This topic contains 35 replies, has 1 voice, and was last updated by 
-
Topic
-
Jæja þá er komið að því. Það er ekki nóg að eiga bara stórann og flottann jeppa úti á malbikuðu planinu og fara í eina og eina ferð uppá langjökul, það er komið að manndómsprófinu… nú á að fara Gæsavatnaleið um verslunarmannahelgina og eftir að hafa lesið leiðarlýsingu Páls Ásgeirs Ásgeirssonar í Hálendishandbókinni að þá ætti þetta nú sennilega að vera ein erfiðasta leið sem hægt er að fara að sumarlagi á jeppa og vísar hann einmitt til þess að það sé manndómsmerki á meðal jeppamanna að hafa farið Gæsavatnaleið. Það er ekki laust við að hárin hafi risið á hnakkanum við lesturinn því þetta er álíka og að lesa góða hryllingssögu. ALLT getur gerst á leiðinni og því margar spurningar sem vakna áður en lagt er af stað….
Við ætlum tveir félagar og konurnar með að fara þarna næstu helgi báðir á 38″ bílum og annar með þann möguleika að fara á 44″ en er það betra ??? þröngir slóðar og hraun …. ???? maður er eitt stórt spurningamerki. Er NMT samband norðan vatnajökuls ?? eru fleiri að fara þarna á laugardag um verslunarmannahelgi?? við værum til í að vera í samfloti með fleiri 38″ bílum.
Ferðaplanið er eftirfarandi hjá okkur. Inn í Nýjadal á föstudagseftirmiðdegi og tjalda þar. Laugardagurinn er ætlaður í Gæsavatnaleið og svo áfram norður í Ásbyrgi og þar ætlum við að eyða afgangnum af helginni. Viljum endilega heyra ef einhverjir ætla að fara gæsavatnaleið á laugardag og einnig hvaða dekkjastærð menn myndu hafa undir á Patrol 2000 módel… 38 eða 44″….??? og endilega deilið með ef þið hafið einhverja skemmtilega vitneskju um leiðina eða einhverjar sérstakar hættur… gps punkta af leiðinni… allar upplýsingar vel þegnar.
kærar kveðjur
Axel Sig… R-3099
-
Replies
-
að við förum að sjálfsögðu líka á toppinn.
Sjáumst um helgina félagar.Kv. Haffi.
..Hvaða kröfur gerið þið til útbúnaðar samferðalanga á ferð um Gæsavatnaleið.
ég veit sama sem ekkert um þessa leið (utan ferðabókarpistla) en var að spá í að fá að slást í för með ykkur ef það væri í lagi ykkar vegna þ.e. einn bíll. Er á ágætis farartæki
37" tuðrur, VHF, NMT, Snorkel, skófla, álkarl, drullutjakkur + millistykki, "lausir" olíutankar(90L). ofl.
En spurningin er kannski helst um hve oliubirgur maður þarf að vera.
Ég var eitthvað að skoða þetta og sýndist vera um 757km (áætlað…) frá Hrauneyjum og í Varmahlíð. Reyndar ekki alveg viss um einn daginn, en þetta ætti að vera nokkuð í efri mörkunum.
Annars eru þeir að draga í land með góða veðrið bölvaðir.
Eru menn tjaldandi eða skálandi í ferðinni?
þ.e. hvar eruð þið að gista..?’
Svefnpokapláss í Versölum og tjöld í Dreka og Laugafelli. Spurning hvort það þurfi snorkel í tjöldin en ekki bara bílana 😉
Þ.e. að því gefnu að búnaður undirritaðs sé "ásættanlegur" til meðfarar og ég sé búin að "sauma" snorkel og flotholt á tjaldið. P.s. ég er "BCU qualified four star" kayakræðari að auki ef það hjálpar ;oD ætti kannski að taka bát, björgunarvesti og flotkastlínu með ef mjög "blautt" verður.
Það var talað um Select milli 17 og 18, nánari tímasetning gæti verið komin á hreint hjá Lauga en þetta voru síðustu fréttir. Síminn hans er í [url=http://www.f4x4.is/new/profile/?file=2769:2dllre0f]prófílnum[/url:2dllre0f] ásamt netfanginu hér fyrir ofan.
Sælir
Ég fór Gæsavatnaleið fyrir nokkrum árum á gömlum löngum Land-Rover, ég var á 32" dekkjum og átti ekki í nokkrum vandræðum með leiðina á honum.
Þá var ég með 80 lítara af bensíni með mér á brúsum og notað að mig minnir 40-50 lítra af því áður en ég komst á bensínstöð fyrir austan.Einu vandræðin sem upp komu í þessum túr voru á Blazer sem slóst í för með okkur frá Nýjadal. Hann var svo kraftmikill að hann hugsaði ekki um að setja í lágadrifið og það endaði með því að það sauð á sjálfskiptingunni á honum, svolítið áður en við komum að Drekagili. En þar er þungur sandur með köflum. Þessi Blazer þurfti að þyggja spotta til byggða.
Kv. O.Ö.
Sælir félagar.
Það er rétt hjá Tryggva brottför er fyrirhuguð kl 18,30 frá Select á föstudag,og meiningin er að sænða hamborgara og franskar í Hrauneyjum og fara síðan í Versali og gista þar,við erum með bókað bæði í Dreka og Laugarfelli í skála um 15 pláss,og Sigurður vertu bara velkominn með í ferðina eins ef það eru fl sem vilja koma með,en endilega sendið á mig mail, og það er ekki spáð regni á því svæði sem við förum um.
Klakinn
Á ég þá bara að skilja félagsheimilið eftir ;)?
Það var svefnpokapláss í Versölum líka var það ekki?
Jú Tryggvi það er svefnpokapláss í Versölum kostar 1500 pr man en 2000 á hinum stöðunum og við erum með bókað fyrir 15 mans á öllum stöðunum.en engu að síður er tjaldið valkostur en það er 800 pr mann í Dreka og Laugarfelli,og trúlega verð ég í slíkum Þjóðhátíðarskúr með heitt á könnunni en engan lundann,búinn að éta það allt og það sem er heima af fugli er óhamflett.
Kv Klakinn
Það sem öllu skiptir er hvað er blandað út í könnuna 😉 skítt með helv… fuglinn.
Ofsi, vinur og bróðir.
Ég hef heyrt talsvert af bollaleggingum um dvöl þessarar ágætu, eyfirsku fjalladrottningar í Laugafelli. Einn er sá maður hér, sem hefur mest stúderað þetta eftir að Angantýr Hjörvar Hjálmarsson frá Djúpadal leið. Sá heitir Hjalti Pálsson, kenndur við Hof í Hjaltadal. Hann er í miðjum klíðum við að rita og gefa út s.n. Byggðasögu Skagafjarðar, en ég held þú hafir séð þann hluta ritsins sem fjallar um það svæði sem áður hét Lýtingsstaðahreppur, en er nú að leggja lokahönd á þann hluta sem fjallar um Akrahrepp, og þar með Austurdal og það sem er í kringum hann. Ég veit ekki annað en hann fari í þetta Laugafellsdæmi í tengslum við það. Það sem getur verið til skoðunar með dvöl þessarar konu með sitt fólk þarna er, að það hefur oft í sögnum orðið ruglingur milli stóru pláganna tveggja á fimmtándu öld, þ.e. þeirrar fyrri sem gekk 1402 að talið er, og hinnar síðari, sem gekk um og upp úr 1490 eftir því sem menn hafa komist næst. Gallinn er hinsvegar sá að heimildir frá þessu tímabili eru afar litlar og koma þar til ýmis örlög, svo sem brunar verðmætra, ritaðra gagna ofl. En þarna er nærri öld á milli atburða. Ef til vill gæti það skýrt þennan tímamun varðandi Þórunni og dvölina við Laugafell. Það er nú svo, að margt í sögum og sögnum á sér sínar raunverulegu skýringar og margt hefur komið fram við vandaðar rannsóknir sem staðfestir frekar en hitt svona sagnir. Þarna ber líka að hafa í huga, að "litlu ísaldarinnar" er ekki farið að gæta að marki á þeim tíma sem þetta á að hafa gerst og gróðurfar því með allt öðrum hætti en við þekkjum á okkar dögum. Það er nú svo og svo er nú það. Alls ekki fyrir að synja að Þórunn þessi hafi í raun dvalið af sér pláguna og þessvegna þá seinni, því reynslan af fyrri plágunni hefur verið nær fólki í tímanum og margur hefur vafalaust hugsað sér leiðir til að sleppa ef sambærilegt kæmi upp öðru sinni.
kv.
Farið verður frá select kl. 17:30
Klakinn var eitthvað að rugla hér ofar í þræðinum (ekkert nýtt að hann rugli)
Sjáumst hress.
Kv, Hjólbarðinn
Vonum að hann sé ratvísarn en hann er stundvís 😉
(Annars var verið að veitast að mér fyrir að áætla of langt á milli bensínstöðva en það var aðallega út af detourum og rugli… mín sök 😉
You must be logged in to reply to this topic.