Lok, lok og læs

Hér má sjá kort Umhverfisráðuneytisins [b:22sfw01p][url=http://avegi.lmi.is/:22sfw01p]"Á vegi"[/url:22sfw01p][/b:22sfw01p], mér sýnist vannta eitt og annað svo kortið geti staðið undir nafni. Landið er því ekki teiknað eins og það er, eftirfarandi kemur þó fram á vefnum [b:22sfw01p]"Viljir þú aka aðrar leiðir þarftu að afla þér upplýsinga um hvort viðkomandi slóði er ætlaður til aksturs almennings eða ekki"[/b:22sfw01p].

Eftirfarandi er tekið af vef LMÍ; "Í dag (9. júní 2006) var opnaður nýr vefur, Á vegi, sem stuðla á að því að vegfarendur haldi sig á þeim vegum sem ætlaðir eru almenningi. Sigríður Anna Þórðardóttir umhverfisráðherra opnaði vefinn en verkefnið er í umjá umhverfisráðuneytisins. Landmælingar Íslands hafa lagt til kort, vegnúmeraleit og örnefnaleit til verksins, auk þess sem þjónustan er keyrð á vefþjónum stofnunarinnar."

ÓE

Það verður að segjast eins og er að þetta lítur ekki út fyrir að vera mjög trúverðugt og einkennilegt að þetta sé sett í loftið án þess að leita neinna umsagna. Það getur eiginlega ekki verið ætlunin að beina mönnum frekar á blautar leiðir með drullu og sandbleytum en loka þeim sem eru þurrar, greiðfærar og öruggar. Dæmi um þetta er að á leið inn í Jökulheima er leiðin sem liggur upp undir Drekavatn á þurrum ásum, stikuð af Jörfí, er ekki á kortinu og mönnum þá beint ofan í sandbleytuna í Vatnakvíslinni. Sandbleytuleiðin að vísu sjálfsagt yngri en það skiptir ekki máli því það er engin skynsemii í þessu. Líka sumstaðar sem leiðir eru bara hálfa leið eins og t.d. Breiðbaksleiðin þar sem bara syðri hlutinn er. Ég á erfitt með að sjá rökin fyrir þessu.
Það kann að vera að það sé einhver pólitík á bak við það hjá ráðuneytinu að ferða- og útivistarfólk eigi ekki að hafa neitt um þessa hluti að segja og því ekki leitað neinna umsagna hjá þessum hópum, en þá þarf að vinna þetta almennilega. Það þarf að vera vit í því sem er verið að gera og það er slæmt að góðum og gildum leiðum sem menn hafa ferðast um í áratugi sé lokað eftir tilviljanakenndum leiðum og ekki síður slæm þessi dæmi sem Ofsi nefnir þar sem inn rata leiðir sem þegar hefur verið lokað til að hlífa náttúrunni. Sýnir raunar að vinnubrögðin eru algjörlega tilviljanakennd.
Hugmyndin á bak við þetta kort er í sjálfu sér ágæt, því þó í eina tíð hafi verið hægt að hafa það algjörlega opið hvað sé slóði og hvað ekki er veruleikinn orðinn annar í dag. En það sem maður óttaðist strax var að menn væru ekki að gera sér grein fyrir umfangi verksins og þetta yrði ekki unnið á fullnægjandi hátt. Átti samt ekki von á þessu í loftið svona hráu.
Kv. – Skúli

Þetta er ótrúleg lesning. Ingólfsfjall lokað, Fjall sem er verið að moka burtu.
1000 Vatna leiðin lokuð, hvað segja túrista ökumennirnir. Smiðjunes í Lóni, hvað segja þeir sem eiga tjaldstæðið þar. Leið að Sauðakofa, hvað segja þeir hjá Eldhestum. Lónsheiði lokuð. Jamm jamm. Já og lokað upp á Skeggöxl, gott að við vorum ekki með endurvarpa þar, eins og svolítið hefur verið rætt um. Úpps þeir hafa merkt ranga leið inn að Þríhyrningsvatni hvað skyldi Jói segja. Stardalsleið opinn, það er frábært fyrir motorkross menn. Þá er búið að redda þeim frábærri drullumallaraleið og svo geta þeir einnig farið inn Fjallabaksleið Nyrðri, en rétt fyrir sunnan Hólaskjól er gamla leiðin í fögrum grónum hlíðum. Þar eru bleytur og drulla en nú er hún opin og í boði Umhverfisráðuneytisins. Því get ég ekki betur séð en ráðuneytið sé búið að leysa öll vandamál motorcross kalla og kvenna um alla framtíð. Það er því hátíðarstund hjá vélhjólamönnum í VÍK og þurfa þeir sem eru á hjólum á númerum ekki að kvíða framtíðinni. Hins vegar verður forvitnilegt að sjá farman í marga umhverfissinna. Í raun er það eina sem hægt er að gera í stöðunni fyrir Landmælingar og Umhverfisráðuneytið, er að loka þessari kortssíðu hið snarast og klára verkið með þeim sem til þekkja, því það virkar greinilega ekki að nota lappadinglara til verksins.
Gleymdi einu, mér sýnist einnig vera boðið upp á akstur um vatnsverndar svæði Hafnafjarðar. Þarf þó að skoða það betur, þetta er svo fjandi slæmt kort hjá Landmælingu. Enda lifa þeir enn á forni frægð annarra ( útlendinga ) sem nenntu að kortleggja landið á öldinni sem leið.

Já Hlynur stjórnin er rétt að leggja af stað til þess að loka síðunni, við eigum bara eftir að finna slökkvarann

Er ekki best að beina spurningunum til eiganda og umsjónarmanna vefsíðunar og ath hvort þeir vilji ekki tjá sig um þetta hér á spjallborðinu hjá okkur

Maður veltir fyrir sér tilganginum með kortagerða að þessu tagi, og sýnist mér tilgangurinn vera að reyna að setja ferðamenn á grátt svæði á sem flestum leiðum.
Þ.a.s reyna hræða fólk frá því að aka leiðir sem hafa verið gengnar riðnar og eknar frá ómuna tíð.
Einar bendir á lög okkur til fulltingis, er hinn almenni ferðamaður er nú ekki með þau upp á vasann í sumarferðum sínum, reyndar ekki heldu netengdur Landmælingum á hálendinu. Þar sem ekki er hægt að fá kortið á annan hátt. En Landmælingar hljóta að vera rétt í þessu að skella þessu nýja korti í prentvélarnar. Til þess að geta selt okkur það á uppsprengdu verði. ( PS kostnaður við meðalkort er 300 kr ) Þeir hljót því að taka öll gömlu úreltu kortin upp í það nýja.

Það sem mig langaði að vita, sérstaklega eftir að við lögðum á okkur mikla vinnu vegna þessa. Og mikið af gögnum. Hverjir voru ráðgjafar Landmælinga og Umhverfisráðuneytisins. Og einnig hvort útivistar fólk hafi fengið að gera einhverjar athugasemdir á einhverju stigi þessa máls. T.d Samút, Landvernd. Og allir þeir sem hafa einhverra hagsmuna að gæta skálaeigendur, ferðaþjónustuaðilar, útivistar félög.

Ég er ekki sammála Einari eik að við eigum að hunsa þetta gönuhlaup þessara aðila, heldur eiga útivistar aðilar og aðrir tengdir aðilar að leggjast á eitt og fá þessari síðu lokar, þar til þetta hefur verið gert af einhverjum metnaði. Nóg í bili.

Stebbi þarna er ég að tala um Valafell og hringveginn í kringum það, þ.a.s inn hjá Valagjá af Landmannaleið og síðan inn á rudda slóð og vestur að Áfangagili.

þetta ekki eitthvað sem er tilvalið að reyna að fá Ómar Ragnarsson til að fjalla um.

Ég var að horfa á kortið frá LMÍ þegar ég skrifaði og átti að sjálfsögðu við Valahnúka við Helgafell sunnan við Hafnafjörð. Svona gerist þegar maður hugsar eitt og skrifar ekki helminginn af því, my mistake.

Ef einhverjir félagsmenn hafa athugasemdir, eða sjá villur þá vinsamlegast sendið athugasemdir á stjorn@f4x4.is. Ekki birta þær hérna á vefnum.
einnig viljum við fá að vita af leiðum sem sem hafa verið lokar áður eða eru á verulega gráu svæði þar um og hafa verið opnaðar á ný.
T,d væri gott að vita hvort búið sé að opna lásinn á leiðinni upp á Akrafjall, en hún er sýnd opinn, Sama má segja um leiðina inn að Reyðarvatni af Uxahryggjarleið en hún er búin að vera læst lengi.

PS í Blaðinu í dag er frétt um þessa vefsíðu á bls 4

og þarna á meðfylgjandi korti er Eyfirðingaleið norðan Hofsjökuls merk inn, sem ekki er á vegasíðu þeirra. ja svei

er engin nákvæmari tímasetning ?