This topic contains 7 replies, has 1 voice, and was last updated by 
-
Topic
-
AnonymousFundurinn var áhugaverður og góður og skemmtileg nýbreyttni að vera með pallborðsumræður, einnig var áhugavert erindi um jökla og annað erindi um gerfihnattarsíma. Flott Skúli og Emil
-
Replies
-
Þetta var fínn fundur, þó svo að mér hafi þótt svörin hjá Kjartani um Kjalveg heldur rýr og lítið á þeim að græða annað en sú vitneskja að þeir eru ekkert búnir að hugsa um þennan veg af neinu viti.
Erindið um Jökla var hins vegar mjög fróðlegt og það þarf endilega að fá framhald á því um sprungurnar.
Benni
það var áhugavert jökul erindið. Og fannst okkur sem vorum á Vatnajökli, sérstaklega áhugavert þegar við vorum fræddir um sprungusvæðið við Vestari Svíahnjúk. En við vorum einmitt að aka það yfir um daginn og renndi mér í grun að það væru sprungur en sagði við sjálfan mig, ja ég læt bara vaða þarna yfir og svo létum við allir vaða. Já svona er þetta bara.
Já Benni satt segir þú, þetta er nú með ólíkindum þar sem þetta er nú ekki fyrsti kynningarfundurinn þeirra, að þeir séu ekki komnir lengar með hugmyndir sýnar. Eiginlega ekki annað hægt en að vorkenna þeim. En hvað Pál í Fannborg varðar þá held ég að það sé auðveldara fyrir hann að kaupa sjoppu í bænum en að standa í þessu veseni að fá kúnnana upp í Kerlingarfjöll. Það er svosem hægt að segja margt um þetta mál, en málstaður þeirra Norðurvegsmanna er ansi veikur, en engu af síður þurfa menn að halda vöku sinni.
PS vill stofna hóp um kaup eða fóstra Sprengisandsleið áhugasamir sendi póst á rotta@this.is
Sammála því að það er býsna merkilegt að menn séu tilbúnir að leggja hlutafé í svona fyrirtæki án þess að að því virðist gera einföldustu útreikninga á hvort hugsanlegur möguleiki sé á að þarna sé einhver arðsemi. Eik setti fram þarna mjög einfalda útreikninga sem sýna að bara til að standa undir fjármagnkostnaði þurfi veggjöld að vera 3000 kr. og það raunar þó byggt sé á bjartsýnustu útreikningum um notkun og reyndar líka horft framhjá þeirri staðreynd að talsvert marga daga á ári hlýtur þessi vegur annað hvort að vera lokaður eða lítt fýsilegur kostur þeirra sem þurfa að fara norður. En svona langt er undirbúningsvinnan ekki komin.
Reyndar eru 20 millur skiptimynt á þessum fjármagnsmarkaði, svona álíka og 2000 króna hlutafélagið sem ég lofaði Ofsa í Sprengisandsfyrirtækið. Ég vil reyndar skilyrðisbinda það hlutafjárloforð og krefjast þess að slagorð fyrirtækisins verði VVV eða ‘Verndum Vonda Vegi’. Kannski setti KEA og þessi fyrirtæki hlutafé í þetta bara upp á húmorinn, þeim hafi bara þótt þetta svo fyndið!!!
Kv – Skúli
er það til á prentformi, komst ekki á þennan áhugaverða fund í gær.
Ofsi – er þetta ekki spurning um að stofna VVV ehf – Ég skrái mig fyrir hlut….
Benni
Hlutafélagið var reyndar stofnað utan um Stórasandsveginn. Þar eru mikli meiri möguleikar á styttingu og því meiri líkur á arðssemi. Hins vegar varð andstaðan meiri en menn áttu von á, bæði frá hagsmunaðilum (sjoppu eigendum ofl.) í Norðvestur kjördæmi og af umhverfis ástæðum. Frekar en að leysa upp félagið upp, snéru þeir sér að Kjalvegi. Þar er hinsvegar miklu erfiðara (útilokað) að fá arðsemisdæmið til þess að ganga upp.
Útfærslan sem Kjartan sýndi, þar sem farið er yfir Bláfellsháls og núverandi brýr yfir Hvítá og Seyðisá notaðar, styttir leiðin milli Reykjavíkur og Akuryerar um c.a. 30 km. Breytingar á hringveginum með því að sleppa sjoppum í Borgarnesi, Blönduósi og Varmahlíð geta gefið svipaða styttingu. Ég fer reglulega milli Akureyrar og Reykjavíkur. Ef svona vegur væri til staðar, án veggjalds, þá mundi ég nota hann í ca. annað hvert skipti, þegar hálendisleiðin er laus við hálku, og skyggni til fjalla er þokkalegt.
Núna aka um það 400 bílar á dag milli Akureyrar og Reykjavíkur, þannig að búast má við að 200 bílar á dag að jafnaði myndu fara þennan veg, ef hann kostaði ekkert. En þeim myndi án efa fækka mjög verulega ef veggjald sem er meira en 1000 krónur á bíl, yrði rukkað.
Greiðslubirði vegna lána upp á 3000 miljónir, er um 15 miljónir á mánuði, (hálfmiljón á dag) á lánum til langs tíma þar sem öruggar tryggingar eru til staðar. Þetta gerir 2500 krónur á ferð. Við það bætist kostnaður við rekstur: innheimta, eftirlit, öryggisgæsla og og snjóhreinsun.
Þeir sem eiga erindi milli Norður og Suðurlands eru enfaldlega miklu færri en þeir sem fara milli Reykjavíkur og Norðusturlands. Því er það afskaplega óraunsætt að halda að sú umferð geti komið meðalumferð um veginn upp í 700 bíla á dag, sem þarf til þess að veggjaldið geti farið að nálgast þúsundkallinn.
-Einar
You must be logged in to reply to this topic.