This topic contains 8 replies, has 1 voice, and was last updated by 
-
Topic
-
Langaði að fræðast aðeins og fá skoðun á þessum tveim hlutum varðandi fellihýsi. Er með Fleetwood fellihýsi núna þar sem búið er að hækka það upp með því að snúa fjöðrunum við og setja það á 15″ dekk. Út úr því fékkst ágætis árangur, liggur allavega beint aftan í 33″ Cruiser.
Svo var farið í Landmannalaugar í sumar og landmannaleið farin. Það var ekkert verið að ýkja í svörunum sem ég fékk hérna á síðunni að vegurinn frá Sigöldu er vægast sagt eins og þvottabretti. Á leiðarenda var vagninn skoðaður og kom þá í ljós að öll hnoð voru farin á einni hliðinni sem heldur plasthlífunum á, og ófáar skrúfur sem þurfti að herða upp á. Og ekki var nú hraðanum fyrir að fara þegar keyrt var þarna uppeftir!!
En allavega, þá hefur hugurinn leitað dálítið eftir þessa ferð í átt að E1 og E3 „fjalla“ fellihýsunum frá Fleetwood. Sé að þau eru á fjöðrum og dempurum. Er einhver sem hefur reynslu af þessum vögnum? Eru þau eitthvað sterkbyggðari en þessir venjulegu, þ.e. haldast hnoð og skrúfur?
Er ég betur settur með að splæsa í loftpúða undir vagninn sem ég er með núna? Virka þeir betur en dempararnir? Er einhver sem gerir það án þess að taka handlegg fyrir?
Sem sagt í aðstæðum eins og landmannaleið, hvort virka demparar eða loftpúðar betur?
Með fyrirfram þökk,
Róbert
-
Replies
-
Sæll
þú meinar væntanlega loftpúðar v.s. fjaðrir (ekki demparar)
(nema þú sért með flexitora-fjöðrun sem er handónýt beint frá framleiðanda)
þú notar alltaf dempara með loftpúðunum, því það eru loftpúðarnir sem koma í stað fjaðra.
loftpúðarnir eru mikið mýkri en fjaðrir verða nokkurn tímann, en það fylgir þeim aðeins meira vesen líka. svo endast þeir ekki endalaust heldur.
en betri fjöðrun er erfitt að fá. Ég veit að Renniverkstæði Ægis hefur gert þetta við nokkra vagna og það eru fleiri að þessu. Ég gæti meiraðsegja aðstoðað þig við að gera þetta ef þú treystir þér til að fara í þetta sjálfur að einhverju leiti, en þetta er mikil vinna.
kveðja,
Lárus
Sæll.
Er með Fleetwood 10 feta hýsi árg 2004 og skellti mér á loftpúðafjöðrum frá Stál og stansar.
Vægast sagt er ekki hægt að líkja þessu saman. Mikið betra að draga það þar sem allir kippir og hopp eru ekki lengur til staðar og á möl er þetta hreinlega yndislegt. Það eina sem ég hugsanlega gæti látið út á þetta er að mér finns húsið of hátt fyrir minn smekk þegar það er í notkun. Það gera samsláttapúðarnir sem maður vill ekki leggja alveg saman til að lækka hýsið. En ég ætla ekki að setja út á þetta því kostirnir eru of margir miðað við gamla stál í stál útbúnaðinn. Ef þú hefur færi á að smíða þér svona er það ekki spurning, þú færð mun skemmtilegri græju á eftir. Og eftir breytingu hefur mér sýnst allt vera á sýnum stað inni í hýsinu eftir malarvegina sem stundum var ekki áður.Kv
Pétur
Sæll, var með tjaldvagn á orginal flexitorum og átta tommu dekkjum, setti hann á loftpúða og 13 tommu dekk og munurinn er þvílíkur að ég á ekki til orð yfir það, áður fann ég verulega fyrir vagninum aftan í jeppanum á holóttum vegi en það er nánast sama yfir hvað ég fer núna, ég veit aldrei af vagninum, það finnst ekki fyrir honum. Veit að hluti af málinu liggur í stærri dekkjum sem taka veginn betur en mest munar um loftpúðana og demperana, það sér maður á því hversu mjúkt vagninn fjaðrar. Mæli tvímælalaust með loftpúðum undir vagnana. L.
Daginn
Ég er með E1 með loftpúðum og alles og er það að koma vel út þessar fjaðrir voru hardcore sem voru undir honum ég vil meina það eftir að ég keyfti þetta fellihysi að þegar kanin fer í offroad þá er það af steiftuvegum yfir á malbik
Ég er reindar á loftpúðum allan hringin á
bilnum og það sást vel undir vagnin þegar ég for kalvegin .Kv Gunnar
Sælir og takk fyrir svörin
Var kannski aðeins of ónákvæmur í lýsingunni og fyrirspurninni að ofan og held að ég sé ekki að misskilja neitt (vona ekki). Veit allavega að allt er betra en stál í stál.
En það sem ég var að leita eftir er hvort E1 og jeppa hýsin komi orginal með dempara og fjaðrir, en ekki á loftpúðum. Leit allavega undir nýjan vagn í Ellingsen um daginn og sá ekki betur en að það væri svoleiðis. Og þá hvort munurinn sé mikill á því að vera með það orginal eða þarf maður að splæsa strax í loftpúða breytingu? Lést þú breyta þínu Gunnar eða keyptir þú hýsið með loftpúðum?
Þó ég sé laginn við ýmislegt þá treysti ég mér engan veginn í þetta sjálfur að neinu leyti nema handlanga:) Gerir þú mér tilboð Lárus?
Takk fyrir svörin aftur,
Róbert
Sæll.
ef þú treystir þér ekkert í þetta sjálfur þá held ég að þér sé best borgið hjá Fjallabílum (stál og stansar) eða hjá Renniverkstæði Ægis.. ég sagðist geta aðstoðað þig
en ég er ekki til í að taka þetta að mér að fullu.kveðja,
Lalli
Sæll Róbert það eru sömu fjaðrir undir E1 og 10 feta hýsunum og hvorugt fjaðrar.
Þú myndir lenda í sömu vandræðunum inn í Laugum allt að hrinja í sundur.
Þetta fer eftir hvernig útfærslan er á loftðúða fjöðrunini er hvað hysið verðu hátt í notkun það er til svo mikið af púðum.
Ég setti púða undir húsið hjá mér í vor, var áður búinn að setja fjaðrirna ofaná, hýsið lækkaði um syrka 5 sm þegar maður var búinn að hleipa úr púðunum til að tjalda og svo fer það upp um 20sm í keyrslu.
Þetta tók um 10 tíma að breytta yfir í púða.Kv Eyþór.
Sæll Róbert það eru sömu fjaðrir undir E1 og 10 feta hýsunum og hvorugt fjaðrar.
Þú myndir lenda í sömu vandræðunum inn í Laugum allt að hrinja í sundur.
Þetta fer eftir hvernig útfærslan er á loftðúða fjöðrunini er hvað hysið verðu hátt í notkun það er til svo mikið af púðum.
Ég setti púða undir húsið hjá mér í vor, var áður búinn að setja fjaðrirna ofaná, hýsið lækkaði um syrka 5 sm þegar maður var búinn að hleipa úr púðunum til að tjalda og svo fer það upp um 20sm í keyrslu.
Þetta tók um 10 tíma að breytta yfir í púða.Kv Eyþór.
You must be logged in to reply to this topic.