This topic contains 14 replies, has 1 voice, and was last updated by 
-
Topic
-
Sælt veri fólkið. Eftir margra mánaða pásu er loksins kominn skriður á bílskúrsverkefnið. Nú er komið að því að tengja dælukerfið sem sér um loftpúðana í afturfjöðruninni. Þá vakna nokkrar spurningar.
1. Er betra að vera með lítinn kút með pressustati en að setja pressustatið á lögnina á milli dælunnar og úr-/íhleypirofanna?
2. Hvar fær maður oggulítinn loftkút á slikk?
3. Sjálfsagt fer það nú eftir púðunum, en hvað eru menn almennt að láta dæluna byggja upp mikinn þrýsting áður en pressustatið slær út?
4. Hvort er betra, Toyota eða Nissan? (Nei nei nei – þessi síðasta er bara fíflaskapur og ég verð mjög sár ef einhver svarar þessari spurningu…)
Með fyrirfram þökk fyrir svör við fyrstu þremur spurningunum.
Einar Elí
-
Replies
-
Sæll Einar!
Gaman að heyra að bílskúrsverkefnið er komið á skrið aftur. Ég hef svosem ekkert vit á loftpúðum en mig langaði að gaspra aðeins út í loftið um loftkúta! Ef niðurstaðan er sú að það borgi sig að setja loftkút, væri þá ekki betra að setja sæmilegan kút… svona eins og 10-25L og geta síðan notað hann til pumpa í dekk eða skjóta dekk á felgu. Ég setti 20L kút hjá mér og þetta flýtir verulega mikið fyrir því að pumpa í.
Hérna ættir þú síðan að geta fundið loftkúta.
ET (http://www.et.is)
Barki
LandvélarKv.
Óskar AndriPs.
Hvenær verður síðan prufutúrinn??
(c:þ
Sæll Einar.
Ég fékk gamlan kút sem að kafararnir í Bakkavörinni voru hættir að nota.
Hann er held ég 25 l.
Þú gætir athugað með það. Svo er lítið mál að nota gamalt slökkvitæki.
kv. Haffi
Ég spurði einu sinni um það hvort hægt væri að nota slökkvitækjakúta fyrir loftkúta og svarið var nei. Er þetta ekki bara spurningum að láta þrýstiprófa þá?
Einar, það er ekkert vit í nema vera með loftkúta og pressóstat, 5-2 loftloka og rofa inni í bíl fyrir loftpúðana, það fylgja þessu mikil þægindi. Ég er með tvo 4Lítra kúta, þetta eru gamlir loftkútar sem slökkviliðsmenn nota við reykköfu, þeir eru gerðir fyrir 400 bara þrýsting en ég er að með um 7 bör. Ég sá enga ástæðu til að fara með þá í þrýstiprófun þar sem þeir eru gerðir fyrir miklu hærri þrýsting en ég er að nota þá við og ástæðan fyrir því að ég nota þessa kúta er að þeir eru frekar mjóir og langir og komast því vil fyrir inn við stigbrettið. Fini dælan er fljót að fylla þá en ef ég er fljótur á milli dekkja þá stoppar dælan ekki og ég næ hámarks afköstum út úr kerfinu. Það er alltaf spurning um hversu stór kúturinn á að vera, viltu hafa nóg af þrýstilofti með þér úr bænum eða viltu búa það til á leiðinni eða á staðnum, stærri kútur = meiri þyngd og fyrirferð.
kv. vals.
Ég veit um einn bíl sem er með slökkvitæki sem loftkút, það allavegna sannfærði mig um að það sé hægt.
Er með eitt sett af gömlum köfunnartækjum með mjóu flöskonum ef einkver vill skella þeim inn í grindina hjá sér.
Sælir
Er eitthvað sem mælir gegn því að taka með sér köfunarkút með 300 bör af lofti?
Tekur lítið pláss og það ætti nú að vera hægt að dæla í öll dekkinn nokkrum sinnum með svoleiðis…
Kveðja
Arnór
Ég skal þyggja af þér kútana Guðjón, en hvernig er það eru kranarnir hafðir ennþá á svona kútum og tengt við þá, eða er þeim skift út? Hringdu bara í mig: Hafþór GSM: 848-4807
Ég held að það sé of mikil fyrirhöfn að vera með áfyllta svona kúta og þurfa alltaf að láta fylla á þá þegar tæmast.
Haffi H-1811
Á mínum kútum eru venjulegar röragengjur (tommu), ég tók ventlana af og tengdi slöngutengi við þá og virkar það mjög vel.
kv. vals.
Þakka öllum fyrir góð svör.
varðandi stærð kútsins þá verð ég með tvær dælur – eina fyrir púðana (og vonandi einhverntíma læsingar) og aðra fyrir dekkin. Þar sem ég er þolinmóður með eindæmum ætla ég bara að nota Fini dæluna beint, kútlausa, fyrir dekkin. Ég ætlaði að sleppa kútlaus en þið hafið sannfært mig um að það sé ekkert vit þegar kemur að púðunum
Ég reikna með að leggjast yfir þetta dæmi í næstu viku – fæ kannski að eiga ykkur að ef ég lendi í veseni.
Haffi – hvað þurfti að gera til að kafakúturinn passaði? Eitthvað fifferí?
Óskar – stefnt er á prufutúr eftir ca. mánuð. Sprautun eftir helgi og þá er eftir að týna allt dótið inní hann og búa til nýja klæðningu og innréttingu. Svo er einhver utanlandsferð að þvælast fyrir annars góðum dögum í bílskúrnum
Verðum í bandi með túrinn!kv.
Einar Elí
Er nú ekki mikið búinn að stara undir bílinn en eins og alkunna er (er það ekki annars), þá er ekki mikið um aukapláss í Pajero, hvorki undir né innaní. Þannig að gott væri að vita lengd og þvermál (og jafnvel sirka þyngd) á kútunum. Ég var búinn að kaupa mér dælu m. 5 lítra kút og pressostat sem ég ætla að nota lausa um stund. En ég á til 13 lítra freonkút sem er bara svo helvíti sver og vesen að koma honum fyrir. En eins og ég segi Guðjón þá ert gott að vita málin af kútunum.
Kv. Haffi litli.
Lokar sem almennt fást og henta fyrir í- og úrhleypingu á púðum eða dekkjum kallast 5-3 með lokaðri miðstöðu. Fyrri talan stendur fyrir fjölda porta á lokanum (eitt inn, 2 út á notanda og 2 afloftunarport), seinni talan stendur fyrir fjölda staða á lokanum (ekkert að gerast, hleypt í, hleypt úr). Fyrir púða er bara annað portið notað fyrir notanda (púðann), en hitt er blindað. Jafnframt blæs bara um annað afloftunarportið. Loki sem myndi henta algerlega fyrir svona uppsetningu myndi því kallast 3-3, en hann hef ég ekki rekist á ennþá….loki sem kemst næst því að uppfylla það er svokallaður valloki, en hann nær sjaldnast að loka á milli stöðu A og B (handvirkur)
kv
Grímur
Sæll Einar.
Það sem ég gerði til að nota kafarakútinn var þrennt.
1. Sauð á hann járnskúffu (til að bolta hann fastan með).
2. Sagaði af honum kranann, þá gat ég sett slöngu uppá rörið sem eftir var.
3. Græjaði vatnsaftöppun. Þ.e. sauð neðan á hann 10 mm ró. Í henni er svo bolti og þéttihringur. Svo öðru hverju losa ég róna úr til losna við vatnið sem þéttist í kútnum.
Alveg rétt hjá þér Grímur, ég ætla að reyna að kenna ásláttarvillur um mistökin.
Ég er reyndar með 3-2 loka fyrir loftpúðana í bílnum mínum þ.e. fjögur stykki. Ég tók “Pressóstatið“ og hengdi lokana utan á það og myndaði svona eitt “júnit“ aldrei klikkað og fer lítið fyrir því. Það eru vissulega margir möguleikar á útfærslu á svona kerfi en ég gerði þetta svona og mun örugglega gera það öðruvísi í næsta bíl.kv. vals.
You must be logged in to reply to this topic.