This topic contains 20 replies, has 1 voice, and was last updated by 
-
Topic
-
Jæja karlar og konur (núna er eins gott að vanda sig).
Er ekki komin tími til að félagið eignist eitthvert stafsetningarforrit? Ég er búinn að bíða eftir að spjallið detti í gang aftur og á meðan ég beið eftir því fór ég að lesa heimasíðu f4x4.Mér sýnist að kerlingar ætli að „leifa“ körlum sínum (sennilega að skilja þá eftir)… Við bönnum börnunum okkar að leifa en leyfum þeim þó ýmislegt.
Þær vilja einnig kvetja þá karla sína… hvað er að vera „kvattur“?
Ekki veit ég til þess að Hofsjökull lúti einhverju nema þá helst náttúrulögmálunum, Hofsjökull lýtur engu en hann lítur hinsvegar vel út!
Annað það hafa aldrei verið hlýjindi á Íslandi en undanfarið hafa þó verið hlýindi.
En í alvöru talað, þetta er hræðilegt lýti á síðunni og er riturum hennar til skammar. Látum nú vera stafsetningarvillur hér á spjallinu en þetta er ekki gott og félaginu alls ekki til framdráttar. Að mínu mati draga þessar stafsetningarvillur verulega úr trúverðugleika félagsins.
Lifið heil, kaupið orðabók.
Kveðja E.Harðar
-
Replies
-
Sæll Erlingur.
það er vandlifað í þessum heimi. Eitt þeirra vandamála sem sum okkar þurfa að búa við er að hafa ekki fullkomið vald á stafsetningunni á okkar ástkæra tungumáli. þar sem þú ert sérstaklega að finna að því sem ég skrifaði verð ég bara að svara því til að mér eru takmörk sett í réttritun og sértaklega í "y" reglum, enda bara iðnaðarmaður. En ég treysti því nú að þú sem aðrir skiljið hvað ég meina þó stöku orð séu örítið rangt stafsett. En ég er sammála þér í því að vanda skal málfar og ritun sem mest. En mér vitandi eru ekki til forrit sem hjálpa okkur í réttritun ef sama orðið er til ritað á fleiri en einn máta. Þú þekkir kanski slíkt? Ef svo er væru ábendingar vel þegnar.
Með kveðju,
Emil Borg
Það er nokkuð ljóst að það dæmist á þig E-Hardar, að lesa yfir allt efnið sem verður sett á nýju heimasíðuna.
Góðar stundir
Anonymous- Umræður: 0
- Svör: 16404
Öllum getur orðið fótaskortur á tungunni.
(Er ekki komin tími ) Er það ekki hann tíminn sem er kominn?
Anonymous- Umræður: 0
- Svör: 16404
Ég heyrði eitt sinn sniðugt ráð fyrir þá sem eru haldnir Y-villu-heilkenni. Einfalt er það;
Hættið að nota "Y"
Það minnkar villur mikið hjá þeim sem eru í vandræðum með þetta, því oftar en ekki eru menn að setja "i" þar sem "y" á að vera og öfugt.
Svo er líka sniðugt að hafa ritvilluforrit í tölvunni og skrifa allt fyrst í word og henda svo inn á síðuna.
Góðar stundir….
Ekki vil ég nú gefa mig út sem einhvern sérstakan villupúka enda rita ég oft réttritunarvillur. Að ég (hugsið ykkur… ég!) skuli hafa gleymt einu "enni" er ekki ólíkt mér… (svona eftir tvo eða þrjá, fékk skömm í hattinn). Ég er ekki að segja að ég riti svo rétt mál en á forsíðu félagsins finnst mér að menn og konur geti þó séð sóma sinn í að rita villulausan texta. Það hljóta að vera einhverjir íslenskufræðingar sem geta lesið yfir textann sem er settur á heimasíðuna, hann er ekki svo mikill. Hvernig er þetta annars með þennan vef? Á ekki að fara að skipta honum út fyrir nýjann? Hvenær var þessu nú aftur lofað, og hvað með spjallið? Á ekki að "endurnýja" það?
Kveðja E.Harðar
Stjórnin | 1.4.2005 00:00
Vefnum verður lokað!!
———————————–
Ekki taka þessu svona bókstaflega… Það þarf ekki að loka vefnum út af þessu!!Nei nú verður mér aldrei fyrirgefið.
Ég skal hætta!!!!!Kveðja E.Harðar
hehehehehehehehehe
Röð saftnana siktpir ekki mlái, braa að frytsi og sðíatsi stfauirnn séu á rttéum satð.
Svo leiðum við hjá okkur einstakar stafsetningavillur/málvillur
Kveðja
Elvar
Sæll Elvar, hvernig ganga annars jeppamál hjá þér?
Ég er farinn að sakna þín á fjöllum :-/
Kv.Atli
p.s. ég ætla ekki að lesa yfir og leiðrétta
Vefútgáfan af[url=http://vefur.puki.is/:1c54sjn8]prentvillupúkanum[/url:1c54sjn8] er mjög þægilegt tól til að lesa yfir vefsíður. Líklega leysir hún þó ekki úr öllum spurningum, t.d. þar sem orð er til bæði með i og y en sitt hvorri merkingunni.
-Einar
Anonymous- Umræður: 0
- Svör: 16404
Ég vill spurja málvillusérfræðingana, hvað eigum við að gera við þá sem eru skrif og lesblindir? Eða hvað eiga þeir að gera? Frá mínum bæjadyrum séð, þá vill ég ekki draga menn/konur í dilka, eftir því hvort það sé skrifandi á íslenskri tungu eður ei.
Góðar stundir
Sig. – 112
Ekki er verið að draga fólk í dilka. Mín gagnrýni felst fyrst og fremst í því að ekki skuli vera meiri metnaður í rituðum texta sem birtist á aðalsíðu 4×4. Ég sjálfur er engu skárri, svona daglega, en svona málfræðivillur eiga ekki að vera þarna. Það er ekkert mál fyrir lesblinda að skrifa texta sem á að birtast á aðalsíðu, það þarf bara að fara yfir hann áður, sem og texta frá ÖLLUM öðrum sem á að birtast þarna. Að auki verða menn að geta tekið gagnrýni á jafn augljóst mál sem þetta er. Það er enginn að finna þetta upp, málfræði er til og mjög aðgengileg.
Kveðja E.Harðar
Við lesblindir og málfatlaðir aumingjar verðum bara að finna okkur annan vettvang svo snillingarnir fái notið sín.
Ps fyrir ykkur sem þurfið að tjá ykkur um helgina þá getið þið notað spjallið á this.is/rotta en f4x4 verður lokað um helgina vegna flutnings gagna yfir á nýju síðuna.
Þar getið þið haldið áfram með sprell og skítkast.
og fróðleiksmola.
Hál og beinbrot
Sælir/ar!
Það að hafa texta sem ætlaður er til opinberrar birtingar og kynningar á klæúbbi sem vill sýnast vandur að virðingu sinni villulausan ætti að vera svo sjálfsagt mál að það þarfnaðist ekki umræðu. Annað sýnir svo mikið metnaðarleysi að það er fyrir neðan virðingu þeirra sem að standa. Menn geta auðvitað sagt sem svo að innihaldið breytist ekki þótt stafsetningin sé á reiki en þetta er auðvitað spurning um að leggja metnað í störf sín. Alveg eins mætti segja sem svo að útlitsatriði hjá iðnaðarmönnum skipti ekki máli, það sé styrkur smíðinnar sem gildi. En hver vill eiga hornskakka eldhúsinnréttingu eða hafa lakkið á bílnum sínum út á rúðurnar?
Öðru máli gegnir auðvitað um óopinbert vefspjall sem menn eru að setja saman sér til yndisauka og öðrum vonandi til fróðleiks og skemmtunar. En það sem sett er á forsíðu og aðrar klúbbsíður VERÐUR að vera "rétt" stafsett enda er það engin kúnst, treysti menn sér ekki til þess sjálfir þá fá þeir einhvern annan til að snurfusa það. Það er svona ámóta sjálfsagt og að sá sem þarf að láta stilla inn drif fær auðvitað einhvern annan til þess treysti hann sér ekki til þess sjálfur. Í því felst engin niðurlæging eða dilkadráttur; hlutirnir liggja einfaldlega misvel fyrir mönnum. Ég kann t.d. stafsetningu til hlítar, en ég get ekki gert upp gírkassa og ekki sprautað bíl.
Með von um að sá metnaður sem ætti að blunda í okkur öllum blómstri á öllum sviðum:
Þ
Það vað bar nú vel í veiði að þessi þráður skyldi fara í loftið núna. En nýja vefsíðan fer í loftið eftir helgi og það þarf að prófarkalesa hana, er það er ekki langur lestur og væri ekki verra ef þið gætuð lagt Emil lið við það. En Emil og Helgi vefsmiður verða á fullu við vefverkefni alla helgina.
Hægt er að ná í Emil í síma 898 8506 öll aðstoð við þetta væri vel þeginn.
Jón Snæland
líst mér á, hvernig var þetta aftur "hver með sínu nefi" á að banna það líka ?
kv
js
Anonymous- Umræður: 0
- Svör: 16404
Þetta er auðvitað hárrétt ábending, vefurinn okkar er opinber fjölmiðill og það er ekki nógu gott að mikið sé af stafsetningavillum. Með því er ekki verið að útiloka þá sem ekki eru með 100% stafsetningakunnáttu. Sjálfur þykist ég vera þokkalegur í stafsetningu en á samt eina af þeim villum sem dregnar eru fram hérna að ofan og skammast mín í sjálfu sér ekkert fyrir það. En það þarf hins vegar að finna leiðir til að komast hjá því að villurnar sleppi í birtingu á forsíðunni. Það sem er hægt að gera er að stilla kerfinu þannig upp að til þess að frétt eða tilkynning birtist þurfi prófarkarlesari að samþykkja hana. Til þess að nýta það þurfum við góða sjálfboðaliða í prófararkarlestur (Valdur??). Svo er hægt að nota svona villupúkakerfi, það hjálpar örugglega eitthvað. Hins vegar er ekki sniðugt að nota Word og copy/paste því með word texta kemur fullt af einhverju leiðinlegu Microsoft drasli (einhverjar textaskilgreiningar). Ekki nema láta textann koma við í Notepad fyrst til að hreinsa hann. En eitt vandamál í þessu er að það liggur oft svo fj… á að setja inn tilkynningar.
En hvernig sem þetta er gert þarf það að vera þannig að það hindri menn í setja inn efni og vefspjallið þarf að vera sæmilega frjálst. Kannski er hægt að setja villupúka á það sérstaklega sem menn geta valið um að nýta sér, veit að það var eitthvað skoðað en ekki viss hvernig það endaði.
Kv – Skúli
Ég hef unnið við fjölmiðla í tæp 10 ár og get alveg tekið undir það sjónarmið að það er óraunhæft að ætla sér að halda úti einhverskonar miðli án stafsetningar- og málfræðivillum. Kíkið í blaðið, hlustið á útvarpið og horfið á sjónvarpið. Ekki einu sinni Morgunblaðið, útvörður íslenskrar tungu, getur státað af réttri stafsetningu alla daga (fyrir utan þessa óhóflegu notkun á stafnum "z" sem er auðvitað ekki til í íslenska stafrófinu).
Hitt er annað mál að það er oft í lagi að hægja aðeins á sér og lesa yfir textann sinn áður en hann er sendur á netið. Þannig kemst maður að minnsta kosti hjá klaufavillunum.
Annað sem ég mundi halda að væri brýnna að benda fólki á er að notast a.m.k. við einfalda greinamerkjasetningu.
Þeir sem skrifa allt í belg og biðu, án punkta og komma, eiga það á hættu að lesendur misskilji algjörlega það sem verið er að skrifa.
Frekar en annað þarf þetta ekkert að vera fullkomið. Það væri samt ágætt að skella inn punkt áður en ný setning byrjar, kommu á milli atriða í upptalningu og sitthvoru megin við innskotssetningu (sbr. ", án punkta og komma," hér að ofan).
Þetta er a.m.k. mín skoðun. Ég býst ekki við að ég hafi komið henni algjörlega villulausri frá mér, en ég gerði mitt besta – það hlýtur að telja líka
kv.
Einar Elí
Jafnvel bestu skríbentar gera mistök og því eðlilegt að fá einhvern annan til að lesa yfir. Þar að auki hafa menn tilhneygingu til að taka ekki eftir eigin villum en sjá um leið samskonar villu í öðrum texta.
Það þarf hins vegar ekki að taka fram að sömu kröfur ætti alls ekki að gera til spjallsins, þar skrifar hver með sínu nefi, lesblindur eða ekki, með ypsilon á hreinu eða ekki; allt skilst þetta. Hins vegar skil ég ekki hvað Emil átti við með ‘bara iðnaðarmaður’. A.m.k. hef ég ekki orðið var við mun á þeim og t.d. okkur skrifstofuhjössunum.
kv.
ÞÞ
Sælir félagar.
Skemmtileg umræða um jeppa þetta.
En endilega leiðréttið mig (og stafsetningarvillurnar líka) ef ég fer með rangt mál, en mig hálf minnir að eini íslendingurinn sem sem hefur fengið Nóbels verðlaunin hafi ekki kunnað að skrifa, en samt fékk hann verðlaunin einmitt fyrir það skrifa.
Kv. Smári.
Hann kunni vissulega að skrifa, hann greindi hins vegar á við flesta aðra um hvernig ætti að stafsetja. Við hinir sem teljum okkur ekki nóbelsskáld höldum okkur við venjulega stafsetningu.
kv
ÞÞ
You must be logged in to reply to this topic.