Mælar

Ég er með mælir á sjálfskiptingunni hjá mér og finnst það veita mér meira öryggi að sjá hvað er að gerast. Ég staðsetti nemann þar sem vökvinn kemur út af henni á leið til kælana.

Ég hafði heyrt að sjálfskiptivökvinn þoldi ekki meira en um 100°C en eftir að ég setti mælinn í og brunaði upp Skálafellsjökul á fullu gasi, fór hitinn í 157°C og runnu á mig tvær grímur við það. Þegar svona gerist fer maður í rannsóknarvinnu og upp úr því kynnti ég mér eiginleika sjálfskiptivökva.

Um tvær megingerðir er að ræða hjá ESSO þar sem ég leitaði mér upplýsinga en það eru ATF D-3 og ATF SHC. D-3 olían er sú sem venjulega er notuð en við aðstæður eins og við erum að notum bílana er betra að nota AFT SHC olíuna þar sem hún þolir meiri hita, sjá meðfylgjandi. Ef hitinn fer upp fyrir það hitastig sem hún er gerð fyrir er mér sagt að olían brotni niður og geti myndað einhverskonar slípimassa sem getur verið hættulegt fyrir sjálfskiptinguna.

Moibil ATF D-3 hefur Flash Point -> 177°C
Moibil ATF SHC hefur Flash Point -> 210°C

Það skal tekið fram að við mikið álag á A/T ljósið til með að kvikna en eftir að ég setti auka kælir fyrir sjálfskiptivökvann hefur ljósið aldrei kviknað og þegar ljósið kviknar ekki við 157°C hvað er þá hitastigið þegar það kviknar. Allavega nota ég ATF SHC olíuna framvegis. Þetta er ekki auglýsing fyrir ESSO, ég er viss um að hin olíufélögin eða aðrir olíusala eigi sambærilegar olíur en þetta var bara fyrsta símanúmerið sem ég sá.

Það er annað í þessu, það er ekki nóg að setja mæla eða aðrar græjur í bílana, maður verður að vita hvað maður er að lesa út úr þeim upplýsingum sem maður fær.

kv. vals.