LSD í 4Runner

Það getur verið að í bílnum þínum sé original LSD diska-driflæsing sem hefur verið sett á röng olía einhvern tímann þegar bíllinn var smurður, eða þá að hún sé einfaldlega brotin/slitin/biluð. Ef einu sinni hefur verið sett röng olía á drifið getur verið erfitt að fá læsinguna til að virka aftur almennilega öðruvísi en að skipta um diska í henni.

Annars eru gamlar mikið keyrðar original diskalæsingar oft ekkert svakalega öflugar þegar stór dekk eru komin í spilið til viðbótar við mikinn akstur og slit, þetta er jú hannað fyrir 99% malbiksakstur á 29" og sennilega framleitt af einhverjum sem bauð lægst….

Upplýsingar um Limited Slip

http://www.drivetrain.com/auburnhowitworks.html

kv
Agnar

Limited slip eru mismunadrif sem eru eins og venjulegt opið drif að því leiti að snúingur kambsins er meðaltal snúnings hjólanna, t.d. þegar kambur (og drifskaft) er kyrr, þá snýsti hitt hjólið aftur bak ef öðru hjólninu er snúið áfram. í LSD er mótstaða gegn mismuna-snúningi eða snúningi hjóla miðað við kambinn, Þessi mótstða vex með auknu átaki á kambinn þannig að visst hlutfall af átakinu færist frá því hjóli sem snýst hraðar á það sem fer hægar. Oft talað um að 60-80% af átakinu sé færst með þessu móti.

Ýmsar aðferðir eru notaðar til að skapa mótstöðu gegn mismunahreyfingunni, alengastar eru diskalæsingar þar núningur milli diska og platna í drifinu er notaðar, tor-sen læsingar nota pör af skátenntum tannhjólum í stað keylutannhjóla (spider) sem notaðar eru í flestum drifum.

LSD læsing dugar yfirleitt í venjulegum snjó akstri til þess að sjá til þess að bæði hjólin spóli samtímis, en ef munur á gripi hjólanna er mjög mikill, t.d. ef annað hjól er á lofti, þá snýst aðeins annað hjólið. Þá dugir oft að bremsa aðeins til að auka átakið á það hjól sem hefur minna grip og þar með flyst meira átak á það hjól sem hefur meira grip.