loftdælur enn og aftur

sælir
ég var með Fini beintengda í geyminn með 80 Ah öryggi en dælan var staðsett í skottinu á 2.8 Patrol. Ef þú ætlar að pumpa í marga bíla þá þarftu 100 Ah öryggi þar sem dælan hitnar mikið og tekur þal meiri straum. Var með þetta svona í 1 ár og þetta einfaldlega virkaði, þurfti aldrei að líta á þetta, aldrei vandræði með straum, var bara nokkuð sáttur. Var með mjög þykka kapla að dælunni, man ekki hve svera.
Ég veit að einhverjir hafa tengt þetta í húddið hjá sér og tekið úr kassanum til að minnka hitamyndun. Þeir hljóta að pósta hingað inn sinni reynslu af því.
kveðja
Agnar
p.s hljóðið í henni pirraði mig aldei þótt hún væri inn í bíl, ég var náttúrulega alltaf úti að pumpa

ég er einmitt bara með svona bílanaust dælu sem dælir eða á að dæla 75 ltr per min. ég er reyndar alltaf bara með hana lausa og tengi á geymirinn og ég hef aldrei hlíft henni við raka eða neinu og hún hefur oft rennblotnað..
ég segi samt ekki að það sé hollt fyrir hana að blotna mikið en virðist samt þola það þokkalega en ég er búinn að vera með hana síðan 2005 og það eina sem hefur gerst er að hún fór að blása með heddpakkningunni en ég var líka búinn að pumpa í 8 stk 38" dekk og stoppaði ekkert á milli þannig það er skiljanlegt að hún hafi hitnað aðeins en þá tók ég bara hitaþolið pakkningalím og setti á pakkninguna og er hún búin að vera fín síðan

kv. Kristján

Nei það held ég ekki, síðast þegar ég vissi þá var minn í fullu fjöri á Akureyri (hann er með loftpúðafjöðrun að aftan).
kveðja
Agnar

Þessar Fini dælur þola ýmislegt og virðast bara virka, en það er örugglega ekkert sérstakt heilsubótaatriði fyrir þær að vera frammi í húddi. Hiti frá vélinni er líka náttúrulega ekki til að bæta hitamyndun í dælunni sjálfri og svo væri þarna komið enn eitt áhyggjuefnið í djúpu vatni.
Af þvi Agnar nefnir að menn hafi tekið húsið utan af henni til að minnka hitamyndun, þá langar mig að spyrja, er ekki misráðið að taka húsið af í þessum tilgangi? Nú er vifta á þeim og væntanlega stýrir húsið blæstrinum frá henni á þá staði sem þarf að kæla. Eða hvað?
Kv – Skúli

einhverntíma heirði ég að maður slyppi með að vera með 1 nagla í hverjum ysta kubb í dekkinu
en ég sel það ekki dýrara en ég keypti það…
ég væri alveg til í að fá að vita nákvæmlega hvað má vera mikið í þessu
kv. Kristján

16.02 Hjólbarðar með nöglum eða keðjum.

(1) Þegar snjór eða ísing er á vegi skal hafa snjókeðjur á hjólum eða eftir akstursaðstæðum annan búnað, t.d. grófmynstraða hjólbarða (vetrarmynstur), með eða án nagla, sem veitt getur viðnám. Óheimilt er að nota keðjur þegar hætta er á að það valdi skemmdum á vegi.

(2) Naglar í hjólbörðum á sama ási skulu vera sem næst jafn margir.

(3) Hjólbarðar fyrir ökutæki sem er 3.500 kg eða minna að leyfðri heildarþyngd skulu vera negldir sem hér segir:

a. Lengd nagla út úr nýnegldum hjólbarða má að meðaltali ekki vera meiri en 1,2 mm.
b. Lengd nagla út úr hjólbarða má ekki vera minni en 0,9 mm.
c. Hámarksfjöldi nagla má vera sem hér segir:
90 fyrir felgustærð til og með 13"
110 fyrir felgustærð yfir 13" til og með 15"
150 fyrir felgustærð yfir 15".
d. Hámarksþyngd hvers nagla má vera 1,1 g. Í hjólbarða sem ætlaður er undir torfærubifreið (t.d. jeppa) eða sendibifreið (C eða LT hjólbarði) má þyngd hvers nagla þó mest vera 2,3 g.
e. Hámarksstöðukraftur nagla (sá kraftur sem þarf til að þrýsta inn nagla, sem stendur 1,2 mm út úr sóla hjólbarða með eðlilegum loftþrýstingi, þannig að hann sé sléttur við sólann) má við 20°C (± 4°C) mestur vera:

– 12 daN fyrir hjólbarða sem ætlaður er undir fólksbifreið
– 34 daN fyrir hjólbarða sem ætlaður er undir torfærubifreið (t.d. jeppa) eða sendibifreið (C eða LT hjólbarða).
f. Í hjólbarða sem er yfir 760 mm (30 þumlungar) í þvermál og ætlaður er undir torfærubifreið (jeppa) er heimilt að nota nagla sem hver um sig er allt að 3 g og mesta stöðukraft við 20°C (± 4°C) 38 daN.