Mætum öll á sýninguna 5-7 okt. nk.

Sælir félagar.

Nú líður að sýningunni okkar sem haldin verður í Laugardalshöllinni 5-7 okt. nk. Um leið og ég vil hvetja alla til að mæta á sýninguna og draga með sér sem flesta gesti (líka tengdó), vil ég opna umræðuna um sýninguna með því að hvetja alla sem hafa skoðun á því hvað við getum gert til að fá sem allra flesta á sýninguna til að láta það hiklaust í ljós. Núverandi sýningarstjórn hefur ýmis tromp á hendinni og boðið verður upp á fullt af nýjum hlutum sem ekki hafa verið í boði á fyrri sýningum.

Samt sem áður er örugglega einhver sem hefur látið sér detta eitthvað í hug sem væri sniðugt að gera. Sýningarnar okkar eru hornsteinninn í fjármögnun á starfi klúbbsins, þannig að við megum ekki slá slöku við í þessu efni.

Félagsmenn eru einnig hvattir til að skrá sig á svo sem eina vakt um þessa helgi, enda er það bara skemmtilegt, auk þess sem allir sem leggja til vinnu á sýningunni fá veglegan sérmerktan pólóbol fyrir viðvikið.

Með ferðakveðju,

Björn Þorri.