made in the USA-Jeppaflensa

Ég verð að segja að ég trúi því nú varla að kaninn sé að gjörbreyta framleiðslunni á bílunum sem hann sendir til evrópu…þ.e. varla eru þeir að framleiða 2 eintök af sama bílnum þar sem annar er í metrakerfinu og fer til evrópu og hinn er í ameríska kerfinu fyrir USA…ég hef reyndar ekki skoðað þetta en mun að sjálfsögðu kynna mér það.

Ég hélt að þeir breyttu nánast bara hraðamælinum…þ.e. úr mílum í kílómetra.

Hins vegar veit ég (eins og einhver hafði orð á) að japönsku bílarnir hér eru talsvert öðruvísi en sambærilegir bílar t.d. á Íslandi. Þá er búið að útfæra þá fyrir amerískan markað…breyta hinu og þessu og skýra þá venjulega uppá nýtt (Pajero heitir t.d. Montero hér o.s.frv.). Enda eru þessir bílar oft framleiddir í verksmiðjum hér í USA og gæti því verið erfitt að koma með þá á markað sem er með sambærilega bíla framleidda í japan eða evrópu…þá með varahluti í huga.

Kv.

Maskin

Sæll Þengill.

Já ég á Cherokee sem er reyndar ekki í umferð núna,en stendur allt til bóta. Hann er með 4.0l vélinni á 35" eins og málin standa í dag og ég er að undirbúa hann fyrir sprautun og ganga frá ýmsum atriðum eftir gagngerar breytingar, four-link og gormar að aftan og fl.
Maður bíður eins og spentur rottubogi eftir að komast í snjóinn, því það er að verða nóg af honum hér á Akureyri.

Kveðja Jón

Það eru til mikið af amerískum jeppum sem gætu orðið skynsamlegur kostur fyrir þig. Ég geri ráð fyrir að þú hefur kynnt þér hvernig jeppum er breytt á íslandi til að ná sem mestri dellu á sem skynsamlegasta hátt. Ég held að þú ættir að skoða sjálfur hvurslags bíll henti þér allt frá 2ja sæta Wrangler og upp í Hummer í öllu sínu veldi. Ameríkaninn á í viðbót við Cheroki til dæmis mikið af stórum pickup bílum með stærðar vélum og miklu úrvali af aukabúnaði. Galli við þá er að þeir geta orðið ansi þungir og kalla á stærri dekk en þá færðu í staðinn mikið pláss og að mínu mati öflugi bíl. Þarna áttu möguleika á yfirbyggingu á pallinum og ekki síður pallhýsi sem er prýðis kostur fyrir sumarferðirnar og ættarmótin. Ég er ekki endilega að halda að þetta sé ósvikinn besti kosturinn en þetta gæti verið hugmynd fyrir þig að fara af stað og finna bíl sem þig langar í og forvitnast í leiðinni á old.f4x4.is möguleikum á breytingum. Ég veit að félagar 4×4 eru tilbúnir að svara öllum spurningum þínum um málið til að sjá þig svellkaldann á Vatnajökli eftir að þú kemur heim. Gangi þér vel

Sæll Maskin – ég dett hér inn í umræðuna seint og um síðir.

Þó að Cherokee-inn minn sé nú ekki fullgildur vetrarbíll, aðeins á 33", þá mæli ég hiklaust með þeim. Þeir eru léttir, sæmilega gott í þeim og svo er miklu betra að keyra þá en marga aðra jeppa – andstæðan væri óbreyttur Landrover defender með 4runner stýri 😉

Ég er með ’87 módelið af bíl með 4.0 línuvélinni og sjálfskiptingu. Honum var troðið á 33" dekk fyrir 3 árum en ég hef ekki enn "fundið tíma" til að versla drifhlutföll í gripinn.

Hann hefur komið ágætlega út í snjó, flýtur sæmilega á 4 pundum, en mætti vera á stærri dekkjum og með lengra hjólhaf.

Eyðslan er frá 16 og upp í 22 eftir aðstæðum og bensínfótarþunga, sem verður að teljast viðsættanlegt því það er mjög ljúft að keyra bílinn. Hann er reyndar enginn kappakstursbíll á þjóðvegum landsins, en togar ágætlega.

Vélin í bílnum er keyrð rúma 260.000 km og þau fimm ár sem ég hef átt bílinn hefur hún aldrei verið opnuð. Alternator, háspennukefli og þess háttar hefur runnið út á tíma en vélin fer í gang, gengur og heldur svo áfram að ganga. Ég hef heyrt svipaðar sögur af samskonar bílum og þetta er nú ekki lítið atriði!

Stærsti gallinn við bílinn er innanmálið. Það er í það minnsta en ef tveir eða þrír eru að ferðast er alveg nóg pláss fyrir allt það drasl sem þeir geta borið.

Grandinn er töluvert þyngri, um 600 kg ef ég man rétt. Minn, með "gamla laginu" ’87 módelið og þriggja dyra, er undir 1500 kg.

Ég hef töluvert verið að spyrjast fyrir um hvað maður ætti að fá sér ef maður vildi fara í stærri bíl sem kæmist meira í snjó. Hvort sem það eru Hilux- eða Patrol eigendur eru svörin á einn veg: Fáðu þér bara stærri dekk undir þinn.

Að lokum er rétt að benda þér á að þessir bílar liggja hérlendis við hvert götuhorn, óbreyttir og með "til sölu" skilti í glugga (eigendurnir komnir á nýrra módel sko…).

Gangi þér vel í jeppakaupum.
EE.

Eru menn að halda því fram að cherooki og wrangler séu einu raunverulegu amerísku jepparnir??

Þá held ég að menn ættu að endurskoða hug sinn.
1 Ford bronco! Það eru jepparnir sem opnuðu hálendið fyrir okkur
2 Econoline! Þeir buðu upp á að eiga hótel uppi á hálendi hvar sem við vildum.
3 GMC, Chevrolet, Dodge o.s.frv. eru það þá ekki bílar?

Ég er einn þeirra sem langar minna en ekkert í amerískann jeppa en ég verð þó að skipta mér að þessu. Ef þessir "smábílar" þ.e. cherooki og wrangler eru einu bílarnir sem mér byðust þá myndi ég frekar labba.

Þeir hafa áreiðanlega óskaplegt vélarafl en það kemst ekki fyrir nema 2 karlar í hvern bíl. Þá færi ég frekar á einhvert 25m langa pikkalóinn og setti undir hann 44" sem hvort eð er myndu detta undir hann án mikillar fyrirhafnar.

Annars er þetta bara mitt álit og ég væri hissa á því ef enginn annar væri sammála mér!

Kv Isan