Loftpúða eða gorma að aftan.

Sæll Theodor, fyrsta spurning: ertu með loftpúða að aftan og ef svo er af hverju ertu þá að hugsa um að skipta yfir í gorma ??.
Ég spyr vegna þess að ég er ný búinn að setja loftpúða undir hjá mér að aftan þrátt fyrir að heyra misjafnar sögur um loftpúðafjöðrun. Þar kvörtuðu menn aðalega um spark í afturendann þegar ekið væri yfir hraðahindranir: Besta lausnin sem menn höfðu, var að taka dempara frá Bílanaust, eyðileggja þá og setja þá undir. Þetta þótti svo góð lausn að þeir hjá Bílanaust eyðileggur demparana sjálfir og selja þá sem loftpúðadempara !.
Áður en ég fór út í framkvæmdir gerði ég verkfræðilega athugun á loftpúðum sem eru hérna á markaðinum, athugaði gröf frá framleiðandum til að athuga hvernig loftpúðar vinna og á hvaða bili púðarnir vinna best, mældi aðstæður í fjöðrunarferli bílsins og niðurstaðan var sú að hækka boddýið um 6 cm. á grind, þannig gat ég hækkað plötuna sem gormurinn hvíldi á um 11,5 cm. hagræddi benspúðunum og samsláttar púðunum og setti saman.
Niðurstaða: aldrei verið mýkri.
Ég fór nýverið í 4 daga túr í Esjufjöll og á Öræfajökul og sessunautur minn sagði að bíllinn væri ævintýralega mjúkur, svo mörg voru þau orð.
Það sem ég held að menn séu að klikka á er að ef bilið sem loftpúðinn er að vinna á er of lítið eykst buðaraukning púðans expónental þegar hann slær saman og menn fá þessi högg í afturendann. þessir púðar sem ég er með vinna best á ca. 12? – 13? ef bilið fer niður undir 8? koma þessi högg eins og áður segir. Einnig er mikilvægt að bilið milli hásingar og samláttapúðans sé nægjanlegt til að þar slái ekki saman, vegna þess burðaraukning á loftpúða sem vinnur á bilinu 13? ? 10? er nánast engin, en burðaraukning á gormum eykst línulega og deyfir þar með samsláttinn við samsláttarpúðana.
Ef of lítið loft er í púðunum hjá mér fæ ég högg í afturendan á bílinn þegar samsláttarpúðarnir slást samann en þá dæli ég bara aðeins lofti í þá og hækka hann upp og held áfram að brosa.
Vandamálið með högg í afturendann verður ekki leyst með því að eyðileggja annars ágætis dempara frá Bílanaust, heldur að athuga hvernig loftpúðar vinna og hvað það er sem veldur höggum eða öðrum óþægindum. Þessi lausn hljómar eins og maður sem hefur verk í tánni, brýtur á sér fingurinn til að deyfa verkinn í tánni !

Kv. vals

Það sem Valur segir hér að ofan passar fullkomlega við mína reynslu. Ferðafélagar mínir eru flestir með gorma eða loftpúða að aftan. Þegar færið gefur kost á að fara meira en fetið, þá miðar loftpúðabílnum oftast áberandi betur áfram en gormabílunum.
Það var lítils háttar leki úr öðrum púðanum hjá mér en það er löngu hætt. Ég er enn ekki búinn að koma því í verk að tengja púðana við loftkerfið í bílnum enda þarf ég ekki að eiga neitt við loftið nema þegar ég hleð eldsneyti og farangri í bílinn fyrir ferðir.

Ég persónulega mindi bara fá mér hjálpar púða undir bílin og vera með gormana líka því ef maður rífur nú einn púðan ílla í krapa sem gerist oft ef maður er ekki með hlífar eða eithvað svoleiðis Bróður minn var með loftpúða í sínum bíl og var búinn að blóta og bölfa yfir þessu drasliu þegar hann setti hann á gorma.

Bara minni viðhaldskosnaður í gormum

Kv. Birkir AJ

Að sjálfsögðu heldurðu loftpúðunum undir að aftan. Þú þarft bara að flytja þá upp á hásinguna og lengja stífurnar, þá ertu í góðum málum. Þú verður að geta lagað hæðina á bílnum þegar þú "hleypur" með 100 kílóa spilið þitt úr skottinu og skellir því framan á bílinn 😉 Gengur ekki að hafa hann á rassgatinu eða á nefinu eftir því hvar spilið er.

Kv.
Bjarni G.