Lokað hús……?

Ekki er nú mikill metnaður hjá klúbbnum að lífga upp á félagsstarfið. Nú gerðist það í kvöld að ekki var sálu að sjá á Eirhöfðanum. Þetta er í annað eða þriðja skipti í sumar sem ég kem að lokuðum dyrum. Þetta þykir mér mjög bagalegt því þetta sýnir að ekki virðist vera hægt að halda uppi félagsstarfi á sumrin. Ekki er ég að kenna neinum um, en ég hygg að hússtjórn og stjórn klúbbsins mættu alveg gera eitthvað í þessu til batnaðar. Staðsetning hússins og aðstaða er frekar leiðinleg miðað við t.d. aðstöðu Krúser klúbbsins, sem virðist takast að halda uppi spjall- og sýningarkvöldum á fimmtudagskvöldum, enda er maður að hitta f4x4 félaga þar. Kannski rætist úr þessu með haustinu, vonandi.

En á morgun 20.júlí verður vísir að sýningu hjá Poulsen og er það vel og í samstarfi við klúbbinn. Sjáumst hress.