að lofa að aðstoða mig… og fleira í þessum dúr), hreinlega varð ég að drattast af stað til að bjarga sjálfsímyndinni (og sé alls ekki eftir því, enda hörkusteik í boði).

Svona karp er því til margra hluta nytsamlegt, sé því rétt beitt…

Ferðakveðja,

BÞV

Sælir aftur!

Heyrðu…bara til að taka af allan misskilning þá vil ég benda á það að Í. Erlingsson er ekki lengur með snillingin heldur er Ísleifur Erlingsson búinn að opna nýtt fyrirtæki sem heitir TÚRBÓ ehf og er það staðsett að Lynghálsi 12.

Þetta er nýja fyrirtækið hans og á hann það sjálfur. Hann var minnihluta eigandi að Í. Erlingsson, en er nú kominn undir eiginn væng að öllu leiti.

Það er bara að hafa samband við manninn og sjá hvað hann getur gert við jeppan hjá þér.

Kv
Snake

Ég held að flestir séu búnir að ná því að það sé til fyrirtæki sem heitir Túrbó og Ísleifur sé með það…

Hlynur R2208

(ps Patrolmenn og konur ferðast um páska en eru ekki í steikarveislum eins og Toy eigendur)

Blessaður Björn, þetta með að finna veginn kemur bara frá toyotu mönnum. Þið þurfið hreinlega að hafa veg þar sem þið farið sbr. för þína austur yfir fjall að hitta fjallamenn.
Við hinir keyrum bara utanvega í bili.
Sjáumst á fimmtudaginn í mörkinni

Ma ma ma, maður er bara streinhættur að nenna að vaka fram eftir til að móttaka viskuna frá spjöllurum…. Af hverju koma ekki fleiri ferðasögur eftir heila páskahelgi???

Sæll annars abv. Í minni sveit voru svona máttlausir olíubrennarar oft kallaðir "moðsuður" (fyrir þá sem ekki vita, þá er moð óétið og ónýtt hey (stundum blandað skít)sem tekið er frá skepnunum, þ.e. úr görðum eða af fóðurgangi og gjarnan brennt – brennur illa, en logar lengi í því, stundum í marga daga eða vikur).

Annars tek ég undir með þér; það er vel hægt að ferðast á þessum 2,4L Toyotum án túrbínu, en mikið djöfull átti maður samt heiminn þegar konan samþykkti að splæsa í hárblásara á hana líka…!

Væntanlega hafa allir heyrt söguna af forstjóranum sem hafði hlustað lengi á BENNA í B.B. lýsa því hve milligírar væru flottar græjur og ótrúlegt hve hægt bílarnir kæmust með þessum búnaði. Hann sagði einfaldlega eftir langa umhugsun í eigin skilningsleysi: "Af hverju leggja menn ekki bara svolítið seinna af stað…???"

Farinn að sofa. Ferðakveðja í draumalandið.

BÞV