Lok, lok og læs

Finn ekki viðtalið við Jón í Dægurmálaútvarpinu en hins vegar var því útvarpað á Rúvak, hægt að hlusta á það hér:
http://dagskra.ruv.is/streaming/akureyri/?file=4290166

Ég hef það eftir starfsmanni Ust að það sé ekki ástæða til að taka þessu korti sem neinn úrskurð um hvar megi aka og hvar ekki, enda er það sveitarstjórnir sem ákveða það, heldur sé þetta hugsað til leiðsagnar. Það er hins vegar kannski alvarlegasti hlutinn í þessu þegar með þessu er mönnum beint á leiðir sem hafa verið lokaðar og eru tæplega færar og/eða þola enga umferð. Þau dæmi sem þarna eru um slíkt sýna kannski öðru fremur að birting kortsins er gjörsamlega ótímabær og nauðsynlegt að vinna þetta mun betur. Klúbburinn hefur reyndar verið tilbúinn að leggja þeirri vinnu lið og átt von á að eftir því væri kallað, en einhverra hluta vegna hefur ekki þótt ástæða til þess að þyggja það. Skýringin á þvi er greinilega ekki sú að ekki hafi verið þörf á þeirri liðsinni.
Kv – Skúli

daginn

Til hamingju Ísland, loksins er ljóst hvar við megum keyra, nefninlega hvergi nema með samþykki viðkomandi sveitarfélags.

Þessir bjánar eru snjallir maður, "ef vegurinn er ekki á kortinu áttu að hafa samband við sveitarfélag eða veiðieftirlitsmann". Þarna eru þeir búnir að svara Ofsa, spurningunni um vegina sem ekki eru inná kortinu.

En þarna væri kanski sóknarfæri fyrir okkur. Nauða í sveitarfélögum landsins með stöðugum hringingum og spjalli um hvort vegurinn sé í raun og veru leyfilegur til aksturs.

Með því að halda símum sveitarfélagana á tali í viku eða tvær þá hljóta menn að sjá að þetta er ekki að virka enda þvílíkur fíflaskapur.

Umhverfisráðherrann okkar fyrrverandi er líka að gleyma einni staðreynd og það er sú að mestur utanvegaakstur sem fer fram er í kringum fjölförnustu hálendisleiðirnar sem eru leyfðar á þessu korti. Landmannaleið, Kverkfjallaleið, Öskjuleið o.s.frv.

Ég sé heldur ekki fyrir mér hvernig eigi að sporna við utanvegaakstri með því að banna akstur á vegum.

Kv Izan

Fínt viðtalið við þig Ofsi í útvarpinu í gær. Reyndar virtist það bara hafa verið sent út í svæðisútvarpinu fyrir norðan. Nú þarf bara að halda áfram og láta vita af því hversu vitlaust þetta kort er. Hefur einhver haft samband við Ómar Ragnarsson og upplýst hann um málin? Er ekki rétt að senda honum póst eða hringja í hann – hann er jú alltaf með símann

Gott mál líka að fá fund með nýja umhverfisráðherranum um þetta. Það er eins og fráfarandi ráðherra hafi legið mikið á að (hálf)klára þetta áður en hún hætti ….

kv. Ólafur M.

Núgilandi umferðarlög (nr 50 frá 1987 með breytingum til og með 1. sept 2005) er hægt að sjá á vef Alþingis í [url=http://www.althingi.is/lagas/nuna/1987050.html:19mkvnfz]lagasafninu[/url:19mkvnfz].
Þeim ber saman við US:
Vegur:
Vegur, gata, götuslóði, stígur, húsasund, brú, torg, bifreiðastæði eða þess háttar, sem notað er til almennrar umferðar.

Einnig má benda á lög [url=http://www.althingi.is/lagas/nuna/1997095.html:19mkvnfz]um landmælingar og kortagerð[/url:19mkvnfz] en þangað sækja LMÍ hlutverk sitt. Samkvæmt þeim lögum hefur LMÍ ekki neitt ákvörðunarvald heldur á að vera lýsandi. Ég sé heldur ekki að LMÍ hafi einkarétt á kortagerð og þ.a.l. segja hvað er vegur eða ekki. Þannig að kort frá LMÍ er ekki tæmandi listi. Ef LMÍ setur ekki veg á kort þá þarf það ekki að þýða að það sé ekki vegur (þetta var fullkomlega óskiljanleg setning…).

Þetta orð "varanlegur" er mjög vissulega undarlegt en vegur getur orðið varanlegur t.d. ef það eru sögulegar heimildir eða hefð fyrir notkun hans. Til að flækja þetta ennþá meira eru til lög um [url=http://www.althingi.is/lagas/nuna/1905046.html:19mkvnfz]hefð[/url:19mkvnfz] 😉

Þetta "almennrar umferðar" gæti auðveldlega útilokað alla slóða ef maður vill skilja það þannig. T.d. útiloka allt sem er ekki í umsjá Vegagerðarinnar og jeppaslóðar henta ekki til almennrar umferðar fyrir fólksbíla… mætti halda áfram á þeim nótum og halda því þannig fram að slíkir slóðar ættu ekkert erindi inn á þennan vef LMÍ.

Það sem mér finnst verra er ef það er eitthvað á korti frá LMÍ sem er sannanlega ekki vegur ætlaður til almennrar umferðar. Þá eru þeir einfaldlega ekki að standa sig. Ég er meira til í að fyrirgefa þeim að hafa ekki geta elt uppi hvern einasta slóða á landinu í fyrstu útgáfu.

Spurning um að reyna að vakna almennilega og fá sér kaffi…

Nokkrir punktar sem er rétt að muna í þessari umræðu. Fyrst af því menn tala um kort LMÍ þá skil ég þetta þannig að þetta sé sett fram í nafni Umhverfisráðuneytisins en LMI vinnur verkið fyrir ráðuneytið. Ábyrgðin á því liggur hjá ráðuneytinu og þar með ábyrgð á áræðanleika þess. Ef í þessu korti felst eitthvað ákvörðunarvald er það spurning um ákvörðunarvald ráðuneytisins. Hins vegar liggur það alveg fyrir að ráðuneytið hefur ekki ákvörðunarvald um hvar sé slóði og hvar ekki eins og bent hefur verið á hér, heldur liggur það vald hjá sveitarfélögum. Það þýðir væntanlega að hafi sveitarfélag ákveðið að loka og fella brott einhvern slóða þarna, þá gildir það jafnvel þó slóðinn sé á þessu korti. Ef einhver væri tekinn fyrir að aka slíkan slóða, búinn að henda burt grjóti sem lokar honum og klippa á keðjur og hengilása, allt í nafni þess að slóðinn er merktur á þetta kort, þá væri hann engu að síður brotlegur og væntanlega hægt að dæma hann fyrir þetta. Spurning aftur á móti hvort viðkomandi geti farið í mál við ráðuneytið fyrir að gefa sér villandi upplýsingar.
Sama gildir á hinn veginn, vegslóðir sem ekki eru þarna en eru góðir og gildir. Ég held að þeir bjúrókratar sem þarna starfa (ráðuneytinu og UST) viti að þetta kort sé enginn endanlegur sannleikur og menn verði ekki kærðir fyrir að keyra t.d. nyðri hluta Breiðbaks eða Klakksleiðina inn í Setur. Allavega mun ég keyra þessar leiðir og margar fleiri áfram svo lengi sem viðkomandi sveitarfélag auglýsir ekki lokun á þeim. Það má velta því fyrir sér hvort þetta kort sé sett fram núna vegna sérstakra aðstæðna í pólitík og þeir sem að þessu unnu hafi einfaldlega fengið skipun að ofan um að þetta verði að fara í loftið strax, hvað sem öðru líður. Ætla ekkert að fullyrða um það hér, bara svona velta upp óábyrgum vangaveltum.
En ég er sammála Tryggva að það er ábyrgðarhlutur og þá hjá ráðuneytinu að setja fram kort sem sagt er vera leiðbeinandi fyrir almenning um hvar megi keyra, þar sem á eru slóðar og leiðir sem eru lokaðar. Eins er raunar fráleitt að setja svona kort fram þar sem eru leiðir sem eru mjög torfærar og aðeins færar verulega vel búnum bílum, án þess að þær séu merktar sérstaklega. Ef ég væri slyddujeppaeigandi og langaði að fara á fjöll myndi ég draga þá ályktun af þessu sem þarna er að þetta séu allt leiðir sem ég gæti skroppið með fjölskylduna í sumar. Það er bara alls ekki málið, þarna eru leiðir sem vart eru á færi nema 38+.
Kv – Skúli

Í morgun áttum ég, Skúli og Jón fund með fulltrúum frá Umhverfisstofu, Landmælingum og Umhverfisráðuneyti.

Málefni fundarins var að fara yfir mál er tengdust þessu korti og að fjalla um utanvegaakstur almennt.

Fundurinn var í alla staði mjög góður og menn voru sammála um að vinna saman að þessu verkefni – þ.e. að berjast gegn umferð utan slóða og vega í hvaða mynd sem hún birtist.

Einn liður í þeirri baráttu er að setja niður á kort allar þær leiðir sem leyfilegt er að aka og birting þessa korts var byrjun á því verkefni og sett fram af LMÍ til að fá viðbrögð og gagnrýni – sem lét svo sannarlega ekki á sér standa.

Við fórum yfir okkar afstöðu í morgun og lögðum jafnframt til að stofnaður yrði vinnuhópur til að halda áfram með þetta kort og ljúka því í sátt við alla hagsmunaaðila. Þessi tillaga var samþykkt og mun vinnuhópurinn hefja störf þegar á föstudag. Hópurinn samanstendur af einum fulltrúa frá Umhverfisstofu, Einum frá Landmælingum og einum frá Ferðaklúbbnum 4×4 – hópnum er ætlað að skila tillögu að fullbúnu korti til kynningar fyrir alla hagsmunaaðila.

Kortið sem núna er uppi á vefnum verður þar áfram og mun taka breytingum eftir því sem vinnunni miðar. Það er þó ekki þar með sagt að allir slóðar sem þar vantar séu lokaðir heldur frekar að ekki hafi enþá verið fjallað um þá.

Þannig að enþá þá verða menn að aka eftir þeim kortum sem notuð hafa verið til þessa og að sjálfsögðu hvetjum við alla til að meta vandlega hvar ekið er og aka einungis á vegum og slóðum sem eru greinilegir og klárlega opnir fyrir umferð.

Benni