Lokuvandamál í Patrol

Sæll félagi … ég er með sömu týpu af Patrol og þú og hef lent í sömu vandræðum… og við erum ekki þeir einu … þetta er landlægt vandamál með patrolana… lokurnar þola ekki álagið… ég var kominn með superwinch lokur og svo fóru þær þá keypti ég aðrar og svo fóru þær … og að lokum fékk ég bjargir eða slífar eða hvað sem menn vilja kalla það … hjá Ægi í renniverkstæði Ægis uppá höfða … og það er búnaður sem hefur ekki klikkað ennþá en ókosturinn er náttúrulega að þetta eru engar lokur … bíllinn er stöðugt í fourwheelinu en þetta klikkar ekki… og þetta er ódýrara en nýjar lokur… svona er allavega mín reynsla af þessum lokum…

kveðja Axel Sig…

Það virðist vera algengur miskilningur að fylla lokurnar af feiti. Þær eiga að vera hreinar að innan og lítið smurðar. Gott er að smyrja mjög þunnu lagi af koppafeiti á þá hluti sem hreyfast og nuddast saman þegar lokan er sett saman. Ef allt er fullt af feiti þá heldur feitin lokunni fastri. Annars veit ég ekki hvernig þetta AUTO dót virkar á patrol en þetta er málið með venjulegar lokur.

Driflokur í Patrol eiga ekki að vera til vandræða. Þeir sem brjóta þær gera það allir á sama tíma í ferðinni…rétt áður en þeir ætla út að setja þær á ,,Lock". Málið er að láta þær ekki vera í ,,auto" í ófærum, en þá eiga þær til að vera að opna og loka á versta stað. Þær læsa sér þegar átakið kemur innan frá þ.e. þegar er öxullinn snýst hraðar en dekkið og eru fljótar að kúpla sér út um leið og dekkið rúllar hraðar en öxullinn.

Nenna strax út að læsa. Það hefur yfirleitt ekki klikkað og lokurnar stífna síður ef við erum duglegir að opna og loka með handafli.
Kveðja,
Lalli.

Fyrirgefðu, ef ég er að misskilja þig nutty, en mér finnst þú vera að rugla saman driflæsingu og driflokum. Það er eins og flestir vita sitt hvor hluturinn. Driflokurnar tengja/aftengja virkni framdrifsins út í hjól, þannig að framdrifið snýst ekki með þegar ekið er t.d. í 2×4 á millikassanum. Driflæsingar læsa mismunadrifinu inni í kögglinum, þannig að annað hvort snúast bæði hjólin eða eitthvað fer í sundur (nú eða vélin drepur á sér!)

Jæja kall … hérna er greinilega smá misskilningur á ferðinni hjá þér varðandi lokur og læsingar.
lítum á þetta svona, bíllinn er alltaf í afturdrifinu hjá þér engar lokur þar, en í afturhásingunni hjá þér er driflæsing "diff lock" sem gefur þann möguleika á að læsa mismunadrifinu að aftan þ.e. að láta bæði dekk snúast jafn hratt hvort sem keyrt er beint eða í gegnum beygjur.
Framhásingin er svo allt annar pakki þar segistu vera með autolokur sem ég held að ég geti alveg fullyrt að séu bilaðar ef þær virka ekki við aðstæður eins og þú lýstir hér áðan, það er rétt hjá þér að þegar lokurnar eru stilltar á auto eiga þær að smella inn þegar þú setur í 4×4 en það gerist ekki hjá þér þú þarft að setja á lock til að fá framdrifið inn, en það er nákvæmlega það sem lokur gera, setja framdrifið í "samband" en þó er mismunadrifið alltaf laust og liðugt alveg sama hvort þú setur í lock á lokunum eða hefur á auto, það þarf að kaupa læsingu í framhásingu aukalega viljirðu hafa þann möguleika á að geta læst mismunadrifinu í framhásingunni.

í stuttu máli sagt
ekki í lokunum og ekki í framdrifinu = spólar á einu dekki

í lokunum og í framdrifinu = spólar á einu að aftan og einu að framan

í lokunum og í framdrifinu og með "diff lock" á = spólar á báðum að aftan og einu að framan

í lokunum og í framdrifinu og með diff lock á og aukalæsingu í framhásingu = spólar á öllum fjórum

mundu bara þetta, ekki nota diff lock innanbæjar, hún á aðeins að notast í þeim aðstæðum þar sem þér vantar meira grip í utanvegarakstri að mínu mati, bíllinn beygir verr og lætur verr að stjórn þegar hann er í diff lock… sérstaklega í hálku…

kveðja Axel Sig…