Loftnet

Jamm, líklega VHF bátaloftnet.
Núna þegar SSB loftnetin eru að verða útdauð þurfa menn að fá útrás yfir typpisöfundina með sverari loftnetum :)))

Kústskaftið mitt er vhf loftnet.

Kosturinn við þetta loftnet er það sveiflast ekki og rekst því ekki í húsið á bílnum hjá mér.

Hvað kostar þessi VHF loftnet,ég er hundleiður á látunum þegar þetta mjúka drasl er að lemjast í hin loftnetin og í toppinn.
Og er hissa á að þessi mjúku loftnet séu seld í bíla,þar sem þau sveiflast svo mikið og lemjast í toppinn eða boddýið og geta valdið skemmdum.

Ég hefði haldið að það væri betra fyrir undirstöðuna – þ.e. þann hluta bílsins sem loftnetið er fest – að loftnetið sé sem mýkst.

Það kemur vindálag á lofnetið á ferð og eitthvað verður að taka við því álagi – ef að lofnetið er breiðara, eins og þessi kústsköft þá er álagið bara meira. Þau lofnet sem sveigjast ekki flytja álagið beint niður á undirstöðuna og því veður hún að vera mun sterkari fyrir vikið.

Mér hefur sýnst að menn séu allt of margir að setja loftnetin inn á miðja toppa á bílunum sínum – þetta er alls ekki góð staðsetning m.t.t. álags á bílinn – loftnetið vaggar til og frá og við það hreyfist blikkið í toppnum líka og smám saman kemur þreyta í málminn og hann springur með tilheyrandi lekavandamálum. Og ef menn setja þessi sveru, stífu loftnet beint á blikkið þá finnst mér líklegt að þetta gerist mun fyrr en ella.

Ég setti loftnetin þannig á bílinn hjá mér að loftnetsfæturnir koma á hliðina á toppnum – rétt neðan við beygjuna á toppnum. Þar er málmurinn sterkari en annarstaðar og loftnetið er í raun utan við bílinn og því litlar líkur á að það sláist í bílinn – ég er með VHF öðru meginn og NMT hinu meginn þannig að þau ná ekki heldur saman. Þetta hefur allavega aldrei slegist í eitt né neitt hjá mér.

Benni

Í bílum með þak úr málmi, þá fæst best virkni fyrir loftnetið með því að hafa það inni á miðjum toppi, þetta á sérstaklega við um NMT og VHF loftnet þar sem bylgjulengdin er af sömu stærðargráðu og breidd bílsins. Ég hef alltaf fest NMT loftnet gegnum toppinn þar sem inniljósið er, þar er biti sem gefur góða festu. Ég vil að loftnetið sé sveiganlegt og bogni frekar en að brotna eða beygla toppinn á bílnum ef eitthvað rekst í það. Í raun er toppurinn á bílnum hluti af loftnetinu. Á báta eða bíla með plasttopp þarf að nota öðruvísi loftnet.

-Einar

Þessi loftnet þurfa víst ekki jarðsamband eins og hin loftnetin. henntar betur fyrir þá sem eru með plasttopp. mér var tjáð þetta í radioþjónustu siggh

Ég á eitt svona kústskaft sem ég nota ekki neitt, ef einhvarn vantar! Sendið mér bara póst erlingur@unak.is eða hringið 8648442

Kveðja E.Harðar

Sælir

Munurinn á fíber bátaloftneti og þessum venjulegu bíla stöngum liggur í svokölluðum D-pól, bílaloftnetin þurfa boddí bílsins fyrir D-pól, D-póllin er innbyggður í bátaloftnetin.
Ef notað er bílaloftnet þarf D-póll að vera minnst 30x30cm plata, ef stöngin er sett utarlega á topp eða bretti verður sending stöðvarinnar stefnuvirk, mesta útgeislunin verður þá þvert yfir toppinn eða húddið, þess vegna sækjast menn eftir því að hafa loftnetið á miðjum toppi.

Ekki setja nein svona bílaloftnet á járnfestingu undir húddið, (þessir sem ekki vilja bora gat toppinn) kallar á miklar truflanir þegar húddið fer að skakast til og bjaga D-pólinn, annað! helst ekki staðsetja VHF bílaloftnet í lokið á álkassa á toppnum, ef þar er sett járnadrasl (verkfæri) er fjandinn laus, mikið af truflunum þegar verkfærin skrölta undir loftentsfætinum, og lokið missir jarðsamband við bílinn.

Bátaloftnetin eru gríðar sterk og þola milið álag, þola mikkla ísingu, þau má líka staðsetja hvar sem er á bílnum en best er að hafa þau á toppnum, ekki á frambretti.

Svo síðast en ekki síst þá er bátaloftnetið með allt VHF bandið, bílastöngina þarf að stytta svo hún passi sem best við þá tíðni sem maður vill hafa sem besta.

dB er mögnunin í loftnetinu, 0 dB engin mögnun, 3dB er þreföld og svo koll af kolli, 6dB er það mesta sem til er.

mbk. mundi