This topic contains 4 replies, has 1 voice, and was last updated by 
-
Topic
-
Jæja góðan daginn jeppakallar og konur. Í þennan klúbb er ég genginn. Á fyrstu vikunni var ég reyndar búinn að fá endurgreidd ársgjöldin og þakka ég ykkur fyrir þá miklu vinnu sem þið hafið unnið með því að fá fyrirtæki með ykkur í lið og veita okkur afslátt. Byrjaði á að fara í Nesradio niðri í Síðumúla með Tait talstöð 2020 held ég og fá loftnet og snúrur og stilla í hana stöðvar. Þeir voru nú svo magnaðir að þeir boruðu gat í toppinn hjá mér, tengdu loftnetið og græjuðu svo ég þurfti lítið að gera nema leggja rafmagn og gerðu þeir þetta bara fyrir ekki neitt. Hélt að svoleiðs þekktist nú bara ekki orðið en algjörir snillingar.. þakka kærlega fyrir mig þar. Svo fór ég í bílanaust því bremsurnar voru búnar að framan og afslátturinn af diskum og klossum var meiri en árgjaldið. Snilld. 😉 En þá kemur mergur málsins, er búinn að vera aðeins að keyra um landið í vetur en hef ekki loftdælu.. Hvernig loftdælu er skynsamlegast að fá sér? ( vil helst lausa dælu þ.e. ekki festa hana fram í húddi). Hef heyrt að FINI dælurnar séu magnaðar en þær eru líka djöfull dýrar orðið..
Kv Hjalti
-
Replies
-
Fini dælurnar eru frábærar, það er ekki að ástæðulausu að þær kosta meira. en þú ert líka að fá fyrir allan peninginn sem þú leggur í fini dælu
þær eru einfaldlega bestar
Þetta er auðvitað líka spurning um fasta eða lausa dælu. En Fini hefur reynst mér ágætlega og margir af mínum kunningjum hafa sömu sögu að segja.
Mín reynsla er sú, að ef þú vilt góða dælu færðu þér Fini dælu eða AC dælu.
AC dælur geta verið dýrari kostur, eða komið út á svipað verð. Ég held að þú fáir aldrei gott "loftsystem" fyrir lítið þó að þú finnir AC dæluna á lítið.
.
Eini gallinn við Fini er að hún tekur svolítið pláss í skottinu og það er alveg hægt að festa hana og vera með loftúttak á bílnum. Mæli bara með nógu sverum köplum að henni (16-25q) og alls ekki fjarlægja rauðu hlífðarkápuna utaná henni! (þú græðir hvort eð er svo lítið á því hvað pláss varðar)
.
Ef ég vildi hafa hlutina einfalda og þægilega, en samt góða dælu. Mæli ég með FINI. Hún er allra peninganna virði. Flest allar aðrar dælur þurfa að vera fasttengdar við kút. En þá ertu reyndar kominn með setup til að vera með loftlæsingar við og svona… Held að besta verðið á FINI sé hjá verkfærasölunni.
.
kkv, Úlfr
P.s. Velkominn í klúbbinn!
Sælir takk fyrir svörin. já vill hafa þetta einfalt bara.. konan vill ekkert takkabretti í bílinn.. haha .gleymdi reyndar að segja að ég er bara að pumpa í 35´´ yfirleitt …;)
You must be logged in to reply to this topic.