lokur, til hvers

Mér hefur sýnst að þessar sjálfvirku lokur séu ekki heppilegar. Bæði hef ég nokkuð oft séð menn lenda í vandræðum og jafnvel þurfa að snúa við úr ferð vegna þess að búnaðurinn er að svíkja og svo nokkuð oft komið fram hér á spjallþráðum að menn eru í vandræðum með þetta. Þannig að þetta er að mínu mati spurning um að vera annað hvort með sítengt aldrif eða handvirkar lokur, hvort um sig hefur sína galla og kosti, en er nokkuð traust. Ágætis kostur að geta haft framdrifið í fríi þegar maður þarf ekki á því að halda og geta svo tengt það með lokunum að vild, en á hinn bóginn ágætt að þurfa ekki að stoppa og fara útúr bílnum til að tengja það þegar aðstæður kalla á það. Lausnin er samt ekki sjálfvirkni, sjálfvirkni þýðir einfaldlega að einhver mekanismi á að ákveða hvernig hlutirnir eru og hann getur svikist um eða klikkað þegar síst skildi.

Bara hafa hlutina manual!

Kv – Skúli

Ég ætla að leiðrétta smá misskilning hérna strax með það að pajero er ekki með sjálfvirkar lokur. Hann er með fasta hubba og er ekki fastur ef að það þarf að rugga fram og tilbaka. Pajero eftir ’92 er með svokölluðum active track búnaði sem býður uppá að hafa bílinn með ólæstan millikassa.
Ég er persónulega guðslifandi feginn að þurfa ekki að vita af lokum á bílnum mínum og passa það að þær séu í lagi. Og svo hef ég horft uppá mann með stóra vél og stór dekk á amerískum ofurfák komast ekki upp langjökul vegna þess að hann snéri ekki aðra lokuna nógu vel á. Og þarmeð hélt hann að framdrifið væri búið að stimpla sig út og sagði það gott þann daginn.

Mín skoðun er sú að ef að bíllinn hefur kraft í það og er ekki soðinn að framan þá er um að gera að setja fasta höbba á hann.

Ég ef nú alltaf haldið að enska orðið "Hub" eða wheel hub (í bílaumræðu) þýði naf eða hjólnaf. Veit ekki alveg hvernig fast hjólnaf á að vera, nema þegar legur fara og allt er fast.

Ég er búinn kaupa mér fastar lokur á minn jeppa, en þessar "lokur" hafa líka verið kallaðir "fastir flangsar".

Hlynur

Kaninn notar orðið Manual Locking Hub. Eflaust af því að lokan er hluti af hjólnafinu.

Sælir drengir,

hub er í raun stykkið sem bremsudiskurinn boltast við. Stykkið sem legan er inní og kemur uppá hásingarstútinn eða það sem við köllum naf. Locking hub, sem við köllum drifloku, læsir semsagt hubbnum við öxulinn, tengir þá saman.

Vonandi skýrir þetta eitthvað.

Kv, Valdi

Sælir

Ég hef yfirleitt kallað þetta flangs þ.e. þessi rillustykki sem ganga upp á öxulinn og boltast á nafið.

Sem sagt finnst flangs nokkuð gott og lýsandi orð yfir þetta.

Kveðja O.Ö.